------------------------------------------------------------------------ TRI Continental Film Festival - Dona Paula, Goa, Sep 28 - Oct 2, 2007
http://www.moviesgoa.org/tricontinental/tricon.htm For public viewing. Registration at The International Centre Goa. (Ph: +91-832-2452805 to 10) Online Media Partner: http://www.GOANET.org ------------------------------------------------------------------------ "To Mi Nahich" Hea disanim mhojer orxinch akkant aillo asa. Nhoi, mhageli yidad vo piray gelea sumanant savn 53vea tenkxer pavli mhonn. Ham!! Isvorachea axirvaddan, mhageli bholaiki ajun ghottmutt asa. Punn sorvbhonvtonim Kuwait-an thikann korun axillle Gõykar somudayentle kaim monxanchim nanvam, kapsinechea kapsa porim varear ubounk laglelean, atam hanvem mhojea borea deknarank (fans) zagrut korunk chintlam. Ani ho lekh taktinn borovncho kela. Eka vaddeantli udkachi baim, poilinchea bailancho kobram-mand zaun aslo. Baincher udok vhorunk yetli bail monis, vaitt toxench borea monxanchim kortubam duun kaddtali. (Sogleo baileo tosleo nhoi asleo) Gorje viret izot kaddun kopdde dupache fatrir ghanstelea porim ghasun, vaittam borobor bore-i monxachem nanv varear uboitalim. Atam ghorant udkacho nol bhosoilelean adle baim-cho rosto tim visorleant. Punn peleacheo kobro korpacheo mat soddun dilem nam. Ghorantlea telefonan, adle baim-che kobram-mandacho zago ghetla. Tech porim, dusrem sadon bhitor sorlam ani tem mhonnlear internet. Offisant tem ghora meren internet cholta. Sonvsarik kobro chitram soit ghorantuch bosun pollevnk ani vachunk melltat. Electronic mail khinna bhitor tujea kompuittorant pavta. Koslo-i vehar tuka chollounk zai zalear hem internet tuji goroz korta. Adlea itihas mellunk tuka khubuch pustokam vachunk poddtalim. Punn atam internet vo electronic saddonan, tujem kam sonpem kelam. Tem ekdom upeogachem zalam ani borobor thoddea monxanim tacho dur-upeog korun borelea monxank trasant ghaleat ani ghaltat. Zavn to yahoomail vo hotmail, gmail, sancharnet ani her sabar web site choloiteleanim, e-chittio (e-mail) pattovpacho vehar korteleank, aplea vebsitincher vorixtt sovloti funkot rakun dovorleat. Fokot tunvem tanchea vebsiticho vorgonnidar (subscriber) zavnk zai. Khub zannanim funkot dilele sovloticho faido meloila ani meloitat. Punn thoddeanim goir-vapor kela ani kortat. Kaim zann, tujeach nanvanchi ID-cho upeog korun ani hanga thoim thoddo okxarancho vo ankddeancho bodol korun tunvenuch daddlelea porim dista toxem kortat. Tujea inbox-an, nanv piddear kello e-chittio bhitor sorleo mhonntoch konnem pattoun dilea hem pollenastanam vo sarko topas korinastanam tum vachta ani beg-begim tujea ixtt-ixttinink forward korta. Gelea mhoineant Kuwait-che Gõykar somudayen, khar ani oinim chaklam. Dog mahan Gõykaranche (eklo lekhok ani dusro sinema digdosrpi) nanvanchi ID nokol vo kopi korun ani tancheach nanvan, konn eka monxan e-chittio internet-ar posraileo (circulated). Hea e-chittinim Gõykaram modim goir-somoz kelo ani borelea monxancho suseg piddear zalo. Ani net-ar pattovlelo e-mail potto apleacho nhoi vo To Hanv Nhoi mhonn sangpak ani aplim nanvam nitoll korpak dog-ui mahan monxank gorje bhair nakantlean xinkeo kaddcheo poddleo. Aiz tanchea nanvan borovpam zalim. Faleam tuje ani mhojea nanvan toxech kortele. Dekunuch internet-ar vo tujea inbox-an ailleo kobro rokddench gilcheo nhoi mhonn ugddas kortam. Hanvum-i, dor sumanank internet-ar Aitaracheo Kaskutleo hem nanv divn lekh boroitam. Mhojea lhanxea borovpan hanvem zaite ixtt vo fans keleat, punn ajun dusman zhoddun ghetlele nant. Borem bim vomptolo monis gonvam modem nêr vompinam. Punn oslim kama mat dusmananchim astat. Povitr Pustoka veli hi ek niall korpa sarkeli xikovnni atam mhojea bejean ghuslea. Dekhun tumkam kollit korun dislam. Mhojem nanvanchim, (Lino Baptisto Dourado) poilim don okxoram zhoddun hanvem libado kelam. Ani zolm tarik, mhoinom ani voros mellavun mhozi ID ghoddun haddli libado23s53@ yahoo.com. Falleam konnui mhojem nanv vo mhoji ID vaprun mhojea nanvan internet-ar fogotteo marit. To hanv nhoi hem sangunk mhaka ghoddie vell ascho nam. Punn ek monan dovorchem. Mhoji patt korpili ani chukun to monis sonvsar soddun geloi zalerui tachi patt korpunk infernanchea darar vhechem poddlem zalear, mhaka tras zavnche nant ..Zoxem tuka kelelem naka, toxem dusreak korinaka .. Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado ____________________________________________________________________________________ Yahoo! oneSearch: Finally, mobile search that gives answers, not web links. http://mobile.yahoo.com/mobileweb/onesearch?refer=1ONXIC