Re: MEJUAH-JUAH PENANGKUHEN GURU BESAR HUKUM BUDIMAN GINTING
Mejuah-juah permilis sirulo
Adi sinehen kupudi sejarah dua menteri enda, bagi si la tergejap nai
dukungenta, atau penggejapenku saja nge. Teringet ka aku capres USA Barrack
Obama kalak Luo (etnis minoritas Kenya) piah seh ka ku capres negeri adidaya,
gia la mungkin lit dukungen langsung kalak Luo. Single fighter Karo ndai? Atau
bagi sikataken Shodan Purba "la kuidah lit andil masyarakat Karo ibas
pebelin-belin ia duana" (MS Kaban ras Tifatul).
Tapi kai gia, atau uga gia proses perdalanen Karo enda, simpati ras dukungen
100% tiap jelma Karo tetap nge siperluken (terutama adi perjuangenna berskala
nasional ras jujur ka). Dukungen enda banci erbage-bage, ibas cara bagepe
bentukna. Siperlu rusur inget, kuakap ibas konteks perbandingan jumlahta kalak
Karo (minoritas), gelah dukungen enda banci nggerakken dukungan secara
nasional. Enda teringet ka pengalamen pemilihan rektor USU si enggo lewat, sada
pe la pang kalak Karo milih kalak Karo. Tah la kabo cocok enda jadi contoh,
sebab ijenda pengaruh dominasi tapsel/mandailing la tanggung-tanggung, dominasi
mutlak, kekuasaan mutlak yang berarti corrupt mutlak pula (Lord Acton).
Peraturan pemilihan, mereka atur sendiri sehingga hanya ada satu kemungkina
yang bakal terjadi. Jenda termasuk perjuangan untuk keadilan, man banta ras
bangsanta. Perjuangan Karo enda kuakap sepenuhna perjuangan untuk keadilan,
emaka banci kataken bersifat nasional atau bahkan
internasional (nginget kontradiksi pokok dunia).
Enda ka lebe renungenku, sekali gus ngataken SELAMAT
man Budiman Ginting, semoga sukses selalu. Suksesndu suksesta ras.
Bujur ras mejuah-juah
MUG
--- In [email protected], shodan purba <[EMAIL PROTECTED]> wrote:
MJJ:
Lit sitik perkakaenen ijenda. Dr. Budiman Ginting, SH, MHum si ibas wari pepagi
20 Sept 2008 i tangkohken jadi Professor i USU enda impal Bapa rebih.
Eigia, enda nambah gelar2 "si-man-terites" si tersurat nggo seh i bas
kepangkaten akademis si terganjangna. Ibas bulan rebih lit ka sada ibas 3 kalak
peneliti LIPI si itangkohken kape jadi Profesor (lupa aku genduari gelarna).
Alu bage sisitikna lit 2, ras Prof Masno Ginting, i LIPI. Piga2 waktu si
leawat, Prof Paham Ginting (USU). Sekitar 5 tahun si lewat Prof Masliana Bangun
(kak Pelat) UI. Tentuna lit piga2 nari si la kuinget tehpe la kueteh. Gendekna
'cukup' merari, apaika adi si bandingken ras jumlah masyarakat Karo.
Ermengkah ate sada dampar. Dampar si deban emkap ke-longgar-en masyarakat Karo
ibas erban pilihen guna jadi pemimpin2 bangsa ibas jalur akademis nari. Tapi
gelah danci jadi peminpin bangsa arus lit si nungkatsa. Galuh si timbas pe
pergedangna bas mbuahken tandan si mijile perlu i tungkat. La bali bagi nina
pustaka si adi, mbue si nggit, sitik si terpilih, tapi i jenda adi kerina ateta
si tungkat, kurang paguhna tungkat ei. Tapi adi sada saja si tungkat nggo danci
megegeh janah banci masuk bilangen ibas kepeminpinen bangsa. Nggo teridah
selama enda maka adi sekalak2 si erpangkat meganjang enda mbelin arah kegegehen
palas dan uratna sekalak2, mesera. Adi jadi pe, mesera kuakap ngidah ia jadi
rudang2 kegeluhen ibas aku. Lit nge MS Kaban ras Tifatul Sembiring si jadi
peminpin bangsa si paguh, tapi bagi si megamang kuakap ngalo2 ia bagi poster2
si kencah i sekelewet taneh Karo, sebab la kuidah lit andil masyarakat Karo
ibas pebelin-belin ia duana.
Enda penggejapenku.
Sentabi,
Bp. Nona Sampaguita
__________________________________________________________
Går det långsamt? Skaffa dig en snabbare bredbandsuppkoppling.
Sök och jämför priser hos Kelkoo.
http://www.kelkoo.se/c-100015813-bredband.html?partnerId=96914325
