Dua wari silewat aku nonton acara Oprah Show ibas MetroTV, ija ibas acara e ibahas mengenai buku si judulna emakapken "The Secret". Coba-coba ndarami artikel arah internet mengenai buku "The Screet" enda ndai kepeken beredarna tahun 2006. (Baci kataken aku enggo ndauh ketadingen mengenai buku enda ndai, sebab aku 2 wari silewat denga nge kuteh lit buku enda, epe arah acara Oprah Show).
Gia enggo agak ketadingen sitik informasi soal buku The Scret enda ndai, tapi mungkin lit kang permilis si bali bagi aku, ija selama enda lenga meteh kerna buku The Screet, maka ibas kesempaten enda kucubaken ka ateku mereken informasi sitik mengenai buku si mungkin lit manfaatna ibas kegeluhenta sekalak-sekalak. Menurut artikel wikipedia, Buku The Screet emakapken salah sada buku terlaris ibas tahun 2006, buku enda itulis Rhonda Byrne. Janah pe adi menurut wikipedia nari buku enda enggo pernah ifilmken sebelum bukuna irilis. Kai kin isi ibas buku enda ndai, adi nina arah wikipedia emekapken buku siisina mengajak pembaca untuk berfikir positif, janah aru berfikiran secara positif kari banci ndatken hasil si ngubah kegeluhen baik ibas meningkatken kebayaken, kesehaten, rikutken ras kemalemen ate entah pe kebahagiaan. Buku enda pe adi menurut wikipedia pernah ndatken kritik ibas jelma sienterem nari, sebab icurigai buku sesat, rikut banci mensesatken si ngogesa kerna klaim kesuksesen banci idatken arah cara berfikiran positif saja si ikira labo cukup guna ndatkensa. Aminna gia lit kontroversi ibas kehadiren buku enda ndai, bagi permilis siapai pe la erkendobahen, si atendu ncubaken ngoge buku enda, maka arah hasil ndarami bukuna arah google, maka kepeken enggo lit buku entah pe ebook versi si terjemahken kubahasa Indonesia, ija alamatna banci langsung iklik ndu http://madurejo.files.wordpress.com/2008/01/thesecretverind.pdf Salam Mejuah Juah Karo Cyber Community
