Ola Felipe demais colisteiros, Primeiro que nada, hai que agradecerche a constancia durante anos no mantemento do grupo. Grazas por un traballo discreto e efectivo de coordinación que nos permite estar entre os tradutores máis eficaces da comunidade Ubuntu. Quero pensar que coa rotación de responsabilidades te mantés igualmente no grupo dándolle á tecla.
Como creo que non vou poder estar o martes en liña manifesto agora o meu voto positivo á túa proposta. = +1 Como simple membro tradutor paréceme moi acertada a túa proposta e animo a Miguel, de quen todos sabemos a capacidade de traballo e o seu compromiso coa mellor calidade do traballo colectivo, a que acepte a carga que supón a coordinación e levar adiante esta ilusión de manternos aí arriba. O labor de Fran tamén se foi revelando ultimamente como clave para resolver atascos, abrir novas vías de colaboración, lograr unha maior integración en Ubuntu, unha mellor consideración para o traballo dos tradutores ademais da mellora da propia distribución en aspectos que só están ao alcance de grandes coñecementos de fondo. Seguirei colaborando o mellor que poida pola miña parte e aproveito para desexarvos felices festas a todas e todos. Un saúdo, Antón Méixome 2010/12/22 Felipe Gil-Castiñeira <felipe...@gmail.com> > > -- > Ubuntu-l10n-gl mailing list > Ubuntu-l10n-gl@lists.ubuntu.com > https://lists.ubuntu.com/mailman/listinfo/ubuntu-l10n-gl > -- Ubuntu-l10n-gl mailing list Ubuntu-l10n-gl@lists.ubuntu.com https://lists.ubuntu.com/mailman/listinfo/ubuntu-l10n-gl
