> Kok bisa, caro2 voting ko dihindari lah, dan ambo mandukuang pendekatan pribadi kapado > sia sajo nan manuruik sanak2 lain dianggao mampunyoi masalah. > Ma usie tu indak satu2nya jalan doh di dunia maya ko. > Iko sakadar usul.
Ambo sapandapek soal ko Sanak. Cuma manuruik ambo talampau kalewatan kalau urang dipasokoki rami2 sambia dihujat atheis, yahudi, murtad tanpa ditunjuakkan dima salahnyo. Padahal inyo lah mananyoan kapalanta ko, indak ado surang juo nan manjawab, malah dituduah inyo aniang2. Cubolah baoan kabadan surang, kok urang baraka pasti indak kadilayaninyo urang bacaran. Ambo pernah mananyoan dima salahnyo, cuma surang nan manjawab soal si Urpas mampabongak anggota DPR. Kok manuruik pandapek ambo indak pantas inyo dikaluakan dek ulah itu do (ambo lah maagiah alasannyo). Kalau soal anti poligami malah tambah aneh loh lai. Bukannyo poligami tu dalam hukum islam sifaiknyo option. Nan namonyo option bisa sajo bakambang kadalam pro jo kontra tagantuang waktu jo circumstances. Ambo tamasuak nan manantang kalau maliek akhir2 ko gampangnyo urang2 nan mangarati jo agamo mamanfaikkan masalah ko untuak pamuehan nafasunyo surang2. Mungkin alun lamo bana lai kalau di Silir (lokalisasi palacuran di Solo) pernah diusulkan ado kantua nan bafungsi untuak mangawinkan urang sabalun malacur. Mungkin alun lamo bana lai kiay kondang kawin samalam di-hotel atau turis2 Arab nan kawin tamasya jo pelacur di puncak nan dinikahkan sasuai jo upacara Islam. Indak taetong urang2 mamampaikkan kawin dibawa tangan jo gundik2nyo sacaro Islam, dikawinkan dek urang nan mangarati Islam untuak mahindarkan zinah padahal inyo mangicuah bini jo anak2nyo. Apo memang sagampang itu definisi perkawinan dalam Islam? Apo memang bisa upacara perkawinan dipakai untuak mahalalkan palacuran? Kalau memang baitu mungkin sakali waktu halal2 sajo pambantu dibaok kakamar tarago bini indak dirumah, jo alasan budak kalau lah dipaliharo elok2 bisa diperlakukan sabagai bini (saroman nan banyak tajadi di kampuang Nabi Muhammad SAW). Ambo raso itu sabagian esensi tulisan si Urpas soal anti poligami (indak tamasuak bara paiknyo parasaian padusi dijadikan komoditi). Sayang urang2 dilapauko labiah bagairah manguyak- nguyaknyo sampai basapiah-sapiah, katimbang maliek masalahnyo. Wass, JD RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di: http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
