Góðan dag. Nú eru stjórnvöld að opna landfræðileg gögn sín að auknu leyti og þau munu örugglega þurfa á leiðsögn að halda. Í samskiptum við stjórnvöld er meira tekið mark á félagasamtökum en einstaklingum. Því legg ég til að annaðhvort ætti að vera stofnaður formlegur félagsskapur OSM innan FSFÍ (Félags um Stafrænt Frelsi á Íslandi) eða stofnuð verði sér félagasamtök um málefni OSM á Íslandi.
Í framkvæmdaáætlun um upplýsingasamfélagið 2013-1016 (http://www.innanrikisraduneyti.is/media/frettir-2013/Voxtur-i-krefti-netsins---framkvaemdaaaetlun.pdf) er meðal annars tekið á því að opna skuli landfræðilegar upplýsingar á sviði ríkis og sveitarfélaga. Tel ég að hagsmunir frjálsra kortaverkefna eins og OpenStreetMap séu betur tryggðir ef stjórnvöld séu í samvinnu við félagasamtök frekar en ‚einstaklinga út í bæ‘. Atriði í verkefnastofni 2 í framkvæmdaáætluninni, titlaður ‚Opin og gegnsæ stjórnsýsla‘: * Mótuð verði stefna um opin gögn og kortlagt verði hvaða gagnagrunnar verða í forgangi * Sett verði upp miðlæg gátt fyrir opin gögn á íslandi og útbúnir leyfissamningar fyrir opin gögn * Opinberar stofnanir fái leiðsögn og stuðning við opnun gagna og gagnasafna * Tryggð verði samræmd innkaup á sviði landupplýsinga * Landfræðileg gögn ríkis og sveitarfélaga verði opnuð * Unnið verði að söfnun örnefna og opnað fyrir aðgengi að þeim Í þessu ferli skiptir miklu máli að stjórnvöld vinni að því að gögnin teljist opin í merkingunni að þau séu frjáls. Við viljum auðvitað tryggja að niðurstaðan verði sú að gögnin geti verið innleidd í OSM eða sem næst því markmiði. Með þetta til hliðsjónar og að mörg atriðanna í verkefnastofni 2 koma að opnun landupplýsinga hins opinbera tel ég miklu máli skipta að einhver fulltrúi OSM samfélagsins á Íslandi komi að ferlinu. Sé fulltrúinn af hálfu félagasamtaka er miklu líklegra að orð hans hafi meira vægi. Hvað finnst ykkur um þessa uppástungu mína? Með kveðju, Svavar Kjarrval
signature.asc
Description: OpenPGP digital signature
_______________________________________________ Talk-is mailing list Talk-is@openstreetmap.org http://lists.openstreetmap.org/listinfo/talk-is