Server mailing list RantauNet berjalan atas sumbangan para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Ass,wr,wb. Barusan ko ambo danga dari siaran TV, ado sepasang muda-mudi nan bukan muhrimnyo ta tangkok basah (mungkin sadang main aie) di Pantai wisata Padang, dimano di Pantai ko disadiokan pondok2 atau Cottage nan bisa diseo short time. Apolah saroman ikobana rusaknyo kampuang kito, ado anak2 mudo nan tatangkok sadang manyabu (sabu-sabu), apo lah rusak bana mental urang2 di kampuang awak kini ? Dimaa peran, cadiak pandai dan alim ulama di Kota Padang kini, apo Umaro pun alah indak peduli dengan dekadensi moral ko. Dimaa Kota Padang nan dulu terkenal sangaik barasiah tu, kota Serambi Mekah, kota nan terkenal dengan julukan "Kota Bingkuang" nan bingkuangnyo sulit kito dapek kini dan istilah2 lainnyo nan membanggakan kito. Kini, kito mandanga, sakian orang anggota Dewan terlibat korupsi, pendidikan terpuruk di posisi terbawah, dekadensi moral sangaik akrab kito danga di TV atau kito baco di koran2. Apokah akan kito padiakan saroman iko kampuang kito tu dunsanak ? Marilah samo2 kito peduli dengan permasalahan ini. Mudah2an dari RN ini akan kalua ide2 dan saran2 nan akan diaplikasikan dek Umaro nan ado di kampuang halaman kito tu. Sakian, wacana nan paralu kito perbincangkan, dari pado kito bacaran indak bakatantuan. Wassalam, Mulyadi St.Bangsawan ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Isikan data keanggotaan anda di http://www.rantaunet.com/daftar.php ---------------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ========================================
