Renungenku ka sitik
Muat lengkapna kuidah ibahan dua gintingmergana enda soal arti seni sitertanam
mbages bas gerak tari Karonta. Enda me kepeken kode kegeluhen kalak Karo ibas
tiap gerakan landek, terutama percibal tan ras gerakenna, nahe, ras takal
bagepe seluruh badan ibas nuriken sora pusuh Karo. Pencerminan atau seni
mencerminkan sora pusuh atau sura-sura sada kultur atau sada etnis atau sada
bangsa ibas gerakan tari, banci ikataken enggo me muat jarangna bas dunia
modern enda. Tapi bas kultur Karo banci nge kuakap ikataken nggeluh denga.
Senembas banci kang ngingetken kita ku gerakan-gerakan bas ballet tradisional.
Maka seh nge ganjangna ras bagesna pengertian seni-kultur-budaya tradisional
siterkandung bas tari Karo enda. Labo kerina kultur atau labo melala kultur
atau etnis si encidahken expressi seni sibagenda rupana, enggo lit nai nari
secara tradisi bagepe nggeluh dengan gundari pe. Je teridah atau tercermin sora
pusuh ras sura-sura kalak Karo ngadapi kegeluhen.
Bage ka pe man anak-anak muda nuduhken persiapan nandangi kegeluhen sejati,
bertanggung jawab, bujur ras mehamat man kerina jelma menurut aturen bas
sangkep nggeluh Karo.
Tapi sada kenyataan emkap enggo muat jarangna kita si metteh expressi seni bas
gerakan tari enda ndai, gia kuakap seh ngenda ergana man banta kerina sebagai
kalak Karo, janah engkai kin maka la secara nasional, janah iajarken secara
nasional. Sada kenyataan nari siman tangkelenta emkap bicara la sibahan kai pe
ngergai seni-budaya enda ndai, piah muat serana ka nge pagi nimai ise
singergaisa. Lang banci kang kuakap iajarken man tiap turis manca negar si reh
ku Karo, jadi hadiah perdalanen man bana mulih ku kutana. Enda sada cara. Enggo
ku idah uga sikap ras pandangan kalak Eropah man tari Karo, terutama pakaian
tradisionalna. Mbue denga harapan pegeluh atau pelestarian seni ’ballet’ Karo
enda ndai. Banci kang imulai iajarken secara serius i sekolah dasar. Atau
engkai kin maka lahang i sekolah menengah?
Enda ka lebe renungenku soal kulturta, expressi landek-Karo enda ndai
Bujur ras mejuah-juah kita kerina
MUG
--- In komunitask...@yahoogroups.com "pa_canggah" <pa_cang...@...> wrote:
Re: Kultur Karo Bas Perlandek Guro-Guro Aron
Mantap,
Teringet ka aku rempet man sembuyakta (ningku senembas) Abangnda Rasido Ginting,
pencipta tari piso surit dll, rumah gugung nari.
Bujur
--- In komunitask...@yahoogroups.com, "itingd" <iti...@...> wrote:
Re: Kultur Karo Bas Perlandek Guro-Guro Aron
Mejuah-juah,
Sitik aku nambahi mbera la encedai nina ukurku khususna man kam sembuyakku Juhar
nari si enggo mereken erti perlandek, enda pe Juhar nari ndai kang tepetenna
kesen Rumah Gugung. Ja kari aku erbelas adi kurang kapndu tengtengna min la
encedai si enggo iturikenndu. ha ha
Teturin kerna perlandek si kueteh janah si kunanami sedekah enda emkap :
1. Makeken uis gara man singuda-nguda ras makeken kampoh man anak perana emkap
ngatakenca maka singuda-nguda ras anak perana si mantek e enggo mbelin janah
enggo beloh ngosei bana.
2. Nahe muit-uit so pe lenga erkata sora gendang emkap ndarami kiniersadan
perlandek saja nge ngenca, segelah ibas mbenai perlandek kari banci ersada
pengendek ras pengole sapih-sapih singuda-nguda bage pe anak perana.
3. Perlandek singuda-nguda 3 pengendek sekali, muat dekahna muat nangkihna tan
si kemuhen e ertina mejingkat erdahin janah rukur metenget ituduhkenna arah
beligan per8ken tan kemuhen e ibahan bagi si njemput.
4. Perlandek anak perana si 2 erbage emkap @ tan si kawes tama ku datas bara ras
tan kemuhen muit-uit i teruh ngatakenca man si enterem maka ia tuhu jelma si
mejingkat dingen ngasup enjuhang, @ tan si kawes ras kemuhen i lebe-lebe tenten
janahna tungkuk ngatakenca maka ia tuhu jelma si mehamat.
5. Gendang salih odak-odak ras patam-patam encidahkensa maka singuda-nguda anak
perana e erguro-guro janahna erkusik-kusik nuriken ukurna dingenna tawa.
Erkiteken si e makana dung kenca kerja tahun guro-guro aron e lit si tumbuk
erdemu bayu perbahan enggo ersada arihna ras impalna. E makana adina lit kalak
erjabu kenca kerja tahun e, ertina SUKSES kerja tahun si enggo ilakoken sapna
lit tanda-tandana alias buah kerja tahun e.
Bagem kuakap sitik kata kubelas kerna teturin kerja tahun ras perlandek kalak
Karo, adina lit kapndu si kurang tengteng min kam ka petengtengsa gelah jumpa si
mehulina. sentabi.
Bujur,
Iyus Anak Sintengah
Pa Kampoh
"Karo Ateta Mari Pesikap Ota Hagaken"
--- In komunitask...@yahoogroups.com, Antoni Ginting <antoni.gint...@...> wrote:
RE: [komunitaskaro] Kultur Karo Bas Perlandek Guro-Guro Aron
Mejuah-juah,
Yak..nggo menda tena tande wari ku ben.....enda denga nge ku eteh ertina tiap
gerak perlandek ta....
Bujur melala Pa.....nggo ka pebetehndu man si nguda enda.
Bujur,
Bp. Ita Ginting
-----Original Message-----
On Behalf Of pa_canggah
Sent: 21 September 2009 7:36
To: komunitask...@yahoogroups.com
Subject: [komunitaskaro] Kultur Karo Bas Perlandek Guro-Guro Aron
Sanga lakon kerja tahun Juhar i Rumah Juhar California piga-piga wari silepas,
iputar me youtube "Kerja Tahun Juhar 2007", sada laguna lagu onggar-onggar.
Jeppp... nina ukur kami sindedah, ate tedeh nandangi kuta kemulihen
ertambah-tambah. Lagu onggar-onggar tempa ngonggar ate tedeh, ngonggar musim
gendang guro-guro jaman siadi. I kesen mbelang rumah berneh, ingan ersurak
ndube, ingan erdaya talah tiga karaben. Io'oh, man kam anak perana
singuda-nguda de lit gendang guro-guro aron i kutanta, ula kam lupa ngundang
kami si tading itaneh perlajangen, gelah teh kami nama pertama. Payo, la pe
kami nama pertama labo la jadi lakon e, tapi ma la ka bo salah de nama pertama
nuate?
Saja lit sada si jadi pekerjaan rumah man bangku, sanga sie lit sinungkun, kai
nge makna kerina perlandek muda-mudi e nina nungkun. Ma dahkam enggo rayong
kel, la pernah kueteh, landek kin pe ningen labo aku beloh. Bage gia erkiteken,
sarudung enggo pantas erdoah, kupala-palai me njabab penungkunen e.
Ku pergermetken perlandek anak perana singuda-nguda ibas youtube e, io'oh mantap
kerina, nambah-nambahi ate tedeh kukuta. Lit piga-piga tahapan bas perlandek e:
Pemena,
Sope landek, singuda-singuda ersikap makeken uis garana. Bage pe anak perana
ersikap ka ia makeken kampoh, ersampan. Kerinana ilakoken itengah-tengah acara,
ilebe-lebe jelma sienterem. Suatu lambang sifat jujur, keterus terangan apa
adanya dikalangan muda-mudi karo. Itulah sada bagin kultur karo ndai, sada sifat
simehuli.
Sora sarune kibot mulai masok ku lagu, endek empat kali singuda-nguda, tan lenga
kemuit, bebas denga tergantung kawis kemuhen. Itatap anak perana kentisik ku
singuda-nguda, janah pesikapna nahe perlandekna.
Maknana?
Singuda-nguda berujar, inilah saya wahai siempat merga, tatap-tatap ula
ndekahsa.
Sudah kulihat wahai adinda nina anak perana, kakinya pun seakan siap melangkah.
Kembali sifat jujur dan keterus terangan mengemuka.
Lagu berlanjut, singuda-nguda mulai bergerak, tangan kiri memegang perut seakan
menjengkali perutnya, sementara tangan kanan bergerak berayun keatas. Tan kawes
anak perana pe manjar-anjar nangkih ku barana, tan kemuhen berayun bebas.
Maknana?
Nina singuda-nguda, enda me beltek sejengkal enda turang siman berendu pagi..
Bage gia ula kam sangsi, ras-ras kita pagi berjuang (dilambangkan oleh tangan
kanan yang bebas). Suatu sifat bahwa wanita karo bukan sekedar bunga sedap
malam, tapi bunga mawar pagar keluarga. Reh nina anak perana erjabab, alu tan
kawes nangkih kubara, jangan kam sangsi dek, akan kupikul semua tanggung jawabku
sebagai lelaki. Lelaki karo memang bertanggung jawab..
Seterusna, tangan singuda-ngudapun pelan-pelan naik ke kepalanya, seakan
menjunjung sesuatu.
Diikuti tangan siperjaka dengan tangan berkembang sejajar dikiri kanan seakan
ingin memeluk.
Maknana, kalau begitu bang, kujujung kel kam, kam kel pagi jadi takal rumahta.
Ngaloi si anak perana, ade bage kin kepe adek sayang, mari, mari ras kita, ota
kita ku kantor pengulu. (dilambangkan oleh tangan mengembang seakan ingin
memeluk dan kakipun seakan melangkah mengikuti irama lagu)
Maka tangan singuda-nguda pun berayun kebawah berganti posisi, seakan mengatakan
makana enggo salang sai ukur nibaba. Lagu berlanjut, posisi tangan berulang
sekali lagi.
Bagenda me aku erjabab man sinungkun, alu kesimpulen makana kultur karo antara
lain memang ditandai oleh sifat kejujuran, sifat keterus terangan, dan
bertanggung jawab. Jadi sifat korupsi, sifat politik maus-maus dan sejenisnya,
bukanlah sifat Orang Karo (kecuali kalo terpaksa...hehehe...erjagar sitek le...)
Enda ka lebe sitek, taren-taren nimai renungen taneh Volvo nari, tambahi kena
anak muda.
Bujur, salam guro-guro
__________________________________________________________
Ta semester! - sök efter resor hos Kelkoo.
Jämför pris på flygbiljetter och hotellrum här:
http://www.kelkoo.se/c-169901-resor-biljetter.html?partnerId=96914052
