Refleksi wari Minggu
”kesatuan dari segi-segi bertentangan”
Mejuah-juah permilis sirulo
Kalimat idatas emkap salah sada hukum/prinsip dialektika si enggo ka mekatep
terpostingken ku milista. Tapi bage gia banci ikataken erbage-bage denga nge
pendapat bas kita soal enda, gia pengertian kalimat enda dasarna sada ngenca,
ertina tiap benda atau hal-ihwal atau materi kaipe tetap nge merupakan kesatuan
dari segi-segi bertentangan. La kin lit benda si la bage? Labo kapken kerina
hal-ihwal atau materi si mesti bagenda nina ka deba, misalna . . . (isikendu
yah gelah banci muat riahna diskusi enda).
Sada hal-ihwal si rusur jadi pemikiren man bangku emkap organisasi, partai
politik atau LSM atau organisasi keagamaan atau agama itu sendiri. Piga kali
kin enggo agama kristen berubah atau bercabang-cabang. Agama islam pe bage
kang. Sope lenga pecah bersatu ngah ndai kerina. Kai kin gelarna sangana ersada
adah ndai? Keasatuan dari segi-segi bertentangan? Banci kin ikataken bage?
Kusingetken soal hal-ihwal sienda sebab tiap manusia menam terlibat bas soal
enda. Ibas soal organisasi tertentu, atau bas pergaulan sehari-hari pe mekatep
terjadi. Ras tetangga atau teman meriah, bas rumah tangga antara suami, istri
dan anak-anak. Je lit nge rusur pertentangan (pikiran) bagepe keharmonisan.
Sedekah lit keseimbangan, ertina sedekah kekuatan sibertentangan adah ndai
lenga naluken salah sada, sedekah e ka lit keharmonisan. Maka ikataken ka
perjuangan segi-segi bertentangan enda ndai mutlak, keharmonisan relatif.
Kemutlakan enda ndai nge sierbahan perubahan, ertina simemungkinkan
perkembangan atau kemajuan. La mungkin lit perkembangan adi la lit perubahan.
Pengertian tentang kemutlakan ras kerelatifan situasi (kondisi) sada organisasi
mekatep lenga masuk akalta sebagai anggota organisasi atau terutama
fungsionaris atau organisator. Uga kin enda adi tiap memulai atau membentuk
organisasi LSM atau partai politik, tiap fungsionaris atau tiap bakal anggotana
enggo siap ngadapi kemutlakan ras kerelatifan idatas adah ndai? Ma la lit
sisengget, janah enggo lit persiapen pikiran kai si mungkin reh dan pasti reh.
Ma muat sukahna ka ndarami penyelesaian ngadapi persoalen si enggo iperkiraken
pasti reh?
Pengalamenku sendiri bas milis enda, tiap kali aku erbahan sada pendapat bas
soal tertentu, tiap kali ka nge bas ukurku nimai pendapat si berlainan ka atau
yang bertentangan sekalipe. Tenaga penggerak perkembangan adah ndai . . .
Sada kelemahenta bas kalak Karo emkap ngadapi kemutlakan adah ndai, ula min
teta. Mbue ka nge sebab-sebabna engkai maka kita rukur bage, way of thinking
Karo. Tapi adi enggo sitteh bage, ma epe banci ka nge i ubah?
Eak . . . enda ka lebe
Selamat merenungkan
MUG
--
__________________________________________________________
Går det långsamt? Skaffa dig en snabbare bredbandsuppkoppling.
Sök och jämför priser hos Kelkoo.
http://www.kelkoo.se/c-100015813-bredband.html?partnerId=96914325
