Waalaikumsalam w.w. Dunsanak Afdal Muhammad, sarato Ibu Nuraini, Ananda Rangkayo Mulia, Ananda Ronal, Pak Nofrins dan lain-lain nan indak sabuik namo,
Ambo alah mambaco saluruah posting tantang palaksanaan Seminar UPBM UNPAD, dan alah mangarati isinyo, baiak nan tasurek maupun nan tasirek. Izinkan ambo maagiah sakadar tanggapan saparati barikuik. 1. Partamo, ambo mangucapkan panghargaan dan tarimo kasih kapado Ananda Rangkayo Mulia jo kawan-kawan di Banduang, nan alah maambiak prakarsa untuk manyalanggarakan Seminar tasabuik. Sairiang jo itu ambo juo maucapkan tarimo kasih kapado 50 urang peserta seminar nan manghadiri rangkaian acara itu. Juo tarimo kasih ka Pak Chaidir nan maagiahkan paratian gadang, saparati biaso. 2. Kaduo ambo mangucapkan tarimo kasih kapado para dunsanak di MAPPAS, nan alah langsuang bagarak walaupun panguruih baru sajo tabantuak. Ambo sandiri baparinggo untuak sato sacaro pribadi kali iko. 3. Walaupun banyak kritik taradok jawaban baliau salaku pejabat, namun ambo tantu paralu juo manyampaikan tarimo kasih ka pak Prof Dr James Hellyward M.Sc, Kapalo Dinas Pariwisata Prov Sumbar. Baa juo baliau alah manyampekkan diri datang jauah-jauah dari Padang ka Banduang. Sabagai mantan birokrat/pejabat, ambo bisa mangarati jawaban baliau, karano pejabat/birokrat memang tabateh wewenang dan dukungan anggaran baliau. Dalam hubungan iko ambo satuju jo pandapek Ananda Benni, bahaso `dalam pariwisata ko, MAPPAS jan talalu tagantuang bana ka pejabat, apolagi kito kan manampekkan diri di tangah-tangah antaro operator jo pemerintah. 4. Tantang PB2008 kalau ambo indak salah, Adinda Ajoduta manginginkan agar acara baliau ditangani dek operator profesional, dan nampaknyo alah ado operator nan alah baliau piliah. Peranan kito dalam hal ko adolah mancaliak-caliakkan dari jauah, maingekkan nan lupo, sadamikian rupo sahinggo dapek maagiah kasan rancak, bukan sajo kapado para perantau kito, tapi juo kapado para tamu lain nan mungkian akan diajak dek Adinda Ajoduta. Kalau bisa kito diagiah tahu dek Adinda Ajoduta alah sampai dima parundiangan baliau jo operator nan tapiliah, supayo dapek kito cigok sasakali. 5. Karano Kapalo Dinas Pariwisata Sumbar nampaknyo alun paham bana tantang MAPPAS`dan PB2008, karano ambo ka Padang tanggal 17-21 Juni ko dalam rangka Semiloka Masyarakat Hukum Adat Minangkabau nan diadokan Komnas HAM jo FH Unand, ambo ka manamui pak James untuak manjalehkan tantang MAPPAS dan PB2008. Tolong Bu Nuraini manyiapkan berkas-berkasnyo. 6. Karano duo pancinta pariwisata Sumbar nan kito agiah mandat untuak manyusun panguruih MAPPAS Sumbar alun juo maagiah kaba sampai kini, rasonyo paralu kito cari pagiat lain. Nan alah manyatokan basadio sabagai formatur adolah Ananda Unidjan, puteri dari pak Zaidin Bakrie (alm). Kalau disatujui dek pengurus MAPPAS Pusat, ambo ingin maagiah mandat ka baliau untuk mambanuak panguruih samantaro MAPPAS Sumbar. Tolong ambo diagiah masukan, misalnyo kok ado calon lain. 7. Dari saluruah pangalaman di Banduang ko ambo mandapek kasimpulan bahaso: a) Sumbar dan Minangkabau memang punyo potensi wisata nan bisa kito kambangkan untuak mandukuang pakambangan ekonomi masyarakat kito di ranah; b) anggaran dasar sarato program dan panguruih MAPPAS alah pas, dan bisa kito garakkan labiah lanjuik, tamasuak mambantuak panguruih samantaro MAPPAS di Sumbar; c) kito paralu mandorong sagalo fihak untuak maningkekkan koordinasi, dan manggunokan internet -- sarato SMS -- nan sabana canggih ko sabagai sarana komunikasi nan murah meriah. Sakianlah daulu tanggapan dari ambo. Wassalam, Saafroedin Bahar --- afdal muhammad <[EMAIL PROTECTED]> wrote: > Assalamualaikum www. > > Ambo ampie tio hari mamonitor RN ko karano, ingin > tau baa perkembangan masyarakait awak minang baik > dirantu maupun dikampuang itu, tapi ambo buliah > dikecekan jarang sakali mancogok maagiah komentar > tantang isu nan ado di RN ko dan labiah banyak > mandanga sajo, satalah mambaco laporan Pandang mato > seminar UPBM UNPAD itu bagi ambo sendiri indak > takajuik tantang jawaban dari Kadinas Pariwisata > Sumbar James Hellyward nantu. Ambo tau bana tantang > baliau itu, kabtulan taun 1984 kawan samo main > badminton jo ambo di rumahnyo dakek taman melati > padang. sapanjang pangatuan ambo memang kalau kini > baliau itu manjadi kapalo dinas pariwisata iko > saribu pertanyaan nan ado dalam kapalo ambo, baa > mangko bisa ? jadi nan salah adolah nan maangkek > baliau natun indak manampekan urang nan tapek bakeh > tampeknyo. Dan kabatulan ambo jo Ajo Duta di > Washington Dc alah mangontak langsuang untuak > mabicarokan tantang Kamungkinan nan bisa kito pabuek > untuk kampuang halaman, jawabannyo cayah sajo, > indak ado gayuang basambuik, dan ide nan pernah > kami sampaikan dari MinangUSA Foundation di respon > jo bajalan kaki padohal kini untuk mancapai tujuan > ado bamacam kendaraan sampai pesawat supersonic. > Nampaknyo baliau masih manganut " alon - alon biar > kelakon " kecek sanak awak dijawa, / Slow motion. > Dan baliau nampak maanggab baraso untuk tangguan > jawab mamjukan ranah minangko ado pado parantau, > padohal baliau itu bakarajo dan makan gaji jo pitih > rakyat, indak sapatuik nyo bagai manjawek baitu > kapakeh hadirin, itu namonyo arogansi, > > Kalau pejabat pamerintah awak masih bancando iko > jan baaraok banyak bana akan terjadi perubahan nan > signifikan bakeh kampuang halaman. Ambo bukan > pesimis, tapi kenyataan baitulah nan tajadi. secaro > pribadi dan kelompok ambo Jo Ajo Duta di Washington > Dc tatap babuek sebisa mungkin bakeh kampuang > halaman ranah minang, mingkin kini alun nampak > buahnyo barang kali generasi berikutnyo akan > mancaliak hasilnyo. > > Mohon maaf kabakeh angku-angku dan dunsanak > dipalanta RN ko ado nan tasinguang. > > Wassalam > > Muhammad Afdal > Washington DC > > ----~----~----~------~----~------~--~--- > > ____________________________________________________________________________________ Don't get soaked. Take a quick peak at the forecast with the Yahoo! Search weather shortcut. http://tools.search.yahoo.com/shortcuts/#loc_weather --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Tapi harus mendaftar dulu di: https://www.google.com/accounts/NewAccount dengan email yang terdaftar di mailing list ini. -~----------~----~----~----~------~----~------~--~---