Merenung ka sitik, soal politik
Pemilu legislatif enggo lewat, enggo mbue ka nambah pengalamen ras pelajaren
man banta kerina, termasuk si la beluh erpolitik atau la ikut stress bas
pertarungan politik enda. Man banta si ibas situasi sibagenda tentu lebih
ringan atau lebih tidak stress erbahan analisa politik, tengteng la tengteng,
disukai atau tidak, ’urusan’ hehehe . . .
Tapi la kin lit kepentingenku bas soal politik enda? La ka bo kuakap terkataken
bage, sebab adi secara umum la kuakap isepe bebas bas politik nari, atau menam
banci kang ikataken adi la lit politik ntah lanai ka bo lit kehidupan, atau . .
. la kutteh. Adi i kuta kemulihenta atau Sumut berlaku demokrasi tirani
mayoritas kalak Tapanuli (Batak, Mandailing) bagi si megati kutulisken, jelas
politik ndai kang. Cuma ijenda khusus man kepentingan etnis minoritas, termasuk
kalak Karo i Sumut. Kai pe kemenangenta bas kab Karo, adi i Sumut berlaku denga
tirani mayoritas enda tentu hasilna pasti ka nge labo ndauh bas sigelgel nari,
ertina kalak mayoritas enda DPRD na 80% (2-3 kibul kalak Karo) ras DPD na
100%. Ugapape beluhta atau gangna soranta soal demokrasi liberal barat enda,
tapi bagem kari hasilna (kecuali ada kejadian luar biasa, misalna berkat
pengasihan kalak mayoritas enda, enda termasuk sada kriteria istimewa bas
demokrasi tirani mayoritas).
La aku erpolitik, atau la sibuk bas politik, atau la aku peduli ethnicgroups
self-assertion and struggling for power ninta gia, tapi bagenda me politk si
lit bas kegeluhenta i Sumut. Politik enda la pernah peduliken kita. Arah enda
maka banci kang kuakap ikataken, terpaksa kita nge si peduli politik enda ndai,
sebab kenna kaisna nge kita rusur, peduli atau tak peduli, terutama uga buena
tanehta i asak kalak sejak kemerdekaan. Ibagi bagi Belanda, enca ge iterusken
Orla, misalna Tanehpinem/Tigalingga imasukken ku Taput mbarenda. Deliserdang,
Langkat, ibagi kujah kuje, selain ku Karo. Perpudi, Bangun Purba ibagiken ku
Sergai, ibantu janah iperkeras ka salu kekuasaan Mahkamah Konstitusi. Hebat
memang cara pengasaken pendatang Tapanuli enda. La kuakap lit lawanna seluruh
dunia. Jenda pe berlaku tirani mayoritas adah ndai.
Secara nasional banci kang kita kurang peduli. Engkai kin maka peduli adi
tanehta iasak kalak pe menam sinik saja kita buen (rara pikir sinoria ningku
enggo megati). Tapi timai lebe, kita kapken nai nari pe patriotis nasional
kapken. Banci kang kita lebih peduli soal nasional enda. Sebab adi sambil
ngasak kalak pakai siasat ’satu bangsa’ melala kang kita si percaya. Man kai
kin Karo enda ndai adi lit nasional si lebih penting. Bagi si nai denga sangan
erperang, kai gia gelah ngusir penjajah. Enca penjajah lawes, lain ka si
menjajah. Tapi ’satu nusa satu bangsa’ kapken ninta, maka labo menjajah, tapi
kurang tanah, asak ras bagi bagi . . . . Kerina pendatang ku Kalbar/Kalteng
satu nusa satu bangsa. Perangna pe perang satu nusa satu bangsa kang.
Tranmigrasi masih perlu diteruskan nina Kwik Kian Gie bas tulisenna
sipostingken bang KT. KKG kalak Cnina kapken, la lit daerahna i Indonesia, ia
la etnis asli si lit taneh ulayatna. Untung KKG la jadi
presiden, lang banci la nai kari tersaroi perang etnis enda seluruh
Indonesia. Gia politik ekonomina melala si mehuli.
Perpecahan, polarisasi, penggerupan baru, asyik koalisi dsb, enda me si ’asyik’
ka sanga enda secara nasional (tes-antites-sintes). Cikea kontra Teuku Umar
sambil ngancam boikot pilpres, sada taktik politis, termasuk bagi
jendral-jendral Orba si lanai lit panggung teaterna. PD ’retak’ ras Golkar, bas
Golkar mbelin perjuangan kepentingan perorangan dan etnis, JK orang ’timur’
basisna kalak Sulsel khusus Bugis, Akbar orang ’barat’ basisna kalak Sumatra
khususna kalak Tapanuli. Jenda pe basis etnis ndai kang, tapi nasional. Bas
negeri multi etnis la lit organisasi atau partai kaipe si la terpolarisasi
secara etnis (terang atau gelap, langsung atau tidak langsung). Enda enggo jadi
kesimpulan pengalaman sejarah etnis-etnis dunia, melala ahli si nulisken
kesimpulan. Tapi kita kapken ’satu nusa satu bangsa’, tanehta pe kapken taneh
rasras. Ih . . .
Enda ka lebe renungen minggu enda
Selamat week enda
MUG
__________________________________________________________
Ta semester! - sök efter resor hos Kelkoo.
Jämför pris på flygbiljetter och hotellrum här:
http://www.kelkoo.se/c-169901-resor-biljetter.html?partnerId=96914052
