RENUNGAN MINGGU 47
Mejuah-juah permilis sirulo
Minggu enda meriah siakap ndedah youtube, tari Karo Taiwan nari. Nonton
semangat tinggi Karo Enda Ndai, bagi sinambah semangat ka siakap man banta,
bageme kuakap. Engkai maka lahang adi enda me pertama jah nari, inisiatif
piga-piga kibul Karo sijah. Teringet ka ku kalak Karo Belanda, mancarken sinar
ketteng-ketteng ku mata dunia, ketteng-ketteng si enggo jarang i Karo pe. Ma
semangat ndai kang jenda pe kuncina teku.
Enggo ka lit facebook sarjana Karo nina Robert Ginting. Semangat ndai kang.
Enda pe permulaan simehuli, terutama ijenda mengenai organisasi sarjana, ertina
lit atau erat hubungenna ras masa depan alias perkembangan. Pemuda, mahasiswa,
sarjana tetap pegang pranan penting ibas perkembangan sosial/masyarakat. Bage
me enggo rusur bas sejarah pe. Nina " . . . group enda tujunna membangun opini,
gagasan, kreatifitas, kritikan membangun si itujukan man pemeriintah kita gelah
tambah jilena pembangunan man kalak karo . . ." Sangat strategis.
Era sope reformasi adi ibandingken ras gundari (jangka waktu10 tahun) enggo
melala perubahen bas Karo (ethnic/cultural revival dunia). Enggo kita pang
kulebe atas dasar Karo, kimbangken amak man kundulenta itengah lapangan
internasional atau nasional. Ma enggo me lit teridah nangat perubahan enda
ndai. Lanai lit sinutupi mergana atau ngubah gelarna tanpa merga adi
ibandingken ras era Orba. Jelas enggo melala perubahan.
Perubahan, perkembangan, perubahan, perkembangan . . .
Lit kin simenentang perubahan ras perkembangan enda? Adi la lit tentangan atau
penentang ma cepat nge berubah janah berkembang . . . ateta tempa. Adi lit atau
muat kuatna tentangan ma muat serana erbahan perubahan/perkembangan? Nina ka
bas ukurta. Tapi ula kita lupa, kontradiksi ndai tetap nge tenaga penggerak.
Maka tepat ka nge adi penggerak tari Karo Taiwan enda (BHTRG ras 2 temanna)
nina, "Semangat gelah banci ersada ukur guna ngelitken acara enda memang adi i
ukuri mberat kin" nina. Payo kel, enda me rusur siman 'kebiaren' kalak Karo bas
inisiatif kaipe, nai nari bagepe asa gundari, tapi nina nambahken "tapi adi
idalanken kepeken labo mberat". Payo kin bage? Ja nari kin reh pemetteh enda
maka enda lanai bo mberat adi idalanken? Aku pe labo kuangkai. . . . tapi
pernyataan adah ndai mantap kuakap. Man ukurenta kerina kita, tapi samar-samar
enggo me kuakap kerina kita bagi si ndat kesimpulan arah pengalamenta. Soal
perukuren ras soal praktek. Ukurken atau dalanken, atau dalanken sambil rukur
dan terus ngukurken proses perkembangenna. Jenda me kuakap enggo idat kalak
Karo Taiwan adah ndai kiatna bas penampilan internasional adah ndai.
Perukurenta sebagai kalak Karo la pernah sada, nai nari pe, bas zaman sinoria
pe, sada tandana emkap sebab kalak Karo nge si enggo ndekah ngantusi ras
nganalisa dialektika pemikiran bagepe dialektika alam. Enggo mekatep kutulisken
contohna. Bas pemikiran: Seh sura-sura tangkel sinanggel nina Karo sinoria.
Enda me kapken tes-antites-syntes sejati, ertina proses perubahan ras
perkembangan segi-segi yang bertentangan dalam pikiran. Enda buktina, pemikiren
sibagenda enggo lit bas Karo ndauh sope Hegel erbahan perumusenna si igelarina
tes-antites-syntes.
Bas dialektika alam, soal lau (sungai): aras jadi namo, namo jadi aras, nina
Karo sinoria, bas tradisi pemikiran Yunani kuno Panta Rei, penemuan Heraklitos.
Maka nina kalak Barat, Panta Rei Heraklitos enda penemuan pertama dialektika,
sebab Karo lenga lit sinandaisa. Encage bas soal aras jadi namo, namo jadi aras
jelas kang pentrapan konkret teori negasi dari negasi simbaru denga itulis
Engels bas bukuna Dialektika Alam (1883). Pendapat kalak Barat soal penemuan
pertama dialektika, man banta tetap meragukan, sebab labo mungkin nini-nininta
kalak Karo sinoria sekolah dialektika ku Yunani kuno sangana zaman Heraklitos,
atau ku Jerman sangana zaman Hegel atau zaman Engels, tapi bas Karo enggo
lengkap, ertina bas proses pemikiran bagepe bas proses alam. Patut kin kita
bangga?
Perukurenta sebagai kalak Karo la pernah sada ningku ndai idatas. Pertama
perbahan cara pikir dialektis adah ndai nai nari. Sidebanna, perlu kin sada
perukuren bagi doktrin fasis? Ise kari sierbahan inisiatif, ise si erbahan
kreasi? Tapi gerakan serentak atas dasar perukuren sierbage-bage adah ndai,
enda nge siperlu, janah enggo kuakap si dat kiatna, nai nari pe (peranan
positif manusia). Ku inget nai sangana erbahan saluren air ku salah sada kuta i
Karo Dairi, rontang bas runggun e, melala perukuren, melala ka si mengejutkan,
sada pe la seri gia banci terjadi lit si seri (relatif). Encage idalanken
rasras, lau ndai enggo jadi pancur kuta . . . . . asa gundari. Io oh,
dialektika Karo ndai teku . . . gundari.
Megiken runggun Karo megati kang bagi sipicet ukurta. Mekatep kang sitembehen
atau siruntusen perbahan beda pendapat. Perkembangenna gundari emkap muat
ganjangna pemahamenta soal kontradiksi, muat kurangna ka sitembehen atau
silaperkuanen adah ndai, terutama sesuai ka ras dasar dialektika adah ndai, si
asal usulna pertama bas Karo, atau bas Karo enggo lit dari zaman ke zaman.
Dasarta berkembang ras mengembangkan terus dialektika enda ndai enggo lit,
janah kuat, bas perukuren bagepe bas alam.
Bas soal grup baru Facebook "Mari kita ersada muat bagiin bas grup enda . .
. " nina Robert Ginting. Labo ersada bas ukur, tapi ersada muat bagin bas grup
adah ndai. Bagenda me perumusan sicocokna teku, ukur iperluas terbagi-bagi,
erbage-bage, gelah mencakup mbue soal, janah bas gerakan iserentakken. Muat
bagin enda ndai, ertina aksi, e me si enggo pasti erbahan perubahan. Payo kel.
Enggo lit visi, enggo lit misi, maka seh ku simuat bagin adah ndai, persoalen
praktis si hakiki. Bas melala pengalamen si enggo lit-litna, bas organisasi
tertentu termasuk partai politik, soal enda pe ketatkel ngikuti proses secara
dialektis, ertina la erngadi ngadi 'jatuh bangun' atau ngikuti hukum perubahen
tes-antites-syntes Hegel, atau proses seh sura-sura tangkel sinanggel. Mulana
mungkin melala si muat bagin, kari kurang ka, kedun tambah ka, atau tahun sireh
banci ka masap kerina. Dasarna tetap nge erbage-bage pikiran adah ndai, labo
sada pikiran, ertina mekatep kang
lit pikiran oposisi bertentangan secara total bertendensi saling menghancurkan
(enda pe biasa nge), kontradiksi sudah mencapai puncak. Hasilna terjadi
perpisahan atau perpecahan si la terhindarkan. Tapi jenda nari mekatep ka reh
kemungkinan atau sering muncul kemungkinan mengubah sinegatif jadi positif,
ijenda syntes + peranan positif manusia, si memungkinkan kelahiran kwalitas
lebih tinggi atau jauh lebih baik dari semula, gia harus ngikuti prosesna
secara seksama, ertina banci menghasilkan pelajaren ras pengalamen berguna je
nari.
Kai gia sibahan, enca enggo lit ide atau gagasan, ras jelma sierbahansa.
Encage tingkat berikutna erbahan gagasan untuk menggerakkan dilapangan, enda la
kalah pentingna, atau syarat utama ka maka banci lit gerakan atau aksi muat
bagin adah ndai. Mungkin ide si perpudi enda nge si terpenting. Ide atau
gagasan untuk bisa mulai menggerakkan dilapangan, sebab jenda me mulai
tentangan (oposisi) atau permulaan tantangan, bagi ibahan Karo Taiwan adah
ndai. Janah jenda ka me kuakap kari permulaan 'simeriahna' atau salin kata
BHTRG 'mberat kin' sebab ijenda ka me kari mulai dialektika Karo adah ndai
encidahken bana pertama kali.
"Ucapan selamat ras salut reh ibas teman2 internasional nari, nina if konser
musik laik mozart or china orkestra adalah biasa nina, tapi dance berpasangan
dan berinteraksi sesama pasangan adalah tidak biasa, sangat menarik dan
menyenangkan. " itulis BHTRG. Ijenda dua soal berseberangan, atau dua macam
perkembangan dunia musik dari dunia berlainan. Musik klasik Mozart atau
orkestra China dan musik tradisional Karo. Bas aku pernah lit tersura sada
kemungkinan perkembangan musik, si sesuai ka ras perumusan sada proses
dialektis, emkap both/and. Perubahan dan Perkembangan enda ndai. Berlakukan
perubahan dan perkembangan sada sisi saja atau both/and.
Mekatep kubegi berita soal pelajar musik dari Jepang disekolah tinggi musik
Swedia. Kalak enda ngembangken sada ciptaan musik si la mungkin ibahan kalak
Swedia/Eropah atau bagepe la mungkin ibahan kalak Jepang saja. Tapi mugkin
ibahan kalak Jepang si erlajar musik barat i Swedia atau i Eropah umumna.
Keindahanna luar biasa janah disenangi orang Eropah maupun orang Jepang. Turah
bas ukurku, Ih . . . engkai kin maka la lit pemuda musik Karo si erlajar musik
ku Eropah? Pasti akan membawa suatu kreasi yang sangat menarik bagi Karo maupun
Eropah. Expresi erbage-bage perasaan dalam musik (tanpa kata) bas kerina musik
ciptaan pemusik besar barat la teraguken keindahanna. Karo si terkenal
berperasaan (halus) dan mendalam. Si Mulih Karaben atau Ula Aku Gelangken bas
klasik Mozart!
Luar biasa. Eak . . . .ja kam ndai kerina sierjabaten ena?
Perubahan enda ndai, perkembangan enda ndai . . .
Mungkin kin sikembangken terus dialektika Karo enda ndai terutama bas praktek?
Arapenku muat belinna janah muat deherna.
Enda ka lebe sitik refleksi minggu enda.
Selamat week end.
MUG
--
__________________________________________________________
Låna pengar utan säkerhet. Jämför vilkor online hos Kelkoo.
http://www.kelkoo.se/c-100390123-lan-utan-sakerhet.html?partnerId=96915014
