MJJ Iyus:
Lit sada pepatah asing si kira2 bagenda: "Ndabuh sada biji kacang ku takal sada
manuk, jem akap manuk ndai kedungen (kiamat) doni enda." Mekatepsa kita enda
ngidah sada kejadin bage manuk ndai. Sitik lit si jababen ibas jambur enda, mis
sideban 'serkou': "andiko nake nggo sikitiken ukur kel kalak ndai", nina.
Siangka nge maka jambur enda lit penguluna emkap sini gelari moderator. Adi
pultak-sa akapna, tehpe adi nggo seh sinigelari AD-HOMINEM reh nge mis pengulu
ei nirangkenca, teh uga gia kari carana.
Aku kuangkai nge uga uga maka sempat akap Pa Logan (?) lupa aku penggelaren
Perangin-angin KBuluh Simole nari, la bujur aku ngeranai kerna PT, perban aku
la ndedah ras la ka pe ikut numbang perserpiin. Tapi ibas aku kuakap bujur kang
aku ngerana kerna si e. Biasa nge cakap sibagenda ibas jambur enda. Banci jadi
dua-duana 'subjectif.' Saja seh genduari lenga keri aku uga maka seh Tambar
Malem enda nggejapken maka aku ngelakoken CHARACTER ASSASSINATION. Encakapken
dapur kalak, apai ka secara terbuka cekurak pe la dem. Cekurak pe ndauh
dengange kuakap maka seh pembunuhen karakter. Adi pembunuhen karakter,
nulisken kerna pribadi pengelola si njemba kalak lanai nggit ndedah pagelaran
si bagenda. Endam pe sini kuulih-ulihi ngogesa lalit tersurat bagepe tersirat
ibas tulisenku ei. Mbera2 kari reh penjelasen ibas Peranginangin mergana tehpe
ibas pemilis sienterem kerna si e.
Sentabi,
Bp Nona Sampaguita
________________________________
From: Daryus Iting <[EMAIL PROTECTED]>
To: [EMAIL PROTECTED]
Sent: Thursday, November 13, 2008 2:03:13 PM
Subject: Re: [tanahkaro] Re: [komunitaskaro] Pawang Ternalem: Pagelaran Sukse
salam dame man banta kerinana,
perlebe mindo persentabin me kami anak singuda man bandu kerina orangtua kami
ibas milis enda kerna teturin lanai kita siangkan sapih-sapih kita
sekalak-sekalak. adi kunehen si mereken komentar nandangi PT radu mejile nge
kerina amin pe la bali carana erbelas. tek kita maka kerina nge 'konstruktif'
lako ngkapiti lakon si bagenda rupana.
1.ersinget-singet saja ngenda ateku kerna cara rukur ibas jambur (cara :
demokrasi) la banci esmosi dingen ngasup min kita sekalak-sekalak ngaloken
ranan temanta sindeban amin pe mawen-mawen mesir, macem, entah ngisah si akap.
inget min kerna pedah tua-tuanta maka nggeluh melala erbage-bagena emkap bage
teturin asal mula tembe. uga nina manuk adi atena man : kais-kaisina lebe maka
patokna, reh ka nina babi : isungkilna maka dahupkenna. radu-radu man nge duana
tapi beda carana ngelakokensa.
2.lit ka sada kemamangen ibas pusuhku emkap kerna la kueteh kai kin 'problem'
ibas cakapta enda. adi la aku salah amin pe merambo-rambo pengidahku maka
masalahna 'serpi'. jadi uga maka ndarat persoalen sen ibas pagelaran PT enda pe
sada kemamangen ku bas pusuhku. kin pagelaran PT enda benana nari 'murni tujuan
sosial' entah kin 'tujuan komersil'? adi jababna sosial, uga maka lalit
panitiana? adi lit unsur komersil, me lit nge manajemenna? bali ka nge bage
sekalak jelma erbahan rekamen kaset, uga kin nge si bahan ngeranakensa nina
ukurku?
3.kuidah cibal teturin perdalanen sutradara J Bangun mergana ibas PT enda bali
kuakap ia jadi pemeran PT e. maka bage ningku (si tuhuna aku lenga bo ndedah,
saja enggom ku dat ceritana ibas tua-tuanta si nurikensa man bangku), nina
bagenda : (gendek teturin)
PT kitik tubuh jadi melumang, emaka gelar kitikna si Ernalem. ibas melumangna
jumpa ia Datuk Rubia Gandai si mereken ajar-ajar ras pemeteh maka je nari ia
igelarken Pawang Ternalem piahna jumpa ia ras Beru Patimar. Jadi adi kuidah
perdalanen Bangun mergana ibas ngelakoken PT enda bali ras teturin si Pawang
Ternalem. melala kiniseran ibentasi seh paksa enda, mbera pagi ternalem kerina
jelma khususna kalak karo maka esah pagi jadi Pawang Ternalem Bangun mergana.
Terjadahen sitik,.. anjar-anjari rukur e Bangun mergana, ula kisat. lit nge
pagi malemna adi kin kita ngelakoken dahin man guna si enterem. ula ka kam lupa
ernalem man Dibata gelah jumpa si melias lalap si man dapetenndu.
sibarem bas aku nari, ula tama-tama ku pusuhndu sekalak-sekalak. ibas kurangna
rananku enda e ka gelah ngkurangi penakitta kerinana, ibas lebihna rananku enda
e ka gelah ngelebihi rejekinta ku pudi wari.
Bujur,
Iyus Anak Sintengah
