Mejuah-juah anakberu/bebere dr Supredo Kembaren
Mejuah-juah kerina permilis sirulo
Enda enggo piga-piga kali ku oge persoalen-persoalen si enggo i ulasndu secara
sistematis janah luas ka. Enda diskusi persoalen nyata kalak Karo gundari atau
pasti ka nge Indonesia. Tapi ijenda bagi si enggo ibentangkendu uga bas kita
Karo letak persoalenna sada persada: promotif, preventif, kuratif bagepe
rehabilitatif. Ateku kutambah-tambahi ka sitik menurut pikiren si mentas bas
aku, maksudku gelah lebih mengeraskan pentingna poin-poin kesimpulan si enggo
ipostingkendu, kerina ngepkep tujuan utama "mencari jalan penyelamatan
khususnya buat kita Karo" ibas ngadapi situasi kehidupan si semakin sulit
(ekonomi), "bikin mudah frustrasi" atau jadi 'mereng' atau bahkan 'gila'.
Fenomena 'mereng' enda teridah nangat kang i luar negeri pe. I Eropah bagepe i
USA, pembunuhan sering tanpa alasan. Massal atau perorang. Enggo muat katepna
terjadi. Enda pasti nge banci ikataken puncak kemerengan enda ndai. Entah labo
ekonomi enda ndai ngenca sebabna, tapi ugapape pengaruh ekonomi jelas mbelin ku
perubahan pikiren manusia, atau enda enggo banci si idah nangat ibas masyarakat
Karo, janah arah perubahan ekonomi enda ndai ka nge sibahan diskusi arah
milista enda dalan si tercakapken ertina bangku bas tingkat percakapen denga.
Bas poin promotif "ula melulu kompetitif" nindu, merandal kel, kuertiken ula
bas sada segina saja, tapi both/and megati ka ku postingken. Lit etnis-etnis
negerinta siernaluri atau melihat hidup hanya sebagai perlombaan atau
pertandingan. Ibas etnis-etnis enda simbuena jadi mereng atau gila. Ibas era
Suharto etnis-etnis enda berlomba-lomba angkat telor Suharto. Suharto lengser
berlomba angkat telor penguasa si reh ka. Pesta Danau Toba perpudi enda la ikut
atau la i ikutken Karo, tapi Melayu i ikutken. Gubernurna gundari dianggap
Melayu. Enda pe perlombaan ndai kang, apai sindeherna ku kekuasaan, lit nge
kari rusur gunana ibas pertandingen kegeluhen enda ndai. Posisi sekalak jelma
menentukan atau mengatur tingkah laku etnis sibagenda.
Ibas kalak Karo kira-kira labo kuakap mekeleksa sifat pertandingan enda, tapi
lit, janah perlu ka sebab enda salah sada tenaga pendorong ku kemajuan. E me
maka both/and. Etnis si lalit sifat-sifat kompetetifna enggo ndekah punah,
kalah dalam pertandingan antar-etnis. Mereka masih bisa hidup (survive) sebelum
ada ethnicgroups self-assertion and struggling for power, tetapi harus mundur
teratur atau punah, terutama dengan munculnya ditengah kehidupan mereka
etnis-etnis yang mobilitasnya tinggi dan yang memandang hidup hanya sebagai
perlombaan.
"Tanamkan pengharapan akan suatu perubahan nantinya.", nina Supredo Kembaren
bas analisana soal promotif enda, cocok kuakap. Gunakan tiap kesempatan yang
ada seperti arisan, perpulungen jabu-jabu rsd untuk menanamkan "pengharapan".
Sutradara Ginting pernah berikan pikirannya di DPR, tugas penting kita untuk
memberikan "pencerahan dan harapan" man kerina rakyat Indonesia. Jenda enggo
kita jumpa tengah, ertina enggo sentudu ibahandu anak-beru kami. Janah enggo
ilengkapindu secara praktis, ibas perpulungen, bagepe media on line atau off
line si enggo lit misalna Sora Sirulo rsd, LSM si enggo mbue aktif bagi HMKI,
organisasi seni kalak Karo rsd.
Ibas poin preventif "menciptakan sumber2 penghasilan baru". Enda teringet ka
aku era globalisasi enda. Ku idah i Eropah bagepe perkembangan i China uga
kalak pebisnis perorangan erbahan promosi produksina sendiri tanpa campur
tangan pemerintah, ertina pemerintah cuma menyediakan atau menciptakan syarat
mempermudah jalannya bisnis. Pebisnis Karo terutama dilingkungan pertanian
tentu bisa menirukan China atau Eropah dalam promosi dan mengembangkan
produksinya. Ku inget zaman sinai uga hubungen langsung produksi pertanian Karo
ras Singapor. Gundari Karo enggo ketadingen bas soal enda, saingen japanari pe,
termasuk daerah-daerah sekeliling Karo enggo maju atau lebih maju asangken
pertanian Karo. Ketadingen enda kuakap perlu bantuan kalak beluh bas lapangan
promosi enda, bas lapangen hubungen internasional, bahasa ras kepandaian
menggunakan komunikasi internet enggo kuakap jadi keharusan.
Menanamkan "budaya rajin bagi anak-anak", budaya enda seh perluna, rajin
belajar bagepe rajin kerja. Kerja membentuk manusia, enda pasti. Budaya 'horja'
nina kalak Batak. Ma enggo kerina kita ngidah uga kalak enda 'horja', erdahin
bas kaipe, berat atau ringan, rendah atau tinggi, kotor atau bersih. Bas soal
enda terpaksa kita erlajar bas kalak enda nari. Erlajar membentuk masa depan,
enda pe pasti. Enda me persoalen merandal si perlu inget atau si ingetken man
jelma Karo bagi si niarapken dr Supredo Kembaren.
Soal kuratif, situasi teman-temanta si "enggo ngeskes ras megap2". La nai lit
siman dakanen, anak-anak pe lanai tersekolahken. Enggo seh kel enda. Ugakin
enda adi SD pe lanai terterusken. Megogo nge. Uga suine ate orang tua si
meganjang sura-surana ngepkep anak-anakna. 'Mereng' ndai nge sindeherna, janah
enggo melala kejadin si menyedihken i Indonesia. "Masalah enda tentu seh
beratna ngarihkensa, tapi harus banci si ban" nina dr Kembaren, payo kuakap.
Pesimis, tapi uga maka mungkin ka i ubah jadi optimis, bage me kuakap maksud
kam. Dasarna tetap "persatuan dan gotong-royong" nindu. Ku inget denga nai
'aron kujuma' bas kita Karo, semangat persada aksi bas gotong-royong. Tiap
jelma ndungi tegun masing-masing tapi ise siketadingen, ras-ras ka ndungisa,
cepat dung dahin, kerina ermeriah ukur. Uga gundari? Pengaruh luar (budaya
duit) era Suharto labo ngenca merusak budaya Karo tapi menam kerina etnis i
Indonesia. Tapi bage gia semangat ras tradisi persada
aksi ras gotong-royong ndai kuat denga nge bas kita Karo, terutama kuidah bas
anak-anak mudanta, gia la ngateken pertumbuhan positif yang semakin subur dan
memberikan harapan man banta kalak Karo adi ngenehen anak-anak muda enda ndai
kerina. Maka payo kel bas uraiandu anak-beru Kembaren Mergana, dasar dasar si
mehuli adah ndai me sipertahanken janah sikembangken terus ula erleja-leja man
kerina kita kalak Karo janah terutama anak-anak mudanta.
Soal rehabilitatif, "Pekena si enggo sakit, adi banci ula min lit si bagenda".
Soal sakit si seh kel kompleksna adi la lit biaya. Umumna negeri-negeri
berkembang bagi negerinta, tetap nge lenga terpecahken soal enda. I Eropah atau
negeri si termasuk welfare state enggo lit penyelesaian. Negeri sibagenda lenga
bo melala, banci i beligai alu jari tangan. Si timai maka seh kita kujah,
mungkin butuh waktu 50-100 tahun nari, tapi man banta enggo me lit pengalamen
si man tirun. China ras India adi tetap banci menerusken perkembangen ekonomi
si bagadah teridah gundari, mungkin banci mencapai welfare state lebih cepat.
Soal enda man banta lebih dominan denga nge si pesimisna asangken si optimisna
terutama nginget sikap ras cara berpikir pemimpin-pemimpinta. Tapi enda labo
kapken terkemorahi kita sisada, "cuma sebagai sebuah strategi yg perlu di
kritisi serta dilengkapi, tujuannya tetap mencari jalan penyelamatan khususnya
buat kita Karo agar tidak ada yang jadi gila nantinya.", nina dr Kembaren. Kai
gia ningen, usaha ras keaktifan dr Supredo Kembaren ras HMKI langsung ibas
lapangan sedekah enda, ibas pengidahenku lanai kuakap lit terulin secara
organisasi bagepe perorangan.
Enda ka me lebe tambahenku
Bujur ras mejuah-juah
MUG
Payo nge bagi sienggo ioratken Depari (Berlin) orat tuturta edi. Ras seninandu
Depari enggo me kami sibetehen ibas pertemuan-pertemuan kalak Karo Eropah.
--- In [email protected], Supredo Kembaren <[EMAIL PROTECTED]> wrote:
Kalimbubu sikuhamati Ginting mergana
La gia payosa pengakapku,sentabi aku sekali nari
Tah nungkun ukurndu uga maka "mama" ningku man bandu
Malam minggu si lepas lit pesta perjabun anak gurungku Dr. Marpaung
i Convention Room Hotel Danau Toba Medan,kebetulen i pindona aku
lako jadi MC bas acara e. Sitandan aku ras seninangku Depari mergana
kuta Siberaya nari, si tading ia i Berlin, tetangga ras turang si erjabu e.
Perbahan ia pe anggota milis ta enda, kucuba nungkuni ia kerna kam.
Arah keterangen si berekenna,ku timbang2, payon nge aku ermama ateku.
Lompat rananta, mulihi ku soal kalak mereng ndai.
Perbahan persoalen enda bentukna "masalah ekonomi" si implikasina seh
ku masalah "pinakit", tentu problem solving na pe bagi cara nambari jelma.
Kucuba tawarken pemecahen masalahna merambo-rambo, tentu gelahna
banci ka kari bereken ndu tambahen guna ngelengkapisa, tah ise pe kita
anggota milis enda. Adi enggo kari mbue masuken, ku cuba erbahan
formulasina.Tapi tetap tujunna, gelah ula lit kalak Karo mereng bagi Jatim.
PROMOTIF
Agendaken sebuah draft agar cara berfikir kalak Karo ula melulu kompetitif.
Konsep ini di sosialisasikan lewat pertemuan-pertemuan keagamaan misalna
ibas perpulungen jabu-jabu, perwiritan, arisan, dll.
Tujuannya agar kalak Karo tidak merasa terlalu menderita yg akhirnya jadi
frustrasi. Buat mereka sadar bahwa inilah realita zaman yg harus kita hadapi
secara bersama-sama. Tanamkan pengharapan akan suatu perubahan nantinya.
PREVENTIF
Ini sangat perlu dalam hal pengaturan keungan keluarga, perencanaan
pembiayaan sekolah anak-anak, menciptakan sumber2 penghasilan baru
walaupun kecil2 tapi bisa membantu dikemudian hari.
Konsep berhemat tapi bukan pelit, bagi orang tua
Budaya rajin bagi anak-anak
Yang penting juga "kebiasaan menabung"
Stage ini lebih ditujukan untuk anak2 sampai dewasa muda
Bagaimana membentuk karakter mereka agar mampu menghadapi situasi
yang buruk2 seperti sekarang ini, jangan mudah frustrasi krn bisa gila.
KURATIF
Bagi Keluarga si memang enggo ngeskes ras megap2 entah cekak2
Man pe mesera, lanai lit si man dakanen, anak lanai tersekolahken
Ula lebe ndahi kerja kade-kade, ongkos ku tiga pe lanai bias
Lenga denga ka adi reh pinakit,nukur belo man sembur pe lanai lit.
Masalah enda tentu seh beratna ngarihkensa, tapi harus banci si ban.
Adi menurut aku, dasarna harus tetap "persatuan/gotong royong"
Tapi uga bentuk ril na, perlu aku pandangen2 ndu mama
REHABILITATIF
Pekena si enggo sakit, adi banci ula min lit si bagenda
Cost na pe mbelin, hasilna la terjamin, ate mesui nari ngenca lit
Si natap-natap pe ikut latih. Jadi sinanggel pe man anak kuta.
Konsep ini tidak mutlak , cuma sebagai sebuah strategi yg perlu
di kritisi serta dilengkapi , tujuannya tetap mencari jalan penyelamatan
khususnya buat kita Karo agar tidak ada yang jadi gila nantinya.
Sibarem ka lebe mama
Enta ku dahiken ka lebe kade2nta anak Berastepu si operasi suari ndai
Mekuah kang ateta, singuda-nguda denga, tamat SMP, la tehna enggo
ertahun-tahun lit tumor bas beltekna ,enggo lebih 8 kg beratna,
bagi kalak hamil ,mungkin tabu akapna nurikensa man nande/bapana,
perbahan beltek reh galangna. Perbahan suina maka babana, periksa,
ternyata si ndai. Masu-masu Dibata, enggo sehat ia.
(Enda pe sada persoalen "mehangke nuriken pinakit", perlu ka pagi
si bahas bas topik khusus)
Bujur
Beberendu Simalingkar (Silakan Masuk Lingkungan Karo)
__________________________________________________________
Ta semester! - sök efter resor hos Kelkoo.
Jämför pris på flygbiljetter och hotellrum här:
http://www.kelkoo.se/c-169901-resor-biljetter.html?partnerId=96914052
