Otthra June by Manoharrai Sardesai Udok legit zal'lem rogot Ani rogot zal'lem hun Bhava tuka iad asa Otthra Jun?
Bondkhonniche dukhest chire Nove axen dhodd'dhoddle Finrgealem mostem bonder Thorthorot somzolem Vavzhoddint vetlem mhonnun Pinzun Pinzun Bhava tuka iad asa Otthra Jun? Mongllaracho aslo dis Pavs nettan poddttalo Ambeamullant gavddeapor Kuddkuddot roddttalo Lokhnnacho ailo purus Khoim sakun konna khobor Tujea xinvaulean gelim Amchim bhuzam xinxinvun Thoran poram ailim dhanvot Konnak khobor khoim sakun Zulmachea tubkantlean Ujeagulle gele suttun Rogtachi ub mellun Bhuim amchi zali hun Bhava tuka iad asa Otthra Jun? Soddnnukecho ailo dis Utthun ubo ravlo monis Sogle pas poddle tuttun Bhava tuka iad asa Otthra Jun? Kitle oxe aile gele Otthra Jun! Ambeamullant Kuddkuddta Gavddeacho por ozun Bhangrachem Goem amchem Kitlem asa pois ozun! Mollbacho mattov pinzun Kupam foddun, goddgoddun Zoglachea zhogzhogant Ghiss korun zhogzhogun Doddkevori lottun, futtun Ienv di porot Otthra Jun! Bhava tuka iad asa? Tea disa ugddasan Hodd'ddem mhojem pett'ta oz. Bhava tuka iad asa Otthra Jun?