Mejuah-juah permilis sirulo kerina
Renungan ka sitik
Maun turah kang bas ukurku, ntah enggo me waktuna ngadi nulis soal renungan
enda, nginget piga-piga ka si erkata gelah bahan tindakan nyata, dari pada
renungan saja atau wacana saja. Payo ka nge teku, sebab kai pe si payo, payo ka
lah. Tentu lit kang renungan si payo, gia tetap nge payon adi ibahan bas
tindakan nyata. Kai kin misalna, wacana pemekaran, enggo melala analisa ras
argumentasina, enggo melala ka si percaya alasan ras arguemntasina adah ndai,
tapi uga dage, enda nge ngenca asa lalap?
Reh ka TPK (renungan kang?). Ugakin adi ikombinasiken dua renungan enda ndai?
Banci kin jadi kenyataan? Mungkin kin ibahan kontrak pernyataan ras calon
bupati gelah erbahan TPK pemekaran Karo? Lit kin calon bupati si ngantusi
keharusan ras keuntungan pemekaran Karo man kalak Karo ras daerahna? Kuakap
labo lit, kecuali si enggo terbiasa ngikuti milista ngenca. Adi bage rupana ma
renungan adah ndai ka nge kari ngenca si mungkin banci iterusken ateku ka, atau
tepatna kuterusken.
Bas ’cirem sitik’ tersinget sembuyak Pa Canggah nina "Perlu ampang-ampang si
pagoh gelah ula kita iasak asak kalak pendatang. (E'Eh.. kita enda pendatang ka
kap bas negeri kalak, erban ka teta, uga ka e???)". Piah muat dauhna ka
tangkelenku, jenda me kapken rusur kombinasi pertarungan dua kekuatan
bertentangan, bagi si enggo mekatep sioratken bas milista. Maka ciremta ndai
pasti muat riahna kang. Engkai maka lahang adi pas akupe pendatang kang bas
negeri kalak, bagepe sembuyak pa Canggah. Encage 'erban ka teta' hehehe . . .
Payo tuhu, atau ntah enda nge sifat pendatang umumna? Atau lit kin pendatang si
la bage? Pasti lit kang.
Ku hubungken ka ras ethnic revival kalak Melayu Sumtim i kabupaten Batubara si
mbaru mekar bas Asahan nari. Gemkara mbarenda penggerakna, gundari ketua
Gemkara enggo jadi bupati Batubara, janah enggo ka "berkhianat", lanai nerusken
cita-cita semula Gemkara, lanai nginget putera daerah nina. Gerakan Gemkara
enda ndai kapken mulana gerakan putera daerah Batubara, ertina kalak Melayu
Batubara penduduk asli Batubara. Pisah ndai bas Asahan nari gelah pisah bas
dominasi pendatang nari bas Asahan, sebab Asahan dominasi pendatang Tapanuli,
khususna kalak Tapsel Mandailing. Pas kang bagi Sumut dominasi turun-temurun
kalak Tapsel Mandailing sope reformasi.
Bupati Batubara simbaru terpilih la pang melepaskan cengkeraman pendatang,
dituduh tidak mengutamakan putra daerah. Bas eksekutif buatna melala bas luar
daerah nari, terutama PNS dominasi pendatang, bagepe legislatif dominasi
pendatang. Maka ethnic revival etnis Melayu di Batubara baru tingkat pertama
yaitu pemisahan dari Asahan. Keluar dari dominasi pendatang masih belum
berhasil.
Bas soal enda maka pernah kang turah sada ide 'revolusioner', usul mantan ketua
Pembentukan Kabupaten Batubara dan juga ketua PWI Sumut Muchyan AA nina:
"Kondisi selama ini sangat menyedihkan karena perusahaan di Batubara sering
'meninggalkan' putera daerah Batubara yang secara kualitas keilmuan cukup dapat
diandalkan". Selanjutna nina "jika perlu membuat rancangan peraturan daerah
(ranperda) yang 'revolusioner' dengan mewajibkan perusahaan-perusahaan di
Batubara untuk memperioritaskan putera daerah". Jenda masalah penduduk asli,
pemilik hak ulayat atau istilah praktisnya 'putera daerah'. Semacam "demokrasi
etnis", nai pernah kusingetken bas milista.
Enda me sada ide revolusioner, bupati butuh gigi panjang dan tajam untuk
melaksanakannya dalam kenyataan. Mbera lit ka kari calon gubernur Karo si
ipenna nggedang janah ntelap hehehe . . .
Enda ka lebe
Bujur ras mejuah-juah
MUG
__________________________________________________________
Låna pengar utan säkerhet. Jämför vilkor online hos Kelkoo.
http://www.kelkoo.se/c-100390123-lan-utan-sakerhet.html?partnerId=96915014
