Sorgar Vochunk Fukott Tikett Jezu, Tuzo khuris Khandar ghevnk Simanv* osle (1) Monis mellunk Hea jogant Bhov thodde, Punn; Tum veta te, Sukhache vatten Poinn korunk Uzvea chora* bhaxen (2) Zaite zonn Asat mhu ga! (1) Jezuk khursar khillaunk gheun vetanam, konneklea Simanv* Sirenkarak tannim vetthik dhorlo (seized) ani Jezucho khuris tachea khandar dilo. Niallunk Aichea khallar, mon’xanche khandar khubuch zodd zal’le khuris ami polletanv. Tanchem vozon lohu korunk ken’na tori aicho monis niallta gai? (2) Jezuchea borobor dogam chorank khursar khillailole. Ekak Tachea uzvean ani dusreak davean. Davean aslolo chor, Jezucheo kexttaio kori. Uzvean aslolo chor*, apli chuk vollkun Jezu veta te vatten vorunk aplo ugddas korpak, vinontti kori. Niallunk Amche modim lhan monis asat. Voir sorunk adharachi gozoz magtat. Vinonti kortat. Tujea lagim ti diunk zata. Sokol aslolea mon’xank voilea panvddear vorunk, aicho monis niallta gai? Ugddasak: Prachitacho khall amchea korneancho ugddas korunk xinkoita. Upas, magnnim kelim mhollear prachit zalem oxem somzunk favo na. Rochnnaran, amkam khub fukott dhennim dil’lim asat. Boro Samaritan zavn, dusreacheo oddchoneo ani koxttant vato gheta teddna mat Rochnnar Bap tujeo kornneo svikar korta, ani tujea bore kornneank lagon voimkuttantlem sukh fukott favta. Punn ugddas dovor. Uzvea hatant dita tem mat davea hatak kolit korinaka………….. Lino B. Dourado (Utodd’dekar)