Ajo Suryadi dan Sanak di lapau ndak pek aka lai..sudah mandi balimau sajadi2 e dek ari angek bana tadi, di langkahkan sakali kaki ko kalapau maya (sign in) dikantua sakaligus mess ambo di sendawar ko, sambia manunggu nasi bungkuih jo samba ikan jelawat goreng, lalapan jo goreang taruang ungu kasukoaan ambo..sabana nenong fresh kiro2 mambaco episode konco Surya maundang konco alia we e (ha ha ha yo..yo memang co itu di kampuang kok lah bakonco kareh (palangkin) lah tahu jo alia masiang2 , tahu sakali jo garak dima konco ka maloge jo ba sialia, dalam ba sialia masuak juo kurena masiang2 alah sapacokian, lah tahu sajo kode jo bayang kato sampai kalau konco alia ko..baitu sanak, ibaraiknyo jo bahaso tubuh sajo sadang maota lah jaleh apo nan dimukasuik konco alia ko)
jadi bintang pelem bana ambo dalam sekuel singkek di episode baa caro seorang mamak anak daro (Surya) maundang konco alia we e bamandan main domino di lapau Ajo Badek, sabana takajuik si Jepe dipinteh kutangin Surya si Jepe dek paralu atau pantiang bana nan ka disampaikan iko di siratkan dikalimat "Ado kabau lapeh" .. "ha iyo konco Surya..ado nah kabau nan lapeh di parak , tadi pagi ambo diajak kawan ambo urang darek si Tanbaro Tanbaro : oiii jepe kok kan poi jo deyen copek lokekan sowau..waang, kok ndak kan poi jo deyen poi gubaloaan kobau di polak..lopeh beko" Jepe : ndee miang deyen ndak kan poi do, kobou lah lopeh di polak matobak ten he he itu snek panukuak2 sajo kalau lah kabau lapeh lah ndak tahu jalan pulang ka kandangnyo..la hilia mudiak mausai kampuang yo gak panik urang dikampuang (heboh) makonyo dibaratkan dek Surya takah itu dalam dialognyo (baitu Sanak) Carito mode ko bana nan mambuek ambo rindu baliak ka palanta..apolai dengan dialog Suryadi ala kampuangnyo nan kental , inti carito sabananyo sederhanyo sajo " Jepe, kamanakan den kabaralek ko ha, datang lah yo" kan itu sajo, tapi baa suasana, situasi dan alur bacaritonyo ko nan taraso hiduik dan mambuek ambo mambaco yo sadang di sunua bana ba kutangin di pinteh si Surya konco alia e ha ha ha. Ini masalah seni berkomunikasi dan dikaitkan dengan sebuah tradisi di kampuang2 awak di ranah minang. Dikampuang ambo yo takah itu juo jo bahaso ala darek pulo kalau maundang sanak sudaro, mangecek ko yo agak "bermatabat" saketek dalam arti kadang2 gengsi keluarga di jago juo walau baralek kamanakan sambanyo bisuak banyak "cubadak kantang" sajo hilia mudiak urang manatiang piriang tapi indak baliekan bana do, nan pantiang bisa mampalekan anak kamanakan dan maundang urang lah sebuah kebanggan dek urang2 dikampuang jaman dulunyo ambo ketek2 dan remaja, sederhana memang tapi memang banyak nilai2 kearifan di baliak kato2 maundang sanak sudaro jo urang kampuang jo rokok sabatang daun siriah sacabiak tu. Dalam dialog maundang urang ko secara tersirat ado raso bangga dapek minantu nan lai gak coga baik disisi wajah maupun karajo samisal Pegawai PLN Padang Panjang nan dibaraikan sanak Suryadi ( ha ha ha iyo..iyo bagi sanak2 dikampuang kalau dapek minantu lah pasti tarimo gaji tiok bulan ko yo sesuatu nan bisa di banggakan ) biasonyo komunikasi ko akan berfek domino dari muluik ka muluik di kampuang "ndee yo baruntuang bana si laweh dapek minantu..lai tahu kau piak..calon anak e Pegawai PLN " (he he he/ tersirat dari dialog :.mughah je dek si Laweh dapek minantu nyeh yeah? Menarik memang banyak sisi2 dari dialog di bawah ko nan sakiro manyatokan manusia itu memang makhluk yang sangat complicated dengan segala kelemahan dan kekuatan sifat2nya dan tabiatnya "Gulai buliah iyu mudo..tapi dibaliak "iyu mudo" ko banyak hal2 yang sekiranya bersayap dan beribu tanya (disiko mambuek iduik dialog ko, kalau ndak "bajiwa" dialog ko tantu si Laweh mangecek misalnyo " iko ha sadang manjarangkan aia" tapi kanai Lah kini lo mako taragak jo gulai iyu mudo wee " ndak do lai disiko bana ambo ndak tahan jo dialog takah iko Alah panjang lebar pulo ambo bahas, lah datang pakiriman ambo..beko diulang maunjua liak di palanta Tarimo kasih sanak Suryadi ateh dialognyo nan sabana malayang pikiran ambo ka kampuang Wassa_Jepe 46 Thn lagi di Sendawar KuBar ________________________________ Dari: Lies Suryadi <niadil...@yahoo.co.id> Kepada: rantaunet@googlegroups.com Terkirim: Sel, 31 Mei, 2011 17:37:05 Judul: Bls: [R@ntau-Net] Re: Paisok: mamak atau ayah calon nan daro maundang urang Sanak di lapau, Kalau di Piaman, Kec Nan Sabarih kusuih e, rokok ko iyo penting bana dalam maundang urang kampuang, tarutamo kalau mamak atau ayah calon anak daro nan ka baparalek'an. Konteks e kurang labiah co iko. Anggaplah mamak nan daro Ambo (Suriya) dan nan ka diundang Sanak Jepe, konco alia ambo bana. Suriya jo sana Jepe basobok di Simpang Kalalang, basalisiah sadang bakutangin (bahasa Minang e: fietsen). Suriya (sambia marem kutangin): Eh...Sanak Jepe....cah..lu! baghanti sabanta lu ha! Sanak Jepe (sambia marem mandadak, ampia tapatiang kutangin e): Eh...Nco Suriya...Aaaaa.......a tu? Paralu bana nampak e. Ado kabau lapeh? Suriya (sambia mangaluakan 4 macam merek rokok): O...ko okok a. Isok lah okok ko dulu a. Sanak Jepe: Aa...banyak bana merek e mah, Nco. Samsu ko lah gak sabatang ha. Aaaa...ko Konco Suriya. A kaba tu? Kabakanlah! (mako badaghiak2lah buni Samsu tu kanai panggang di bibia sanak Jepe) Suriya:Iko mah ha...Nco Jepe. Minggu bisuak, Patang Akaik malam Sinayan datang Konco ka rumah di baghuah tu. Sasampik-sampik balai anak rajo Konco laluan andak e tu. Baghalek nak dagho namo e kito mah. Manggulai cubadak. Ka[ma]nakan Konco, anak si Laweh, kan lah dapek jodoh namo e mah. Ughang Pasa Talang dapek e. Tipak Maanjang Bajau. Barami-rami kito di baghuah sapatang Akaik tu. Tadi si Laweh lah Ambo suruah lo ka rumah ughang ghumah Konco. Sanak Jepe: Ondeh...indak doh lai, Sanak Suriya. Kok bisiak kan kadangaran tu, soghak lah kalampauan. Jadi molah, Sanak. Insya Allah sajo ka jaweknyo dek ambo nyeh. Suriya: Tarimo kasih Sanak Jepe. Kama sanak lai ko? Sanak Jepe: Ambo ka maliek aia sawah di Padang Cakua ha. Mbo taruih ka sinan dulu. Assalamualaikum! Suriya: Jadi sanak! Alaikum salam. Ambo taruihan lo dulu karajo ko (mukasuik e maundang nan lain). Sanak Jepe: Jadi Nco. Ambo pun bitu (bak itu), Mbo taruih lo dulu ka Padang Cakua. Assamualaikum! Suriya: Alaikum salam! Baitulah caro maundang di pihak nan laki-laki, khususnyo mamak (-mamak) anak daro jo ayahnyo. Tampak bahaso ROKOK memang sangaik penting pambukak kato. Kalau anak daro sendiri biasonyo maundang kawan2 pakai undangan nan bacitak tu, lah moderen. Kalau amak anak daro (si Laweh), maundang urang kampuang jo siriah. Saminggu sabalun ari alek inyo alah legor kuliliang kampuang, maundang urang kampuang sarato andan pasumandan (bini mamak-mamak2 e, dll.). Di bawah mbo turunkan gambaran percakapan si Laweh jo bini mamak e, nan biaso dipanggia MINTUO dek si Laweh.Katokanlah namo e si Reno: Laweh: Assalamuaikum! Lai ba ughang dumah (di rumah) ko? Mintuo Reno: Alaikum salam! Eh...ughang daghi baghuah kiro e. Naiaklah! Maoih (maaf), talambek Mintuo mambukak pintu. Awak sadang di dapua manggulai iyu mudo. Mamak si Laweh pulang di pasia kapatang, nyo bao iyu mudo duo ikua. Antah dek a, taragak bana wee makan gulai iyu mudo kecek e. (di ateh rumah) Laweh: Ondeh, dek a mamak ambo tu tu, Mintuo? Lah kini lo mako taragak jo gulai iyu mudo wee. Eh...Ko sighiah Mintuo ha, makanlah sighiah ambo, Mintuo. Mintuo Reno: Awak lah gak kughang makan sighiah kini. A tu Laweh. Kabakan sajolah! Laweh: Iko mah Mintuo. Patang Akaik malam Sinayan bisuak paralu ka baghuah Mintuo tu. Bao anak-anak bagai. Kito baghalek nak dagho namo e mah. Manggulai cubadak. Anak ambo nan gadang, Marinih, kan lah dapek jodoh e mah. Baa lai Mintuo, kacang lah paralu bajunjuangan. Mintu Reno: Eh....lah ka baminantu je si Laweh kiro e yeah? Ughang ma dapek minantu dek si Laweh? Laweh: UghangPasa Talang, Mintuo. Tipak kamanakan Maanjang Bajau. Baa lai, Mintuo, sinan dapek jodoh e. Mintuo Reno: Ondeh....lai mughah je dek si Laweh dapek minantu nyeh yeah? Sia namo minantu awak ko ko, Weh? A gala e? Laweh: Namo e Harun al-Rasyid, Mintuo. Kawan2 e mamanggia e si Arun. Gala e Sidi mah, Mintuo. Mintuo Reno: Ondeh...dapek Sidi badaghiak si Laweh. Dapek juo kasudahan dek si Laweh minantu Sidi pamacah-macah pighiang. Dima karajo e minantu awak ko, Weh? Laweh: Sidi ko karajo di PLN Padang Panjang, Mintuo. Anak mintuo ko (mukasuik e Marinih) kan pagawai juo andak e dek e mah. Dicarian tukang ameh jo padagang nyo tulak. Mamak e lah mancarian bagai mah padagang di Jakarta, lah bakadai duo pintu di Tanah Abang. Tipak Ungku Gapuak di Sungai Kasai. Indak katuju dek e ka baa dek awak? Payah awak jo anak-anak kini, Mintuo. Mintuo Reno: Ondeh...sanang hati si Laweh lah ka baminantu pagawai. Kan rancak lo baminantu pagawai ko, Weh. Tiok bulan tarimo gaji. Lah jaleh pitih masuak tu, he he. Bagha japuik e tu, Weh? Laweh: Iyo lo yeah Mintuo. Itu pulo kalabiahan e dapek minantu pagawai. Satantang japuik e kanai juo awak duo lenggang, Mintuo. Baa lai, Mintuo. Itu juo dek si Marinih andak e mah. Baa lai, kok ndak kayu jenjang dikapiang. Mintuo Reno: Iyo lah Weh. Kok bisiak kan lah kadangaran tu, sorak lah kalampauan. Siriah si Laweh lah bacabiak, pinang e lah bagatok, kapua jo sadah lah bapalik. Insya Allah sajo ka jaweknyo dek Mintuo nyeah, Weh. Laweh: Samo2 Mintuo. Eh...Mintuo pai manjalang tu. Lakek suntiang Mintuo. Kito manjalang ka rumah ampulai bagandang-gandang, Mintuo. Lah sudah baretong je Mintuo pulang nyeah. Mintuo Reno: Eh...awak lah gaek ko lai tapakai juo jadi sumandan lai ko? Raso ka guyah je kapalo lakek suntiang. Laweh: Mintuo ado-ajo je nan Mintuo sabuik. Awet mudo co iko Mintuo sabuik lah tuo. Kok ndak awet mudo, ei yei yei...lah batambuah mamak ambo mah ha ha. Mintuo Reno: Si Laweh ko garah e lai co dulu juo lai, he he. Sughuahlah mamak si Laweh tu babini ciek lai. Dek a nyeah? Supayo ndak banyak bisan amak si Laweh. Tapi hati-hati je lah, diagiah e cirik barandang beko dek nan mudo tu, ha ha. Laweh: Garah Mintuo lai co lamo juo, ha ha. Bitu (bak itu) lah Mintuo. Ambo taruihan lah dulu karajo ko (maksudnya: mengundang yang lain). Mbo taruih ka rumah Minto Dalima dulu (bini mamak si Laweh yang lain). Ndak taraso aro lah patang lo ha. Mintuo Reno: Eh...ndak makan bagai awak dulu ko? Ancik lu. Ambo sanduak nasi dulu. Gulai iyu pasanan mamak si Laweh lah masak tu ha. Laweh: Indak doh Mintuo. Ndak babaso bagai ambo doh. Rancak karajo ko ambo taruihan dulu. Mintuo: Ooh...kalau bitu jadilah, Weh. Salam je dulu ka sanak di baghuah. Laweh: Jadi, Mintuo. Assalamualaikum. Mintuo Reno: Alaikumsalam. (Andai2 ughang Piaman di Kec Nan Sabarih, khususnyo Sunua) Wassalam, Suryadi ==================== --- Pada Sel, 31/5/11, Datuk Endang <datuk_end...@yahoo.com> menulis: >Dari: Datuk Endang <datuk_end...@yahoo.com> >Judul: [R@ntau-Net] Re: Paisok >Kepada: rantaunet@googlegroups.com >Tanggal: Selasa, 31 Mei, 2011, 8:14 AM > > >Agak kurang paham mukasuiknyo. >Salek rokok biasonyo disampaikan ukatu mambarikan undangan (nikah). Daulu >biasonyo ambo ocok mancoliek ado agak sabatang-duo rokok talatak di meja >rumah, >nan aratinyo alah ado urang datang manyampaikan undangan atau mukasuik >tertentu. >Dek karono alah banyak nan tau standar ambo maisok, terkadang nan dilatakkan >iyo >sabungkuihnyo, namun alun ado nan manyampaikan sa-slop. > >Wassalam, >-datuk endang > > >--- On Tue, 5/31/11, syaff...@gmail.com <syaff...@gmail.com> wrote: > >Nyimpang snek, >> >>Apo lo beda marokok ko jo salek rokok? >> >>Syaf AL >>48/Bogor >>Powered by Telkomsel BlackBerry® ________________________________ >>From: Datuk Endang <datuk_end...@yahoo.com> >>Sender: rantaunet@googlegroups.com >>Date: Mon, 30 May 2011 17:49:43 -0700 (PDT) >>To: <rantaunet@googlegroups.com> >>ReplyTo: rantaunet@googlegroups.com >>Subject: [R@ntau-Net] Re: Paisok >> >> >>Kok di ambo sanak, iyo supayo indak "mati gaya". Karono banyakna urang-urang >>nan >>indak maisok nan mati gaya. >> >>Wassalam, >>(baruna baliak dari Padang, ka pai lai mancubo coto) >> >>--- On Mon, 5/30/11, abdul.hadi...@gmail.com <abdul.hadi...@gmail.com> wrote: >> >> Da jepe sarato sanak >>>Palanta RN >>> >>>Carito masalah rokok ka rokok atau kakok ka kakok (eh talonsong sangenek)... >>>Ambo tamasuak ahlinyo "mungkasuik e ahli hisap" rokok... >>>Jadi kalau ambo bajalan atau mambaco artikel atau iklan layanan ado bbrp >>>tindakan yg ambo karajoan : >>>1.partamo ado iklan bahayo aids atau hiv...ambo mangucap jauahan ambo dari >>>bahayo ko ya Allah... >>>2.kaduo kalau ambo mambaco bahayo narkoba..ambo mangucap jauahan anak >>>katurunan >>>ambo dari bahayo iko >>>3.katigo kalau ambo mambaco iklan bahayo rokok..ambo mangucap >>>"kawan!!..jauahan >>>ambo dari iklan ko"...hahaha >>> >>>Jadi intinyo iklan bahayo rokok ko sabananyo cuma baso basi..buktinyo "tmbh >>>maha >>>harago rokok tambah tinggi pajaknyo tambah acok awak nonton bola tambah >>>laris >>>bisnis farmasi dan mgkin tmbh kayo juo gayus"... >>>Barati kalau ditutuik pabrik rokok ko...sado nan tambah2 diateh tadi jadi >>>kurang2 nyo lai... >>>Jd pantiang utk kiniko adolah penyadaran diri msg2 mslh rokok atau maisok... >>> >>>Karano ado bbrp keutamaan para paisok ko : >>>1.dak pernah maraso tuo >>>2.ndak pernah dikaja anjiang >>>3.ndak pernah rumahnyo dimasuakan maliang >>>4.ndak pernah maraso miskin >>> >>>Salam_hadi/31 >>>Nan sadang maisok paisok sabatang >>>Di pakanbaru >>>Powered by Telkomsel BlackBerry® -- >. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/