Assalamua'laikum WR.WB. Dunsanak nan sadang barami-rami di palanta RN
Mambaco cuplikan tulisan urang tuo kito buya Mas'oed Abidin nan dibawah ko.. Malah di Makah, tanah suci, saisuak ado surau waqaf untuk mikimin awak dari Minangkabau, nan talatak di Jabal Qubis, nan kini alah manjadi istano Rajo tu, di subalah Safa Marwa. Ambo takana bana wakatu partamo umrah thn.1982 bakenalan jo uda Zulharbi Salim dirumah atau bangunan nan banamo Dar Al-Khalidi di Samiah Makkah Al-Mukaramah. Dakek bana dari Bab Al Fatah Masjidil Haram. Manuruik curito urang2 tuo kito bahaso bangunan iko adolah bangunan nan dibali dek jama'ah haji Minang Kabau maso saisuak tapi kini alah bapindah tangan dan dibuek sertifikat dek urang awak nan manjago bangunan itu nan alah jadi mukimin maso itu. Kini ado parintah Rajo Abdullah, bangunan nan bajarak dengan radius 380 meter dari Masjidil Haram harus dirobohkan (biaya pergantian bajumlah- 6000 juta Riyal, koran Okaz 06 Januari 2008) alah dimulai. Sado bangunan sebelah utara alah mulai dirobohkan Dar Al-Khalidi pun tamasuak nan alah rato jo tanah.. (ambo kasinan hari Rabu nan lalu)..pasa seng kecek urang Indonesia kini tingga kenangan..dan banyak bangunan-bangunan lain.seperti milik Shekh Indragiri, Shekh Jambi, Mandailing alah rato jo tanah. Kami keluarga Minang Saiyo KSA, panah juo mancari tahu baa caronyo bangunan ko bisa pindah tangan, tapi dek indak punyo bukti nan tatulih jadilah kami mundur sajo. kalo di kota Jeddah zaman dulu ado jalan nan banamo Jl.Mangkabo iko caro urang arab manyabuik Minang Kabau.(di distrik Salamah). kinipun jalan tu alah baganti namo. Ciek duo monumen historical Minang Kabau mulai abih tanah arab ko.. ka di panga kan lai dek iko nagari urang. Nan manggadangkan hati adolah sajak thn.2005 alah tagak bangunan gagah dan luas di komplek residen konjen RI di Jeddah nan babantuak rumah gadang. Kini manjadi bangunan serba guna nan bisa digunokan dek sagalo lapisan masyarakat Indonesia di Saudi Arabia. Disampiang acara tahunan Minang Saiyo (HBH Minang) kami lai sakali baralek gadang disiko wakatu manikahnyo anak Kabid. Imigrasi KJRI Bpk. Aslim Arbain (dr.Alghazali). Sambutan masyarakat sabana mariah dek ado talempong, sarunai dan tarian-tarian Minang. Jama'ah haji nan singgah ka Jeddah biaso maadokan city tour, kini rumah gadang ko alah manjadi objek nan biaso di caliak tarutamo jamaah Sumbar. pasan dari uda Zulharbi untuak mampatamukan gubernur Sumbar Bpk.Gamawan alah ambo tarimo, InsyaAllah kami masyarakat Minang warga RI dan Minang nan alah manjadi warga negara Saudi pun kami undang untuak basuo jo baliau tgl.17/04/2008 Itu dulu dari ambo, muda-mudahan palanta berkenan jo curito ambo ko dan maaf baribu maaf kalau ado nan indak suko. wassalam, Ridwan M Sirin (49+3) Jeddah KSA ____________________________________________________________________________________ You rock. That's why Blockbuster's offering you one month of Blockbuster Total Access, No Cost. http://tc.deals.yahoo.com/tc/blockbuster/text5.com --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---