Mejile konsep warung ena ndai kila, tapi kunin ibas websitena lenga kuidah lit
je mantukuren bengkau "Tasak Telu" ras "Terites" Masakan Khas Karo. he..he..he
Salam Mejuah Juah
Karo Cyber Community
--- On Sun, 12/7/08, Pa Canggah <[EMAIL PROTECTED]> wrote:
From: Pa Canggah <[EMAIL PROTECTED]>
Subject: [infokaro] Bual-bual "Warung Pojok California"
To: [EMAIL PROTECTED]
Date: Sunday, December 7, 2008, 6:41 PM
"Warung Pojok California", sada restoran Indonesia i kota Garden
Grove California Selatan Amerika Serikat. Gelarna pe warung, ingan
cinukur-cinukur tempa ningen, tapi rusuren fungsi utamana berubah
jadi jambor ingan erbual-bual. Egia min de bual-bual la bual lah ia,
enda lang kap, bual-bualna bual sipaya-paya, bombang2 lalap la maler
je-je saja lalap. Tapi, mon-mon bual sibage kang keppe maka menarik.
Buktina, semola pajek, "Warung Pojok" la pernah lino bas bual-bual
nari. Lit saja rusur pelanggan kalak Indonesia si reh nukur-nukur,
bagi katangku nda, mula-mulana belanja tah man nge tempa nda atena,
dungna atan bas perbualen. Si lucuna, mon-mon langganen sikalak
amerika pe ikut ka erbual-bual. Bagi biasana, tempa kerina persoalen
doni banci ipecahken pelanggan Warung Pojok California.
Kalak karo sitading i California Selatan pe lit saja rusur reh
erbelanja, dingen, tentu saja ikut erbual-bual. Pasalna, salah sada
pemilik restoran/warung emkap Nini Tigan California, mekacar, mehuli,
beloh ngerana. Cakap karona lancar, cakap Indonesia betat sitek, de
cakap manggris kin pe kap seh kel..betatna, ., Emaka ula tendu
mamang,
selain ingan perjumpaen Kalak Indonesia pada Umumna, warung pe tentu
jadi ingan perjumpaan Kalak Karo, terutama sitading i Califonia
Selatan. Mon-mon Kalak Karo si erdalan-dalan ku Disney Land tah pe
Holywood, sempat kenna ka singgah.
Bas wari sabtu nderbih, nakan bual pelanggan warung rembang ka kerna
sada berita SIB si rembang ka iposting sembuyak kami MUG i milis-
milis Karo bulan silepus.
"Menarik kuakap belas-belas Pt Theopilus Sinulaki bas SIB piga2 wari
silepus `Guru mbelin aku nina tempulak, kupangiri kam nina man
manuk'. Mbagas perpanna, Uga maka lang, manok pangan tempulak,
bicara uga gia pemangirina, ma nandangi dahupkenna me dungna. " Nina
sekalak merga Simatupang, diberuna br Biring Sinulaki, i Singalor Lau
nari.
"Nasib `manok' tuhu arih, katawari pe igeleh kalak. Sadape agama
lalit si la tengka man dagingna.Kai- kai kenca lakon bas manusia,
ugapa pe manok nge lebe i geleh. Lit sinurun-nurun, manok igeleh,
maba belo selambar, manok simate. Restoran enda gia dahndu tep2 wari
lit idayaken manok., ula kam sangsi manokta enda halal" Nina Ni Tigan
California mancing-mancing bual dingen promosi.
"Egia uga kin antusenna gundang-gundang silih Sinulaki ah nda, aku
dahkam lo kuangka kel. Sijadi penungkunenku, siapai ngenda ndia si
jadi tempulak, siapai sijadi manok? " Nina ka Simatupang ngumputi
ranan"
"E dahkam Tupang, erkiteken sanga melaskensa e sinicakapkenna
kerna `Caleg' ras rayat sirulo, tentu e me maksudna. Lit je
terkandung sada pengharapen gelah min Caleg-calegta ula lit si jadi
tempulak, encage rayat sirulo pe ula ka jadi manokna" Nina ka
sekalak nari temue Karo Mergana dingenna ngkaratken paha manok
goreng, salah sada favorit masakan warung pojok sienggo mulai
terberita (ehm…. promosi sitek, soalna arah tulisen enda sekali man
free)
"Gelah jelas sungkun kena min permilis-milis Karo ena, tah uga nina"
nina ka Nini Tigan California dingen natap ku aku"
"I'oh payo nge kata Karo mergana ena, lanai bo man oraten ku
permilis, labo penting siapai ia si tempulak siapai simanok,
sipenting sada pe min kita ula" nina sekalak nari merga Tarigan,
taren nimai pesanenna ikut ia ercakap.
"E bagenda nge nake, tah apai gia kita i warung enda, gia lit kade-
kadenta caleg i Indonesia, ula sigelut-gelut, Sikubiarken, caleg-
caleg e nge si jadi manok, si jadi tempulakna parpol-parpol"
"Maka bage nindu!!"
"`Guru mbelin aku nina tempulak, kupangiri kam nina man manuk',
balirasna nge, 'Partenta simehantuna, kucaleg ken kam, pedarat
serpindu maka ku koncangken nina perparpol'…hehehe… tah bage ateku…"
Io'oh, bual-bual, ndauh tuhu perdalan ku taneh Obama enda, taneh
Karonta lalap lalupa.
Man Kam permilis, tah tandan kai ku California/Amerika Kam ula kam
lupa singgah ku warung pojok : INDONESIAN FOOD Warung Pojok , 13113
Harbor Blvd, California 92843 (USA). Menu tep2 wari banci i
tungkirkendu ku websitena: http://www.warungpo jokindo.com/
BUJUR, mejuah-juah kita kerina.
