www.goa-world.com SON'VARACHIM SUNGTTAM: Konknnicho Jiv Romi Lipint Asa ! -Jose Salvador Fernandes Gõyant Rajbhas Kaido pas zalear 20 vorsancho kall somplo. Torui hea Rajbhas Kaideacho vadacho vixoi ravon-ravon apli tokli voir kaddta. Kiteak to Kaido, romivaleank fottoun devnagori lipi khatir pas kela. Hea kaideant Morattik-ui khoim tori zago diun, bhaxecho vad sasnnacho sompoila. Dekhun, aiz Gõyant Rajbhaxechea nanvan zo vad cholta to bhaxavad nhoi, punn lipivad hench khorem. Rajbhaxechea nanvan ho lipivad suru zata tednam, devnagorivaleank gham' suttonk lagta. Kiteak? Rajbhas Kaideant tannim Romicher adarlole onitichim bhutam tanchech mukhar bhirankull ritin nachunk lagtat. Konn-ui sarkoch bhiyeta tednam tankam konnacho tori adar- sangat zai poddta. Oslea adara khatir he muttbhor lok, potrokar-porixod gheun aple bhirantik lokacho sangat sodtat. Osurokxechi (insecurity) khunna hi! Rajbhas Kaideant Romi lipicher onit zalea hachi Devnagarivaleank bhorpur khobor asa. Tantuntle unchlea podancher aslole monis-ui hem guptim mandun ghetat, punn ugteponnim sangonk fattim sortat. Kiteak tankam aplea sangateamni 'boycott' kelole nakat. Na zalear, aiz te he oniti vixim ugteponnim uloitole ani boroitole asle. Rajbhas Kaideant Devnagori lipicho ul'lekh korun pas zait porian, devnagarivaleank atam dista - Konknniche romintlean uzvadda yeupi sahit'yak dorzo na. Tancho konn eklo mhonnta- "Romi Konknni hi ek poripurnn bhas mhonnun ghevpachi tank ticheant asa kai kitem hacher kholayen obhess zaunk zai." Konknnik bhas mhunn tigoun dovorpachi romi lipint tank asa dekhunuch, Gõyant aiz Konknni urlea hem sot konnuch nakarunk xokona. Dusrem, Konknnik bhas mhunn samballun dovorpacho gunn romi lipint asa dekhunuch, sorkarachi matui mozot nastana Rrmi lipi azun meren jiti-jivi asa, ani tantuntlean khub bori Konknnichi seva zata. Devnagori vangdda romik-ui Rajbhas Kaideant zago dil'lo zalear, aiz 20 vorsam uprant devnagarik konn ungon legit pollevpacho naslo tacho tankam poiloch vas ailolo. Rajbhas Kaideant romikuch zago melltolo mhunn tyag korun rostear ailolea lokak xevott meren Rajbhas khuinche lipintlean pas zatoli hem tannim sangunk na. Devnagorintlean pas zatoli oxem sanglolem zalear tankam lokacho tenko mellchona, ani Konknni Porjecho Avaz (KPA) hache khatir Gulfantlea Gõykarancho pan-duddu-i mellchona mhunn tankam khobor asli. Rajbhas Kaideant Konknnik Devnagorichi saddi nhesoili dekhun, nagrivaleank atam apunn sorgar aslolea porim bhogta. Ani heach sorgar ravun tankam dista - "Romi, romi mhonnpeam kodden Konknni Sahit'yak kitem tori ghosghoxit divpachi tank asa oxem mhaka disonam." Mhonnche, hi tank fokot devnagorikuch asa oxem zalem na? Punn Sahit'ya Akademiche Puroskar favlolea pustokanchi volleri kaddun pollelear, tantuntlim thoddim pustokam to puroskar favo nhoi toslim asat. Tantum koslem ghosghoxit sahit'ya asa tor? Toxem polleunk gelear, Konknnichea mollar Sahit'ya Akademiche puroskar mellpi pustokant 'ghosghoxit' sahit'ya asunkuch zai oxem na. Kiteak, fuddlea panch vorsank konnak to puroskar diuncho hem adinch tharailolem asta. Rajbhas Kaideant romi lipi zago na te vixinchem 'justification' diunche khatir, Gõychea Konknni Bhaxa Mondollache odhikari ek veglli bhas ulounk lagleat. Tanche sangnne pormannem, Romi lipichi zotnai Goa Konknni Akademintlean (GKA) zata ani Dalgado Konknni Akademik (DKA) sorkara koddchean onudan mellta. Toxem pollunk gelear, Bhaxa Mondoll hem bhaxe khatir asa, lipi khair nhoi. Bhaxechea Mondollan bhaxeche nodrentlean vichar korpachi goroz asta, lipiche nodrentlean nhoi. Hem Bhaxa Mondoll Konknni pustokank sahit'ya puroskar ditana, lipicho bhed-bhav korinastana Romi pustokank legit inam'dita. Zalear, tech Romik nitin Rajbhas Kaideant zago divpacho vixoi ieta, tednam hea Bhaxa Mondollan Romi lipi sovem aplo dusvas kiteak dakouncho? Bhaxa Mondoll hem Romi lipintlea pustokak vorsantlean ek pavtt puroskarachem lolipop diun apunn Romi lipicher onit korina oxem tanchem mon zait. Toxem zalear, tech Romi lipik Rajbhas Kaideant ghalpacho vell ieta tednam Bhaxa Mondollachi Romicher onit kiteak? Vo, Romi lipik vorsantlean ek pavtt puroskar diun Romi lipichi apunn zotnai gheta oxem Bhaxa Mondollak dista kai? Hem tor khorem asot zalear, hea Bhaxa Mondollachea odhikareamni ek gozal ghott monant dovorchi – fattlim 21 vorsam Konknniche Romi lipik sorkara koddchean koslench onudan, mozot, Sahit'ya Akademiche ani her puroskar, ani aiz Konknniche Devnagori lipik ani Morattik Rajbhas Kaideant jitlim sompeponnam ani sovloteo melltat, toslem kainch ek mellunk na….. torui Romi lipi azun-ui jiti-jivi asa, ani bhouch promannan gollta. Hachem khoreponn Konknniche Romi lipintlean uzvadda yeupi potram-masikantlean thavem zata. Gõychea Konknni Bhaxa Mondollan hacher barik-sarik niyall korun, ani lipi poros bhaxeche udorgoticheruch aplem mon ghalun vavurpachi goroz asa. Lipichea proxnak lagun bhaxa mondollachem rupantor lipi mondollant zaunchem nhoi mhunn hea mondollachea odhikareamni chotur ravpachi goroz asa. Na zalear, itlim vorsam bhaxe khatir vavurit fuddem ailolea mondollachea vavracher xellem udok poddun to vavr nirfoll zavpachi bhirant asa. Kitem-i zaum! Aiz Gõyant lipivadacho proxn uprasla to 20 vorsam adim devnagorivaleamni adarlole chukichem foll. Polleunk gelear, sogllea chukink bhogsonnem asta, punn mud'dom zaun adarlole chukik mat, ti tharear ghalea xivai Konknni bhaxechem somadhan zaunchem na. 6/09/2008 (c) Prof. Jose Salvador Fernandes http://www.goa-world.com/ http://sonvarchimsungttam.blogspot.com/ Gulf-Goans e-Newsletter (since 1994) http://www.yahoogroups.com/group/gulf-goans/ http://www.irte.com/airc.htm www.cry.org In Kuwait www.focc.kwt email: [EMAIL PROTECTED] CRY, the link between Children in need and YOU. LINO'S KONKANI KOVITA http://www.goa-world.com/goa/poems http://groups.yahoo.com/group/gulf-goans/message/18909 Mahableshwar http://www.mahableshwar.com St. Mary's High School - Mt Abu, Rajasthan India http://www.abusms.com Visit Goa's favourite website THE GOAN FORUM http://www.colaco.net http://www.yahoogroups.com/group/goa-goans/ Goa World Goa Mog Goa SuRaj Super Goa (em Português) TGF Writers' Sketchpad www.colaco.net www.goa-world.com/goa/music/ KONKANI MUSIC ONLINE http://www.live365.com/cgi-bin/directory.cgi?autostart=konkani Goa's Pride - http://www.goa-world.com http://in.youtube.com/watch?v=_Avn6_AepNw&feature=related Gulf-Goans e-Newsletter is presented by Ulysses Menezes, www.goa-world.com and moderated by Gaspar Almeida (since 1994) http://www.youtube.com/watch?v=fywTuf-9S0k&feature=email
[Goanet] SON'VARACHIM SUNGTTAM: Konknnicho Jiv Romi Lipint Asa !
Goa's Pride www.goa-world.com Sat, 06 Sep 2008 01:05:47 -0700
