Hatur nuhun Ua, ngiring bingah tos "done" najan teu kaluar sapeser urunan. Ngareugreugkeun nu dina widang filologi, muka eusi naskah ti karuhun. Hurip sunda
MSasmita <[EMAIL PROTECTED]> wrote: Ngadadak aya SMS ti Kang Darpan, yen upacara Seba di Kabuyutan Ciburuy teh rek diayakeun dina poe Rebo tanggal 6 Pebr 08, ari tadina mah aya beja teh rek dilaksanakaeun poe Kemisna. Geuning jadina poe Rebo, sihoreng upacara seba teh dilaksanakeun poe Rebo peuting, sabada Isya, amlem Kemis. Atuh sim kuring rada tuturubun ngabejaan Kang HW jeung Mang J, sangkan poe Rebo miang ka Ciburuy Garut, meungpeung aya waktu keneh supaya peti teh bisa kapake dina upacara Seba. Jadi poe Rebo teh ngabiur ka Ciburuy Bayongbong Garut, lantaran euweuh waktu deui ngabejaan ka Kang Dipa, antukna Aki (pun paman) anu nyupiran teh, da si kuring mah teu pati tapis ka luar kota mah, sok geugeumeueun. Miang ti Bandung teh tabuh satengah salapan, nyemprung ka Garut, nyampeur heula Kang Darpan di Gordah, tepi ka Ciburuy teh tabuh sabelasan. Enya we di Patamon keur rame siga anu rek kariaan, loba kolot budak awewe lalaki, keur pakepuk sasadiaan keur upacara Seba. Kuring masrahkeun peti bari sasadu da rada elat ngirim, padahal ti Madiun mah apan geus rada lila jolna, jadina ngembrek diimah kuring. Ijabkobulna, dina papasarahan peti ka Ki Kuncen teh, ieu peti amanat ti baraya anu di Kusnet, mugi katampi, bilih kirang kitu kieuna mah hapunten bae, mugi mangpaat kanggo nyimpen naskah kuno. Atuh panampian ti Ki Kuncen intina mah nganuhunkeun kana katineungna baraya ti Kusnet. Sim kuring jeung Mang Jamal, atas nama YP mere sumbangan keur Ciburuy hanteu gede ukur dua ratus rebu rupia, lain nanaon eta ge pedah we keur pakepuk sasadiaan upacara Seba, atuh duit sakitu teh bisa bisa keur meuli rokok anu digarawe. Tadina indit ka Ciburuy teh rek bareng jeung Kang Adhitya ti Kompas, inyana rek ngadagoan di Kang Darpan, ngan hanjakal inyana keur liputan di Tasik, tapi basa mulang nyimpang ka bumina Kang Darpan, Adith geus nyampak, da rek ngaliput kapeutingnakeun. Alus tah budak ngora teh daek kukurusukan. Tah ieu fotona kaasup ritual setting (sasadian keur upacara), nu pikabitaeun mah eta ningali wajit di wadahan kana nyiru, sigana amis pelem, hanjakal eta mah keur upacara. Kami teh teu wani ngasaan, da teu ditawaran...he he...!! Ritual Seting aya sababaraha rupi aya nu disebut sawen, tutup said, kampuh, tali datuk, parukuyan (ieu parukuyan lain paranti nyeungeut menyan da dijieuna ge tina daun kawung ngora), rompe, eunteung (eunteung ieu ge lain hartina kaca eunteung, tapi tina daun kawung ngan dijieuna ngagembleg dibeberkeun masagi). Kukituna tugas ngadugikeun peti keur Kabuyutan Ciburuy tos dilaksanakeun, hapunten rada elat. MSasmita Makarya Mawa Raharja --------------------------------- Looking for last minute shopping deals? Find them fast with Yahoo! Search.