Soal Identitas ndai denga kang
"Adi banci, erprinsiplah kita sesama kalak Karo." kata Kawal Ginting di Sora
Sirulo XV. Sura-sura mehuli janah ideal, kerina ka nge kuakap kita Karo
ersura-sura sibagenda. Contohna nina kalak China. Tambar China kerina ka kalak
China nukursa. Kuning mentar uga? nina Kawal. Lit kin enda hubungenna ras
identitas Karo? Lit kang kuakap. Kalak Melayu Delang (Deli-Langkat) si asal
Karo si enggo ngubah identitasna banci kang ndai sada masa lanai nandai kuning
mentar (masa 100 tahun Karo sinik identitas Karo menam bene). Tapi uga enda
ibas perdalanen waktu? Kuakap enggo kang mulai lit kalak Melayu Delang enda
ndai bagi si ndaramiasalna, sebab gundari enggo mulai kita ngerana encakapken
nasibta, perdalanen nasibta bagepe perjuangenta gundari ras ku masa depan. Enda
sada dalan si memungkinkan kita si menentukan nasibta. Adi sinik saja kita,
kalak sideban si ngerana, ertina kalak sideban si menentukan nasibta.
"Ngerana kita atau erperang kita" pernah kutulisken mbarenda. Erperang
sangana ngusir penjajah seh beluhna kita, gundari ngerana, lanai pakai bambu
runcing atau bedil. Arah ngerana enda banci nambah "bargaining position"
(istilah si pernah ipake Rudy Pinem). Ngerana soal pemekaran Karo jelas bakal
nambah ruang gerak politis bagepe ekonomi man Karo (termasuk DAU; DAK). Gundari
ngerana saja lebe, gia lenga lit pemekaran tapi enggo itteh kalak ija
posisinta, itteh kalak sura-suranta si pasti, enda pe enggo terakap. Kai denga
ka adi pemekaran daerah-daerah otonomi (5 daerah otonom: Berastagi, Deli,
Langkathulu, Singalorlau, Tigalingga/Tanehpinem) enggo terbentuk, tentu ibas
Sumut enggo 5x lebih besar suara politikta. Kai denga ka adi berhasil kita
bentuk propinsi Karo, enda enggo bulat suara Karo jadi sada suara ku Pusat,
Karo jadi perpanjangan tangan pusat, lanai perlu calo.
Engkai maka kita pang ngerana gundari, perbahan kita enggo mulai ngergai
identitasta adah ndai, terpaksa nge kita simulaisa, lalit sideban. Tiap etnis
ngerahken kekuatenna memajukan etnisna, tapi saling menghargai janah saling
respek. Bagepe saling mengakui, tapi kai kin si man akun kalak adi teridah pe
kita lahang, adi lalap kita sinik la nuduhken bana. La lit daerahta sebagai
ingan berdiri kukuh. Daerahta pe kalak sideban si menentuken, kalak sideban
simbagi-mbagikensa, ku Langkat, ku Sergai, ku Dairi/Tapanuli. Dana kai pe si
lit i Pusat nari, kalak sideban sinentuken asakai patut man Karo. Ndigan kita
erbahan perdalanen nasibta? Nimai 100 tahun nari ka? La nai perlu nimai, si
lebih menggembirakan enda kapken enggo giat kita mulaisa sedekah reformasi enda
ibas era ethnic/cutural revival dunia. Jiwa pemberontak Karo enggo nangat
teridah. Bambu runcing ras bedil enggo sigantiken alu senjata kata-kata.
Kata-kata adalah senjata. Bentuklah kata-kata yang ampuh dan indah,
bentuklah senjata yang tak terkalahkan.
Adi enggo terbentuk propinsinta, perwakilan propinsi jadi perwakilan Karo,
misalna ku Akademi Militer, Polisi rsd atau kemana saja jika perlu perwakilan
propinsi. La nai kari bagi si gundari, adi lit perwakilan/utusan propinsi
Sumut, ma enggo me jelas ise ije jadi wakil Sumut. Pernah lit utusan sekolah
suster/perawat propinsi Sumut ku luar negeri, perwakilan suku dominan ngenca
je, jelas la lit kalak Karo. Eak, satu nusa satu bangsa ninta ka ngibur diri.
Tapi enda la nambari, la nambari ukurta, la nambari multi-etnis Indonesia si
satu nusa satu bangsa, tapi nambah sicedan-ukur sebab enda terus terusan jadi
sumber ketidakadilan, siapa yang dominan atau pegang hegemoni, atau bagi si
pernah ku postingken ku milista bas buku Denis Dwyer nari nina:
"development programmes frequently are controlled and administered at the
higher levels by members of the politically dominant ethnic group; and most of
the fruits of such development flow into the pockets of a tiny ethnic elite or
at best, are distributed in a limited manner within the same ethnic group."
(Message tanahkaro no 22790).
Tentu enda pe termasuk perjuangan untuk keadilan kang, ertina banci kang kita
berjuang ngelawan ketidakadilan kalak dominan enda ibas sada propinsi (Sumut).
Tapi engkai kin kita maka ngabisken energi/tenaga arah enda, adi banci sibahan
jangta sendiri janah menentukan nasibta sendiri Propinsi Karo!
Adi lit Propinsi Karo jelas la lit isepe si irugiken, kecuali orang-orang
yang mau menindas Karo atau mau menentukan nasib Karo (internal colonialism).
Bage ka pe propinsi-propinsi sidebanna, Protap atau Tabagsel atau propinsi
Nias. La lit sada pe si saling merugikan, kecuali keinginan
internal-colonialism adah ndai! Saling mengakui, saling menghormati dan saling
menghargai begitu juga kerjasama yang lebih kukuh karena tiap etnis sudah bisa
berdiri ditempat masing-masing secara kukuh pula. "Berdiri sama tinggi duduk
sama rendah" dalam kenyataan dan praktek, bukan hanya dimulut. Sekarang tidak
bisa dikatakan demikian, karena Sumut adalah hegemoni dan dominasi orang-orang
Tapanuli-Mandailing, Karo tak punya tempat berdiri atau tempat duduk, hanya
dipinggir atau dipinggirkan atau ngekos di Sumut.
"Kita berhak menjadi Presiden, Wapres, Menteri, Gubernur, konglomerat, ilmuan
peraih Nobel, penulis best seller, petani kaya dll.Jangan pernah merasa kita
hanya menjadi penumpang (ngekos) di negara ini" nina RG Munthe ibas postingna
Re: The Power of Identity. Mejile janah mbageskel tulisen RG Munthe adah ndai,
tiap kalimat ibas tulisenna edi nggambarken pengertian si patut jadi pemikiran
ras fefleksi man banta kalak Karo. Arapenku gelah tulisenna adah ndai banci
kari isiarken bas kerina media Karo.
Globalisasi mendesak dan mendorong grup manusia ke pelosok/daerah paling
kecil dan sampai ke paling terpencil. Setiap manusia/kelompok akhirnya harus
bertanya kepada dirinya, siapakah kita? Jawabnya: "the focus is almost
exclusively at ethnics and not nations" , kata Erik Lane dalam bukunya -
Globalization and Politics: Promises and Dangers. Selanjutnya dia tulis: "Thus,
people are so intimately connected with a culture that they are, so to speak,
constituted by the culture in question or embedded in such a particular
culture."
Bujur ras mejuah-juah
MUG
---------------------------------
Sök efter kärleken!
Hitta din tvillingsjäl på Yahoo! Dejting: http://se.meetic.yahoo.net
