Iyo mak Ndaro, babeda sangaik kalau dikampuang ambo
Walaupun sarumpun, sejenis, tapi balain-lain ukuran dan kemampuannyo, ado babarapo macam ikan an nan sejenis ko nampak diambo. - Limbek/Lele, ikannyo ndak babiso patilnyo do, iduiknyo bakalompok/bakaluarga, ukuran bisa labiah gadang, bisa manyubarangi daratan untuak pindah lokasi antar anak sungai dirimbo. - Kalang/Kalang kalang, agak ketek2, biasonyo banyak dibanda2 sawah, tapi patilnyo kok kanai tangan sabana sakik, samntaro warnanyo alah mak ndaro sabuikan. - Baruang, kalau ikan iko suko diayia nan janiah (anak sungai), warna agak ka putiahan saketek, iko ikannyo sangek babiso, kok ndak pandai manangkonyo jiko dapek, jan cubo2 juo lai, bisa angek dingin tangan kok kanai patil/sangeknyo, tapi ikan iko saban manih, diabuih jo ayia putia pakai garam dan wang se, saban lamak. - Ikan Bakok, lah samo2 disampikan tadi - Silaghian, iko ikannyo ketek, paliang saampi jari, sangaik lamak di pangek jo paki - Ado ciek lai, sarupo silagian ko, tapi ambo lupo namonyo Mungkin ado nan lain sejenis limbek/lele ko?? Taka lagu Gamat “pucuak pisang” mak Ndaro Pucuak lah pisang hijau daunnyo Ditimpo paneh ditangah lah hari Ditangah lalok rasian tibo Raso batamu si jantuang hati Lala lala lalala … Lala lala lalala Denai dendangkan lagu nan lamo Lala lala lalala … Lalala lala lalala Dendang parintang hati nan ibo Guruah jo patuih panubo limbek Limbek ditubo di aia nan tanang Lah tujuah ratuih carikan ubek Badan batamu mangko ka sanang Lala lala lalala … Lala lala lalala Denai dendangkan lagu nan lamo Lala lala lalala … Lalala lala lalala Dendang parintang hati nan ibo Gadang ombaknyo si Pasia Puruih Urang manjalo ditangah lah hari Bukan tak makan badan ko kuruih Kuruih mamikia si jantuang hati Lala lala lalala … Lala lala lalala Denai dendangkan lagu nan lamo Lala lala lalala … Lalala lala lalala Dendang parintang hati nan ibo _____ From: RantauNet@googlegroups.com [mailto:[EMAIL PROTECTED] On Behalf Of Bandaro Labiah Sent: 05 Maret 2008 10:07 Assalamu'alakumw.w Mak Ngah Jo Mak Lembang Alam. arah ka puun agak kamudiak dari Canduang, tapekno dikampuang ambo, .antaro Ikan Kalang jo Limbek ko iyo indak saroman doh, tapi babeda, sungguahpun nampak sakileh pado bantuak iyo lai samo, namun kalau alah diparatikan bana pado rono jo dima tampaik sarang idukno, baru tahu bedano nan ciek, rono no agak tuo sampai ka itam, nan ciek lai kuniang sampai kasikalaik. kalau pakaro sarangno, nan ciek dibaliak-baliak batu sarato aia nan dareh, sadang ciek lai sarangno batanah jo ba"bungin", aiano tanang kalau ndak pandai mangkok Ikan Kalang jo limbek ko, iyo bisa kanai "sangok" tangan dibuekno Kok ado urang nan sadang "malapeh" tabek jo sakalian 'maanyuk" bungin, pai lah ka tabek tu tangah malam, lah "bi" manggalepa limbek tu disarangno nan biasono disuduk tabek tu, tinggan "maunja" sajo li, langsuang bisa di cakau carito pangawani minun kawa Wassalamu'alaykum w.w. Bandaro Labiah * Ya Alllah jauhkan lah ambo dari parbuatan ba simanjua-jua tanah pusako tinggi, sabaliakno mamuhun pertolonganMU untuak manambah nan alah ado .. amiiiin No virus found in this outgoing message. Checked by AVG Free Edition. Version: 7.5.516 / Virus Database: 269.21.4/1312 - Release Date: 04/03/2008 21:46 --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
