Assalaamu'alaikum. w.w. Dunsanak kasadonyo nan Insya Allah dimuliakan Allah swt. Mari kito sambuang baliak kaji kito. Kapatang sampai di siko, Sasuai jo kaji Prof. Dr. Hamka, mau mati dalam Islam, perbuatlah tiga perkara, buyapun mangecekkan tiga juo.
Nan partamo, tampek perlindungan awak hanyalah Allah … aaa… batua-lah dunsanak, kito indak buliah bagantuang ka makhluk. Pergantungan kepada makhluk pergantungan yang lemah. .. syirik. Dalam hal rezeki atau hal apo sajo awak bagantuang kepada kebijakan Allah swt. Allah swt. telah mengadakan undang-undang ' yang namanya hudud yang namanya qishas nan sesuai jo sagalo tampek dan sagalo zaman, awak amalkan undang-undang tu, awak bagantuang ka perlindungan Allah swt.… aaa iko baru batua… Nan kaduo, mengambil Al-Qur-an sebagai pedoman hidup, .. aa batua pulo dunsanak... apo nan disuruah, apo nan diperintahkan dikarajoan, apo nan dilarang ditinggakan. Nan katigo, menjadikan Nabi Muhammad saw. Sebagai panutan. Iko kecek buya. Awak indak akan ikuik nan lain, awak hanya ikuik nabi Muhammad saw. Sebab katiko dalam Isra’ wal Mi’raj dunsanak, katiko masuk ukatu shalat subuah, Nabi saw. jadi imam. Apo sebab Nabi saw. nan jadi imam ?.Karano sasudah Nabi saw. Ndak ado lai syari’at lain atau nabi lain, banyak syari’atnyo tetapi mereka manjadi pangikuik Nabi Muhammad saw. Nabi ‘Isa as. bilo turun ka bumi pado suatu hari nantik, akan manjalankan syari’at nabi Muhammad saw. Baliau indak ka marujuak ka bible atau injil do dunsanak. Jadi hanya nabi Muhammad saw., sebagai satu-satunya contoh teladan terbaik nan wajib awak ikuik-i dalam sagalo segi, “wa innaka la’alla khuluqin ‘azhiim”, Akhlak nan paling mulia nan paling agung ado pado beliau. Sebagai pemimpin, “laqad jaa-akum rasulum min anfusikum ‘aziizun ‘alaihim ma ‘anittum, ‘ariisun ‘alaihim bil mu’mIkoin, ra-uufurrahiiim”. sagalo sifat ado. Kasih sayang, welas asih dan penyayang. Iko sifat pemimpin dunsanak Dan ‘amalkan doa ko, dunsanak ambo kasadonyo, mudah-mudahan awak mati sebagai seorang Islam yang sejati nan akan mandapek keridhaan Allah swt. akan dimasuakkan ka dalam sarugo. Mintaklah dunsanak, jaan sagan-sagan. Do’a ko diamalkan dek tukang-tukang sihir fir’aun katiko mereka diancam ka dibunuah. Mereka menadahkan tangannyo “Rabbanaa afrigh ‘alaina sabra, watawaffanaa muslimiiin”. Wahai Tuhan kami, limpahkan kepada kami kesabaran, … awak mesti banyak bersabar dalam mengkikuti perintah-perintah Allah, karano akan banyak mandapek ujian dan tantangan, indak mudah untuk mencapai kasadonyo tu. “watawaf fanaa muslimiiin”, dan matikanlah kami sebagai seorang Islam nan menta’ati perintah Allah sampai ke akhir hayat. ... Sutan.., Innalaaha ya'murukum bil 'adli, awak disuruah berlaku 'adil, tapi tibo dipemimpin ndak berlaku 'adil baa lo tu Sutan.... Co iko, katiko awak jadi pemimpin berlaku 'adil lah, katiko barado di bawah, carilah atau piliahlah pemimpin nan 'adil. Dan ingek tiok awak ko pemimpin kecek Nabi saw. "Setiap kamu adalah pemimpin, dan kamu akan ditanya apa yang kamu pimpin". Urusan ko tamasuak rumah tangga juo disabuik pemimpin. Elok-elok dunsanak, ndak 'adil memimpin dalam rumah tangga kanai juo. ... Tapi Sutan, payah mancari pemimpin nan 'adil tu kini ... Iyo, dek karano banyak hal-hal nan paralu diperhatikan kalau memimpin, dan nan paliang disayangkan di nagari awak ko kini, buliah dikecekkan indak ado doh. ...Eh barek tu Sutan, berang urang ka awak beko, indak ado surang juo ... Iyo baa lo, Kalau dicaliak ukuran pemimpin yang 'adil manuruik Islam, rato-rato kanai kasadonyo. Sabab syarat pemimpin yang 'adil, harus manjalankan hukum Allah swt. ...Aii Baa lo tu Sutan....? Aaa, ndak picayo jo ambo, mari kito caliak baa pemimpin ko dalam Islam. Aaa... simak elok-elok. Mari kito bukak Kitab Bahrul Mazi nan manjalehkan pemerintahan nan ‘adil. Buku ko beraksara Arab Melayu dan berbahasa Indonesia (Melayu) lamo, dari ulama-ulama nan do-ulu. Mari kito caliak isinyo. Dalam buku ko tatulih, “Babu ma ja-a fil imamil ‘adil. Bab yang telah datang ia untuk menyatakan imam yang berjalan sebagaimana yang disuruh Allah dan rasul-Nya, terhadap rakyatnya.” Dikecekkan di siko dunsanak, bab ko adolah bab mengenai pemimpin, pemerintahan, imam nan dimukasuik adolah pemerintah, pemerintah yang ‘adil, sasuai jo nan dikandak-i dek syara’, ko sabananyo isi ABS-SBK nan dimintak-e dek pak Armen, jan main-main. Aratinyo sasuai jo syara', sasuai jo nan dikehendaki dek Allah dan rasul-Nyo. Salanjuiknyo ”Ketahuilah kiranya wahai saudaraku, dikehendaki dengan imam itu ialah khalifah al-a’zam dan yang seperti imam ya’ni wakilnya dan gantinya, dari qadhi-qadhi dan sebagainya” Nan dimukasuik jo imam di siko iolah khalifah al-a’zam yaitu pemimpin yang tertinggi. Pemimpin yang pertama dan wakil-wakilnya di daerah-daerah, di negeri- negeri di kampung-kampung dan juga qadhi ya’ni hakim. Dari pucuak pimpinan sampai ka bawah, ka pelosok-pelosok. Aratinyo kalau di awak mulai dari Presiden, sampai ka ketua RT. Salanjuiknyo tatulih ”Maka apabila imam itu ‘adil, ya’ni berjalan ia dan menghukum ia akan rakyatnya dengan hukum yang disuruh oleh Allah dan rasul-Nya dan jauh ia daripada menurutkan hawa nafsunya dan syahwatnya” Mukasuiknyo pemimpin nan disabuik ‘adil itu adolah pemimpin yang menghukum, melaksanakan kepemimpinannyo menurut hukum yang diperintahkan oleh Allah dan rasul-Nya, aratinyo hukum Islam, bukan hukum lain. ... aa kan ?, ndak picayo jo ambo ?. Aratinyo jo hukum-hukum itu indak saketek juo inyo mengikuti hawa nafsu dan syahwatnyo, tetapi memberi pimpinan-pimpinan sasuai jo nan alah ditetapkan dek Allah swt. Tapi dek lah panjang pulo dunsanak, barisuak kito sambuang baliak ... Kito tulih baliak. (Bersambung) Billahil hidayah watr taufiq Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
