Wilujeng enjing baraya
babakan Kusnet sadayana,
Alhamdulillah geuningan
parantos tiasa tepang sareng baraya anu salami ieu kuring terangna mung dina
milis babakan Kusnet wungkul, sanajan kuring sanes aktifis di bakus mung sakadar
mukaan sareng ngaos surelekna wungkul.
Beu meni resep pisan
nya tepang sareng baraya teh, mani asa reugreug seueur baraya tiditu tidieu,
mani saromeah, karaos pisan someahna mangkaning kuringmah nembe ngiringan kopdar
kieu teh, janten teu asa disaha-saha.
Hatur nuhun ku
panganken sadayana....
Hatur nuhun ka Teh
Netty, pasakan teteh raos, meni kacipta waktos nuju masakna ti wengi dugi ka
peuting (he..he..he..), tapi tetep raos Teh...
Hatur Nuhun Ka Teh Ani
sareng Kang Ikmal anu bumina dianggo riungan, waktos dikantunkeun teu tiasa
ngiring beberes.., maklum panjang keneh lalakon wangsulna bilih kaburitan di
jalan teu mekel obor soalna.
Hatur Nuhun Ka Kang
Ndoell anu parantos masihan terang deui arah bumi Teh Ani, punten waktos wangsul
teu pamit
Hatur nuhun kenal
sareng Kang Ndoell, Kang Agus miwah istri oge ade bayi (hilap deui namina ulah
bendu nya..), kenal sareng teh Iva, teh Mia, teh Lia, Kang Rachmat, Kang Boim,
Kang Yayan (?), Kang Ono, Kang Hendri miwah istri, teh Puji, teh Imas, Teh
Tatat, Kang Hasan, Kang Miih, teteh-teteh sareng akang-akang anu teu kasebat
namina teu kenging bendu da seueur anu teu apal namina.
Hatur nuhun .... hatur
nuhun... pokona hatur nuhun tiasa kenal sareng baraya sadayana, mugi-mugi
babakan teh langkung solid.
baktos,
pun
emme
Komunitas Urang Sunda --> http://www.Urang-Sunda.or.id
SPONSORED LINKS
YAHOO! GROUPS LINKS
|