----- Original Message ----- From: "Eureka" <[EMAIL PROTECTED]> To: <[EMAIL PROTECTED]> Sent: Monday, December 23, 2002 10:39 PM Subject: Re: [RantauNet.Com] Mendesak, Refungsionalisasi Peran Ninik Mamak
> Assalamu'alaikum ww > Sanak2 sadonyo ... mambaco barito manganai > baliak ka nagari saketek banyaknto iyo > manggisia sahinggo ambo ingin mautarokan saketek > pandangan yang mungkin kurang pas kareno > ambo masih anak mudo kemaren sore.. jadi > kalo ado salah2 tolong dibatuakan. > > Kadang2 romantisme untuak "baliak" ka > sistem nan lah lamo awak tinggakan baiak > sukarela maupun tapaso .. sabananyo ado > karugiannyo .. salah satunyo yang manjadi > pikiran ambo adolah masalah pemilihan > penghulu yang didasarkan pada "keturunan". > > Sistem "katurunan" ko buliah dikato alah > gagal dima2 dan samo2 kito tau saat ko > yang tabaik adolah adonyo equal opportunity > bagi siapo sajo. Jadi siapa sajo > yang bakompeten bisa jadi penghulu baik > inyo sutan, mantiko, datuak atau sabagainyo > bisa duduak sabagai pamimpin nagari. > > Yang kaduo masalah suku .. iko sabananyo > bahayo juo karono kini ado kecendrungan > sentimin kasukuan maningkek .. kato > urang suku chaniago yang jadi panghulu > sukunyo handaknyo .. baitu juo suku patapang, > malayu, bugi dsb. > Akhirnyo lego pagai nan tajadi. > > Baitu dulu nanti di sambaung > > > Dt. Bandaro Panjang > USA > > Assalamualaikum, Tertarik pulo ambo untuak mangomentari pandapaek dari mamak Dt. Bandaro Panjang nan di Rantau Mak Buih ko. Sabalunnyo ambo batanyo dulu, apokah panghulu nan mamak makasuik diateh ko Datuak, atau Wali Nagari? Paralu dijalehkan... Kanapo awak ka lago pagai, tantu iyo, kalau untuak mamiliah datuak, yo pasti datuak tu tapiliah dari sukunyo masiang2, samisal... kalau pemilihan Dt untuak Chaniago, yo urang chaniago itu nan dipiliah, ndak mungkinlah dalam pemilihan Dt kaum chaniago nan paliah urang piliang.... Kalau dalam pemilihan Wali Nagari..... itu mungkin-mungkin sajo. Tapi bagi ambo itu ndak mungkin, karano dalam pamilihan wali nagari bukanlah terdiri dari 2 jo 3 kaum sajo, tapi banyak kaum.... dan kini ambo caliak dikampuang untuak pemilihan wali nagari bukanlah tangguang jawab dari masyarakat lai do. tapi alah tangguang jawab dari Pemda, dan urang2 dari Pemda yang mancari caracter untuak manjadi Wali Nagari (tentu iyo karajo samo jo niniak mamak di kampuang nantun). Nan ambo sayangkan kiniko adolah.... Dunsanak awak dikampuang ndak mamikiahkan fungsi dari datuak itu kini lai, dek gengsi dan ingin punyo datuak nan batitel, calon datuak nan kadi-angkek itu, antah dima2 (makasuiknyo calon tersebut indak dikampuang, alias dirantau nan jauh) jadi gimano caronyo nanti datuak tersebut mamimpin anak kamanakannyo nan ditinggakan dikampuang sono??? Jadi kiniko (indak sadoalahnyodo) apo fungsi datuak diangkek, kalau ndak bisa melayani anak kamanakan.... mangkonyo kini budaya ninang tambah semakin pudar, nan mudo-mudo (tamasuak ambo) indak mangarati lai jo budaya. Ambon sangek sapandapek jo Mak Bandaro. Sepengetahuan ambo, dan juo nan ambo liek2 dikampuang ambo, indaklah sarupo nan mamak Amrizal katokan itu doh..... Dan cieklai, untuak bapatak panghulu tu, kini sangek jarang tajadi, karano jarang pulo panghulu tu nan malatakkan jabatannyo (kalau mangundurkan diri datuak tu barulah baralek gadang untuak mampatagaknyo). Ambo ingek, rang gaek ambo =M. Dt. Bagindo Mudo= wakatu diangkek jadi datuak (i love abak), sangek sederhana sakali. gala yang baliu emban tu serah tarimonyo hanyo jo jabat tanggan sajo, dengan disaksikan kamanakan2 baliau. Kanapo sederhana?? kebanyakan datuak dikampuang awak jabatan dibawok sampai mati, setelah meninggal itu baru ado penggantinyo (samo jo rajo, kalau rajo alah maningga barulah pangeran naik tahta). Mungkin sagitu dulu dari urang nan baru gadangko, sabanonyo masih banyak.. tapi bialah, lain kali disambuang lagi. Wassalam F3n RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================