sebab bogor teh hartina tunggul kaung
Ari tunggul kawung
emang geh euweuh hartina
euweuh soteh cek nu teu ngarti
Ari sababna, sabab ngaran mudu Bogor
sabab bogor mah
dijieun suluh teu daek hurung
teu melepes tapi ngelun
haseupna teu mahi dipake muput
Tapi amun dijieun tetengger
sanggup nungkulan windu kuat milangan mangsa
Amun kadupak
mantak borok nu ngadupakna
moal geuwat cageur tah inyana
Amun katajong?
mantak bohak nu najongna
moal geuwat waras tah cokorna
Tapi, amun dijieun kekesed?
sing nyaraho
isukan jaga pageto
bakal harudang pating kodongkang
nu ngarawah si calutak
Tah kitu!
ngaranan ku andika eta dayeuh
Dayeuh Bogor!
[Pantun Pa Cilong. "Ngadegna Dayeuh Pajajaran]
basa samingguan kamari, bogor kena ku angin gede
pisan, malihan mah matak pikasieun. Pas na teh
keur peuting tabuh dalapanan. hujan angin dibarengan
geledek. Pas jam salapan nan hujaan geuss
root , tapi di sabuderan istana bogor, kebon raya
jeung jalan pajajaran loba tatangkalan nu rungkad.
Da komo deui di Kebon Raya aya tatangkalan nu umurna
ratusan tau rungkad, nya isukna pas tanggal
3 juni 2006 biasana asup ka kebon raya bogor haratis
ayeuna teu bisa kusabab eta tea tatangkalan
loba nu rungkad jeung ngahalangan jalan nu aya di
kebon raya. Ieu kajadian teh lain taun ieu wae ,
basa taun 70-an kungsi oge aya kajadian samodelk kieu,
da ieu ge saur nu ngalaman pas waktos eta .
Cenah basa eta oge sami samodel kitu malihan mah
samemehna basa jaman na -Ki Ato- di Istana
Bogor rek ngayakeun raramean nu artis na ti ibukota
tapi artis nu urang sunda komo ti bogor mah
eweuh malihan kokolot bogor - Rakean Minda Kalangan -
kungsi nyaram ka eta walikota ulah
ngawidian ngayakeun acara di istana Bogor, nya kusabab
teu waro nya kajadian na sarua samodel
kamari aya hujan angin dibarengan geldeg gede. Tapi
naha kajadian kitu karendepan deui taun ieu.
Basa pa walikota pas taun 2004, 2005 teh moto na kota
bogor teh "Bogor Rancage Hade Gawe, jeung
Muru Laku nu Rahayu nanjeur Bogor Jaya di Buana" tapi
naha moto milangkala bogor ayeuna eweuh nu
bau2 pisan sunda malah Bogor Peduli hunkul , atanapon
gara2 walikota bogor na kurang deukeut
jueng budayawan,sejarahwan atawa seniman atawa
walikota bogor na lain pituin urang Sunda atawa
lain urang Bogor asli. Panginteun eta teh totonden
keur urang sadayana kudu inguet ka Allah SWT jeung
kudu cinta sasama manusia jeung alam tea,
Tapi mun urang balik deui ka hari jadi bogor nu ka 524
timana jujutanna, nya kamari basa jabung
tumalapung jeung kang anis jati sunda, pa eman
sulaeman ,pa inochi, kang hendra jeung rengrengan
ti hanjuang bodas bogor sareng pupuhu padepokan giri
sunda pura Sindang Barang bogor kang maki,
di jentrekeun pisan timana asalna tanggal 3 juni teh.
Panginteun ari bogor teh ssalah sawios identitas di
jawabarat dinu sajarahna, nya ari bogor teh
puserna ibukota pajajaran didieu oge prabu siliwangi
marentah, Prabu siliwangi marentah timimiti
tahun 1382, ari pamerantahan teh cukup lila nyeate
kira2 39 tahun lilana,
pakuan dijieun ibukota ngangetikeun kawali, tah
timimiti pusat pamarentaha eta nu dijiuen titik
itungan milangkalana ,ari sumberna mah ti pantun bogor
nu dituturkan ku Ki Buyut Baju Rambeng
jeung Pa Cilong nu di catat di rumpin ku kulawarganan
Alm. R Muhtar Kala. Ari nu lengkepna na mah
ping 13 juni 1482 atanapon 867 hijriah.
Dinu lakon ngahiyangna Pajajaran, di ibukota pakuan
baheula osok di ayakeun upacara Gurubumi
jeung Kuwerabakti unggal taun, waktuna dimimitain 49
poe saatos musim panen, jeung dipungkas ku
upacara Kuwerabakti pas bulan purnama, tah di daerah
pakidulan (banten jeung sukabumi) masih keneh
aya upacara nu samodel kitu nyaeta Gurubumi, nya mun
dibogor tea mah basa Seren Taun nu
diayakeun di di Sindang Barang tea. Tah panginteun ari
jujutan hari jadi kota bogor teh tidinya ari
sumberna mah saurna Kang Anis mah ti Pantun Bogor,tapi
ari di satujuan na hari jadi kota bogor teh
ku babaraha budayawan bogor nyatea ku tirsna supandi,
hapid sirod , muhtar kala,sambas,saleh
danasasmita, jeung eman sulaeaman (sumber kang anis
djatisunda).
Pun Yayan
(beusi sabla kaba-kaba, hanteu niti tali paranti,
beusi miceuk marineus, meuceuk geuleuh meceuk keumeuh
atuh pangnyingraykeun bae nyah)
http://.serentaunsbr.multiply.com
http://geocities.com/jajaka_subang
Send instant messages to your online friends
http://uk.messenger.yahoo.com
Send instant messages to your online friends http://uk.messenger.yahoo.com
Komunitas Urang Sunda --> http://www.Urang-Sunda.or.id
SPONSORED LINKS
Corporate culture | Business culture of china | Organizational culture |
Organizational culture change | Organizational culture assessment | Jewish culture |
YAHOO! GROUPS LINKS
- Visit your group "urangsunda" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.