Mjj arons... Sekeleinda kudatkam rute perdalanenku ku Kupang kenca mewal-mewal ku Manado minggu silewat.
Perdalanen sisekeleinda lit bedana ibas siengo-enggo, uga makana begei ningku la eteh-eteh ras kalak karo kepe aku rembak kundul i datas pesawat jkt-kupang. Sitandaan me kami, Tarigan mergana aku Sibiru-biru nari genduari tading i tangerang ningku man bana, tawa ia janah erbelas Tarigan ndaikang aku Bp.Vina tading i Cempaka Putih ninaka.Ia adina begei Bapaku kam ningku, lakeri ukuri Bapa enda ndaika reh nina jangta ei kaikame datas pesawatka sijumpaan nina. Ei perbahan enggo seri dilah kami kuta-kuta nari ei darami kamime rumah makan BPK i kupang enda ndai, rempet kuinget topicta piga-piga minggu silewat masalah KARO BUKAN BATAK, uga makana begei ningku Rumah Makan Khas Batak Karo kerina merek rumah makan sijenda.Kunai perpanggang-panggang enda sangai ngikuti jamburta enda pasti enggo gantina plangna einda nina ukurku. La terjeng jei ngenca Ras Bapa Tarigan mergana darami kami kame rumah turangna, bibi si beru tigan si tading i Kupang. Lakabo mesera ndarami rumah bibi enda ndai, perbahan kila si merga Bukit pengusaha konstruksi ras Ketua Asosiasi Jasa Konstruksi i Provinsi NTT. Alo-alona me kami salu meriah ukur piah lupa kami lit selisih waktu jakarta kupang. Janah reh nina Bukit enda adina kita jenda sitandaan kerina, ras perkumpulan ya jumpa meriah-riah saja.Mantap kapaiken adina mourat jadi jelma teku, melala sitandai jelma ras itandai kalak kita arah perbahenanta simehuli man jelma sinterem. Bujur -- Zoblok Entertainment Komp. Pengayoman Jl. Pidana IV Blok A9/7A Tangerang Phone. +62 21 71596414 Fax.+62 21 558 1674 YM: onda_good Email: [EMAIL PROTECTED], http://www.zoblok.com
