Simbisa Percapah Mbelang, Mulihlah kam.. Mbisa tuhu-tuhu mbisa .. Kuliki garuda ersak-ersakenna.. Batang jabi-jabi rudang-rudangna.. Lembu, tipak-tipakenna Nipe naga ayam-ayamna Epe de mulih NINA mulih kang .
Masin tuhu masin katana.. Mbentar nina mbentar Mbulan nina mbulan Bunuh nina mate Bayak ko nina bayak Epe de mulih NINA mulih kang . Beltekna mbelin la mbera besor . Capahna mbelang la teralang Cibah-cibah mekulcap tempa lenggor.. Pais ras menci ikut cibah-bah Biri-biri lupa ndahup taren natap.. Epe de mulih NINA mulih kang . O kam simbisa, o kam percapah mbelang Gia kulikindu enggo kote.. Gia Jabi-jabindu enggo meranggas.. Gia capahndu lanai terburihi Gia ulihndu salih jadi tinading .. Mulihlah kam mulih Selamat jalan o kam simbisa percapah mbelang.... NB: Terumput salam man Per Radio Erdesso ras RKAG, taldok kibot ena, laguna "mulih kurumah" lagu tahun enem puluhan.
