Kalau Bacarito Perang kamang-1908. Yo ado beberapa versi lokasi tentang makam
pahlawan perang, Kalau kami di Kamang Mudiak tetap yakin bahaso makam
pahlawan perang kamang (H. Abdul Manan) ado di kamang mudiak, tepat nyoi di
jorong pakan sinayan, dusun kampuang budi. dan untuk itu telah diakui dinas
kepurbakalaan.
Tentang makam pahlawan yang kamang hilia sabanyo bukan masalah dan dak paralu
di permalsalahkan... yang terpenting kini adolah baa awak nan di zaman kini
bisa mampalajari semangat, nilai-nilai patriotisme pahlawan-pahlawan kito
tu.... bukan hanyo sekedar mempermalashkan antaro kamang hilia jo kamang mudiak.
Silahkan Baca Buku "Perang Kamang 1908" yang dibuek pak Bukhari Nurdin, Dosen
ambo di UNP. Yang di luncurkan pado perayaan 100 tahun perang kamang.
--- Pada Sen, 23/3/09, Sutan Palimo <hen.agoe...@gmail.com> menulis:
Dari: Sutan Palimo <hen.agoe...@gmail.com>
Topik: Re: Bls: [...@ntau-net] Re: KAMANG MUDIAK (BERWISATA KE “NAGARI
PAHLAWAN”)
Kepada: "RantauNet" <RantauNet@googlegroups.com>
Tanggal: Senin, 23 Maret, 2009, 2:11 PM
lai mak ngah.
satantangan jo inpo nan mak ngah katangahan, iyo lah agak tarang di
ati. namun samantang pun baitu, dek awak di siko lai rami, ado pulo
cadiak candikio tamasuak cucu tuanko nan renceh, rancak awak danga
pulo inpo nan lain. bukankah taun patang urang kamang mudiak dan urang
kamang ilia baru sajo mamparingati 1 abad perang kamang?
mambandiangkan apo nan dikecek-an dunsanak awak nan di bangkahulu,
baso makam parang kamang ado di kamang ilia, baa pulo posisino makam
pahlawan nan ado di kamang ilia? sbg inpo pulo, sajak ambo kaciak,
ambo lah mancalaiak ado tugu parang kamang tagak di pintu koto, kamang
ilia.
mohon pencerahan
St Palimo
On 23 Mar, 12:26, "sjamsir_sjarif" <hamboc...@yahoo.com> wrote:
> Maa Angku Sutan Palimo,
>
> Dalam pandangan kami dari Ampek Angkek, pandangan lamo, sabalun nagari
> diacah-acah dan dipacah-pacah, nan kami tahu iyo Nagari Kamang. Bagi kami
> Urang Kamang adolah satu, yah Urang Kamang. Bsru kalau kito lah masuak ka
> Kamang kito danga ado baMudiak-baHilianyo. Itulah barangkali ado istilah
> "Parang Kamang" dalam Sejarah, indak tasabuik doh Parang Kamang Mudiak.
>
> Baitu juo kaadaannyo jo Balaigurah (salah satu Nagari nan ampek di Ampek
> Angkek: Biaro, Balaigurah, Lambah, Panampuang). Balaigurah nan sabananyo
> tadinyo ciek [disabuik juo Balaigurah Gadang], lah diacah-acah manjadi
> Nagari-nagari Batutaba, Ampanggadang, Pasia, dan Balaigurah sandiri). Alun
> lai dipacaia-caia urang manjadi Desa-desa jo Dusun-dusun kapatang ko.
>
> Satantangan Tuanku Nan Renceh pun tanamo dalam Sejarah, dari Kamang, mambari
> sirek untuak kito bahaso memang Kamang tu ciek tadinyo [satidak-tidaknyo dari
> pandangan lua]. Untuak jalehnyo tantang Tuanku nan Renceh, rancak kito minta
> katarangan ka Angku Ibnu Mas'ud nan baru mancogok sabanta ko dalam postiang
> sabalunnyo. Angku Ibnu Mas'ud adolah anggota lamo di Lapau ko, cuma lah lamo
> pulo indak tampak di ambo di Lapau, mungkin karano sibuknyo dalam usaho
> baliau nan "ka Makah babaliak Hari ka Malaysia barulang makan." Sanang ambo
> baliau mancogok ka Lapau sabanta ko.
>
> Mangkonyo ambo sarankan kito mintak katarangan tantangan Tuanku nan Renceh ko
> ka Angku Ibnu Mas'ud, karano takana di ambo baliau adolah Cucu dari Tuanku
> Nan Renceh sandiri. Ambo alah batamu muko jo baliau nan lah datang dari
> Pakanbaru ka dangau amak ambo dan kami pai makan sate ka Padangpanjang. Angku
> Ibnu Mas'ud, ambo baru bakorespondensi jo Angku Yulhendri minggu nan lalu
> manayokan baa kaba angku Ibnu Mas'ud kini. Untuanglah, Pucuak dicinto Ulam
> tibo, lah basuo awak baliak di Lapau.
>
> Salam,
> --MakNgah
> Sjamsir Sjarif
> --- In rantau...@yahoogroups.com, Sutan Palimo <hen.agoe...@...> wrote:
>
>
>
> > Sedikit memberi komen, sekaligus bertanya, khususnya tentang Judul,
> > "KAMANG MUDIAK (BERWISATA KE "NAGARI PAHLAWAN")". Yang saya tahu, yang
> > disebut Kamang terdiri dari dua nagari, yakni Kamang Mudiak dan Kamang
> > Ilia (Hilir). Waktu saya masih SD, antara 1975-1981, kedua nagari
> > tersebut adalah bagian dari Kecamatan Tilatang Kamang (bersama nagari
> > Kapau, Gadut, Kototangah, dan Magek). Setelah proses pemekaran
> > kecamatan, Kamang Mudiak, Kamang Ilia, dan Magek dimasukkan dalam
> > wilayah Kecamatan Perwakilan Tilatang Kamang yang kemudian dijadikan
> > defenitif dengan nama Kecamatan Kamang Magek (maaf saya tidak ingat
> > betul tahun pembentukannya, tetapi kalau tidak salah pada tahun
> > 2000an).
>
> > Masih ingat dalam ingatan saya, dalam salah satu pelajaran di bangku
> > SD disebutkan bahwa Perang Kamang yang terjadi pada 1908 dipimpin oleh
> > seorang pejuang yang bernama H Abdul Manan yang berasal dari Kamang
> > Ilia. Di Kamang Ilia pulalah adanya Taman Makam Pahlawan yang berada
> > di Jorong Taluak. Bagaimana dengan keberadaan Tuanku Nan Renceh yang
> > juga disebut berasal dari Kamang? Literatur tentang ini sepertinya
> > masih sedikit dan banyak yang tidak tahu dari mana asal salah seorang
> > anggota Harimau Nan Salapan ini. Apakah Kamang Ilia atau Kamang
> > Mudiak? Menjadi pertanyaan juga, apakah sebelumnya Nagari Kamang ini
> > hanya satu? Karena melihat dialek yang digunakan di kedua nagari
> > tersebut sama. Mohon pencerahan dari yang tahu.
>
> > Salam
> > Sutan Palimo (Manjalang 40)
> > Sumando Urang Kamang Ilia
Nikmati chatting lebih sering di blog dan situs web. Gunakan Wizard
Pembuat Pingbox Online. http://id.messenger.yahoo.com/pingbox/
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: rantaunet-unsubscr...@googlegroups.com
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
