RE: [RantauNet] ANS awak koreksi sasamo awak
ANS itu hanyo rancak namonyo sajo tapi buruak di pelayanannyo... jose --- Indra Gandhi [EMAIL PROTECTED] wrote: Assalamualaikumm Wr.Wb. Ambo sato pulo ciek,sabananyo ambo ado pangalaman nan elok dan ado juo pangalaman nan kurang elok salamo mamakai palayanan Bus ANS iko.Tapi sabalun ambo bacarito,ambo tamasuak urang baru dalam lapaukomah,ma tau nantik ado nan salah caliak,salah pacik a'a'a'tolong sanak sapo,indak kabangih gai ambodo ( tapi mangutuak se dalam hati...ha...ha...h ).Baiklah dunsanak kasodonyo ambo akan memperkenalkan diri saketek, Namo : Indra Gandhi Gala : Kari Marajo Alamaik : Jl.Aman Gg Aster Duri-Pakanbaru-Riau Karajo: Mangaleh Ubek pakai tulisan nan dicoret-coret angku Dotor. di Rumah Sakit Caltex Duri. Nagari asa: Padang Tarok-kec.Baso-Kab.Agam.B.Tinggi Jan takujuik pulo sanak mambaco namo amboko ee,sabananyo nan banamo Gandhi tu ado banyak dulu tu mah,tapi lah habih dialau mancik kini tingga cieklai itu pun untuak kabijo mudah-mudahan lai boneh nan tingga ko ha...ha...aa. Jadi pengalaman ambo jo Bus ANS iko,pernah dulu waktu ambo baru partamu sakali pai ka Jkt,naiklah ambo ka bus ANS ko,kanapo ambo mamiliah bus ANS ko, karano janji urang bus tu Panumpang akan diantakan ka alamaik,dek awak urang baru datang ka Jkt tantu itu bana nan diharokan,tapi...sasampainyo di Rawamangun apo nan tajadi,sopirnyo hilang cingkariaknyo tabang antah kama panumpang alah baa nyo panumpang sajo tamasuak ambo,alah bantuak kambiang diateh atok sajo puta kasinan puta kamari ndak tantu jalan katurun. Pendek carito ambo cari sajo Taxi lai( tujuan ambo ka Ancol )ampia pulo ambo dipanguanyo dek urang taxi,tapi lai indak kasampaian niat urang tu. Itulah pangalaman nan kurang elok yang ambo alami. Kalau pangalaman nan lai agak elok ado pulo samo Bus Ans ko, Wakatu itu ambo dari Padang manuju Duri,naik Bus ANS di Jl.Katib Sualiman Jam.8.00 malam,padahal ambo lah diloket itu samanjak jam 3.30 sore,karano jadwal barangkek jam 4.00 sore,antah karano apo ambo indak tau pulo tumah alah jam 8.00 baru barangkek,pagi kiro-kiro jam 6.00 baru sampai di Pakanbaru, masuak ka Pool,ambo sangako lai sabanta,alah bagageh-gageh awak pai ka WC bagai kironyo lamo sangaik,ee...ee..ambo tanyo kacingkariaknyo lai,jam bara kabarangkek lego nyo ambo,iko alah sajam labiah tagak disiko,ee...tunggu sabanta Da kecek cingkariaktu,awak manunggu bus nan cieklai untuak mambawo urang ka Duri jo ka Dumai sabalah Da,busnyo baru,Super Executive katonyo,Jadi batukalah Bus Ekonomi tadi jo Bus SE sampai ka Duri. Itulah pangalaman ambo jo Bus ANS ko. Jadi kalau sakironyo banyak diantaro kito nan mandapek pangalaman nan indak elok anggap sajo kito sadang sial,tatompang biduak tirih atau tajujuang sangkak ba amo. Mohon ma'af kalau talalu panjang,tapi kalau bacarito sacaro langsuang bisa abih hari duo hari,panjang sabananyo caritotunyo tu lai. Wassalam Indra Gandhi Pharmacy Medical Duri Phone 0765-995078 ( Office ) 0765-595958 ( House ) 0812-750-9302 ( HP ) e-mail;[EMAIL PROTECTED] -Original Message- From: Pemi M. [mailto:[EMAIL PROTECTED]] Sent: Friday, January 04, 2002 5:21 PM To: '[EMAIL PROTECTED]' Subject: RE: [RantauNet] ANS awak koreksi sasamo awak Baa kiniko tapaso awak mangecekan rancak bus LORENA ANS kadi arokan kurang sopan , randah sdmno padahal inyo tu bus arang awak asli kiktinggi . Jadi untuak arang awak nan Padang pado hari baiak bulan baiak ko kok sampai basilaturahmi ka rumah mak Anas tu tolong sajo di print out mail mail awak supayo no dapek karitik sehatko, supayo awak urang minang kabau ajan jauah bana tingga dek urang lua atau awak di makan uarang beko lai atau panumpang kajawa pulang baliak urang mancari lorena sajolai. wass pmmangku 'Mokasi Z, sabana lankok dan paguno. Rupono si Z ikolah nana acok mangkal di terminal Rwmgn he.hehe Baa lah salasai urusan tu ( sikola ???) Lorena, khusus untuak .. urang bogor hehe..he . . karano pool pusek Lorena barado di Tajur - Bogor. Kok ado nan ingin mamasan karicih Lorena ka Pdg, jikok ambo ado wakatu, ambo bisa manolong. Bus no io rancak-rancak. Rekomendid. Wass Bandaro, urang Bogor katurunan Minang. Urang Minang nan di Bogor ~~ Z Chaniago wrote: ( .. dikuduang, kaan lah dibaco juo) 6. Lorena : kondisi bus relatif baik dan tapaliharo, kru disiplin dan pakai seragam, perhatian ka penumpang relatif elok.. jadwal lumayan ontime, namun kalau ke padang hanyo 3 bis sehari.., trayek hanyo ka padang .. punyo namo besar raja pantura kalau di jawa .. penilaian ambo : kudo hitam untuak bis di pdg wassalam Z Chaniago - palai rinuak RantauNet http://www.rantaunet.com Isikan data keanggotaan
Re: [RantauNet] Patahankan adat Minang nak jan banyak urang Minang jadi galandangan
raso ambo indak sado urang minang lho --- jean.reibaud [EMAIL PROTECTED] wrote: Assalamu'alaikum ww Galak galak rusuah ati ambo mandanga ota di rantaunet ko. Dalam galak, ibo ati ado pulo, sabab ado nan malu mangaku sabagai urang Minang. Sabagai suku bangso di dunie ko, awak urang Minang punyo kakurangan jo kalabihan. Biasonyo padusi indak sato maota di palanta lapau do, tapi lapau nan iko kan lain jo nan biaso. Sabab tu mudah-mudahan ota awak di lapau ko ado baiaknyo untuk mampaelok-i nan kurang elok dan mampatahankan prinsip-prinsip Minang nan elok, nan dikagumi dek urang lain. Ambo sapandapek jo Sanak nan manyabuik tantang harato pusako randah dan pusako tinggi. Harato pusako tinggi tu biasonyo: rumah, sawah ladang, jo tanaman tuo sarupo karambia atau lainnyo. Manuruik adat Minang harato nan iko ko indak bulieh dijua, bulieh digadaikan kok paralu bana yaitu bilo: Gadih gadang alun balaki, rumah gadang katirisan, maik tabajang tangah rumah Dari siko kito bakasimpulan bahaso rumah indak buliah diusiak, sabab harato bulieh digadaikan untuak mampabaiki rumah nan tirih. Di siko lah sabananya kakuatan adat Minang tu. Harato turun tamurun dari ibu ka anak padusi, tapi indak barati inyo punyo hak sakandak atinyo. Inyo mamaliaro, kok haruih digadaikanpun indak bisa kalau indak disatujui dek dunsanaknyo nan laki-laki.. Jadi dengan adonyo rumah jo tanah atau sawah ko, urang padusi Minang harusnyo mampunyai harago diri nan gadang, inyo indak punyo resiko, ka tacampak di jalan, sabab walau inyo dibao marantau dek lakinyo, kok disio-siokan, inyo punyo rumah tampek pulang, itu bukan barati inyo indak manghormati laki. Sabab laki di Minang disabuik juo junjungan (di kampuang ambo) nan haruih dihormati. Nan laki-laki, walaupun inyo indak mandapek warisan, inyo bulieh bausaho diateh sawah ladang pusako tinggi tu, walaupun kadang-kadang babagi hasia jo dunsanak padusi. Kan itu marupokan jaminan juo untuak dunsanak laki-laki, kok gagal di rantau pulang sajolah. Hanyo dengan manjago adat nan indak mambuliehkan manjua harato pusako tu lah kito bisa manjago ranah Minang. Untuak nan punah misalnyo, kok dijua, jualah ka urang kampuang awak juo, supayo indak tajadi samacam nasib urang Batawi tu. Ambo nak sato pulo ciek tantangan galandangan ko, sahubuangan jo adat Minang. Iko pangalaman ambo sabalun ambo maninggakan kampuang (tahun 1986), ado surang padusi nan mamintak-mintak, keceknyo inyo lalok di pasa Limbanang di ateh karton, jo anaknyo. Inyo lanca babaso Minang, samulo ambo indak mamparatikan bana doh, tapi sasudah duo kali inyo datang, ambo heran, manga indak ado rumah, usuik punyo usuik, tanyato inyo indak asli urang Minang doh. Di Padang pun panah ambo batanyo, ka surang urang pamintak-mintak, apo sukunyo, tanyato inyo indak dapek manjawab doh, padahal inyo babaso Minang, tingga di daerah Minang. Manuruik ambo, urang Minang tu basuku, bapanghulu, tau asa usuanyo, pandam pakuburannyo. Kok iyo banyak nan jadi galandangan barati lah banyak urang Minang nan kailangan darah Minangnyo, mungkin tacicia antah di maa, sabab papatah Minang mangatokan : Dari iduik baputieh mato, labih elok mati bakalang tanah. Tapi karano urang Minang itu Islam, inyo indak akan membunuh diri, karano itu adolah doso nan indak baampun. Jadi inyo ka bausao, kalau paralu pulang ka kampuang, kok adat lai indak dilangga, tantu ado rumah jo sawah ladang saketek banyaknyo. Makonyo awak harus mampatahankan adat supayo jan banyak urang Minang jadi galandangan. Apo lai kini, banyak rumah nan kosong, sawah nan indak bajadikan. Ambo baco ado sanak nan maajak sanak Urpas manaliti galandangan di Jakarta, rancak bana tu, mah Jan lupo mananyokan suku jo panghulunyo, sabab sado urang nan pandai babaso Minang alun tantu urang Minang (baso Minang tu indak sarik bana doh, tingga duo tigo taun di Sumbar, lah lanca tu mah) dan sado urang nan bakaratu panduduk Sumatra Barat alun tantu pulo Urang Minang. Sakitu dulu lah panjang amek. Idar Islami Pitopang __ Do You Yahoo!? Send FREE video emails in Yahoo! Mail! http://promo.yahoo.com/videomail/ RantauNet http://www.rantaunet.com Isikan data keanggotaan anda di http://www.rantaunet.com/register.php3 === Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar-- subscribe rantau-net [email_anda] -berhenti unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===
Re: [RantauNet] Greeting Card
terima kasih. met lebaran juga mohon maaf lahir dan bathin. jose --- [EMAIL PROTECTED] wrote: Dear friend, [EMAIL PROTECTED] has just sent you a greeting card :) To view your card, simply click on the link below http://www.eidmubarak.com/directview.cgi?cardnumber=9515479355484439 You can also visit http://www.eidmubarak.com to pick up the card, Your card number is 9515479355484439 Thank you -- Card Center - EidMubarak.com Friday, December 14, 2001 at 11:22:52 (EST) -- RantauNet http://www.rantaunet.com Isikan data keanggotaan anda di http://www.rantaunet.com/register.php3 === Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar-- subscribe rantau-net [email_anda] -berhenti unsubscribe rantau-net [email_anda] Keterangan: [email_anda] = isikan alamat email anda tanpa tanda kurung === __ Do You Yahoo!? Check out Yahoo! Shopping and Yahoo! Auctions for all of your unique holiday gifts! Buy at http://shopping.yahoo.com or bid at http://auctions.yahoo.com RantauNet http://www.rantaunet.com Isikan data keanggotaan anda di http://www.rantaunet.com/register.php3 === Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar-- subscribe rantau-net [email_anda] -berhenti unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===
