Carito limbek ko, maingek an ambo samasa dikampuang dulu, waktu ambo duduak dibangku MTsN (Menegah Pertama), disaat Sentrum dari aki mulai merambah kampuang-kampuang di ranah minang sebagai alat pencari ikan, kebetulan urang gaek ambo juo hobi mangutak atik, sahinggo bisa pulo baliau mambuek alat tersebut, yah sekedar untuak memenuhi lauk pauk dirumah tangga, maklum keluarga kami urang palauak, walau keluarga miskin, tapi kami anak2 suko makan jo samba nan lamak tarui, untuang suasana lai mandukuang wakatu itu, mangaia se mamatang2 hari, dapek juo untuak 2 kali makan sekeluarga, apo lai lah pakai sentrum tu, bisa manjua bagai.
Suato sore, adiak ambo nan rajin (kalau ambo pamaleh) mancari ikan di banda balakang rumah, dimano lakasi tu dulu di tapinyo bekas kolam nan tatimbun dek ampas urang sudah manyinso dan daun-daun yang udah sekian lama, sahinggo disinan ado bamato aia dan balubang kadalamnyo. Waktu itu hari jumaik, sekitar jam 11 seiang, dek sabanta lai kajum’atan, adiak baniat ka pulang, dek ikan lah banyak dapek, tarutamo kapare jo kalang kalang, dan sampai disuatu tempat, dimano inyo mancubo mamatiak setrum, dibaliak batu tadanga gemuruh didalam tanah dibaliak batu tu, inyo lansung takajuik dan ketakutan, tetapi walaupun baitu, inyo penasaran, dek ado dapek 2 ikua limbek disitu. Dek masih penasarannyo, sahinggi inyo pulang maimbau ambo, dan datang lah ambo kasinan sambia mancubo mamatiak setrum baliak, namun satiok di setrum, selalu tadanga gemuruh, dan terus ado limbek ko nan dapek/kalua dari lokasi tu, sahinggo ambo yakin, bahwa iko sarang limbek, dan pasti didalamnyo masih banyak. Dengan semangat dan terbururu, dek bara jam lai kapai sumbayang jumaik, tatap ambo gali lubang tu, dengan bantuan alat setrum, selalu kalua limbek tu dari berbagai macam ukuran, sahinggo mungkin lah mancapai 50 ikua nan dapek, dek lubangnyo masuak ka baliak batu nan agak gadang, ambo usaoan lah maungkiek batu tu, setelah batua tageser ka sampiang, apo nan tajadi??? Setelah batu tabukak, mangalatiang ratusan limbek dibaliak batu tu, ambo lansung ta hambua dek lari takajuik dan maraso takuik, apo iyo iko limbek?? Lai ndak ubilih?? Dek banyyknyo itu?? Sekitar jarak 5 meter, ambo caliak ikan tu baduru kalua nan jaraknyo sampai ka banda 2 meteran, dek alah sadar dan ambo yakin indak bamimpi, dibantu adiak ambo baliak ka sarang limbek tu baliak, mangumpuan ikan ko bisa ndak sampai lari kabatang ayia, dek ndak ado tampek lai palatak annyo, tapaso babaok baskom untuak manampuang ikan ko. Setelah tasapu sadoalhnyo, dan ambo yakin iko bukan setan jadi jadian :-) ambo paratian ikan ko ciek, napak ukurannyo dek ambo dalam satu lubang ko 4 generasi, alias ampek ukuran, dari nan sagadang 2 jari, sampai nan sagadang langan, dan disiko baru tau bahaso ikan ko iduik bakeluarga pulo, ado saikua niniaknyo, alah lesuik kuliknyo, tapi panjang. Mungkin labiah dari 300 ikua salubang tu jo nan ketek2 bagai, sahinggo sahabis jumaik, disampiang basimban iduik dan bamasak, baagiah katetangga (tetangganyo anduang, maktuo, etek dll) dan sampai manjua bagai… Ikolah maso ketek ambo, ketakutan terhadap koloni ikan limbek nan mambuek bahagia dan masih jadi ingatan sampai kini. Kalau kini ingin mancaliak sarupo itu, hanyo di kolam lele :-) salam Nofend St. Mudo [30+] HYPERLINK "http://rankmarola.multiply.com"http://rankmarola.multiply.com No virus found in this outgoing message. Checked by AVG Free Edition. Version: 7.5.516 / Virus Database: 269.21.4/1312 - Release Date: 04/03/2008 21:46 --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
