Dedikasi Menam la erngadi-ngadi mentas bas ukurku istilah dedikasi enda, uga pengertinta janah pelaksananna bas praktek, atau ntah labo lit pengertian enda bas bahasa Karo atau bagepe bahasa Indonesia? Dedikasi sekalak pahlawan ngepkep negerina, atau dedikasi kalak ilmu pengetahuan ngepkep sada pemeteh simbaru atau penemuan baru (kam si sangana erbahan sada riset tertentu dikalangan para Ilmuanta kalak Karo). Kiras Bangun atau Datuk Sunggal Surbakti terus berjuang dan bertempur sampai akhir lanai ia ngasup atau mate ditawan atau dibunuh penjajah. Soekarno ibas perjuangan kemerdekaan negerinta, terus la erleja-leja tekun ngayak tercapai kemerdekaan. Ibas perjuangan politik gundari, istilah dedikasi enda bagi tempa lanai berarti. La nai siangkai uga sekalak presiden, atau menteri atau gubernur atau bupati ber dedikasi enca terpilih. Sope lenga terpilih seh sibukna, semacam dedikasi untuk rakyat. Tapi enca seh mencapai kedudukan adah ndai, enggo mis lain pengetian dedikasi rakyat ndai. Dedikasina atau usahana enggo berubah jadi 'ddp' (dedikasi duit pribadi) atau uga mempertahankan kursi gelah lebih aman, gia labo lit atau jarang si mungkin ngusiksa selama periode jabatan, + ugaka maka banci terpilih kedua kalina. Tempana enggo iprogram bas otak elit politisinta enda, enca terpilih dedikasina cuma man kepentingan pribadi atau keluarga saja, tempa lanai lit sitikpe hubungenna ras nasib rakyat. Menurut pengertinta semula, jabatan atau keduduken si iperjuangken adah ndai emkap alat atau tempat atau wewenang melaksanakan tugas (dedikasi) man jelma sienterem. Asa gundari pe mamang denga nge ateku engkai maka menam kerina politisi enda ndai salah program otakna. La kin mungkin lit program-otak (soft- ware) si ndarami jabatan untuk tempat atau alat untuk melaksanakan dedikasi man rakyat/negeri bagi zaman sinai? Lenga lahir jelmana? Atau la lit visi/misina si enggo itetapken jadi tujuanna? 'Studi-banding' mekatep sibegi, atau mekatepsa. Masuk bas dedikasi ndai kin enda ndia? Enda ka sitik man refleksi tangkelenku ibas minggu pewalohken enda, uga riahna ras jilena pagi negerinta atau Karonta adi dedikasi enda ndai lanai 'ddp'. Terpaksa kin ngerinta ngelewati proses enda? Mejuah-juah kita kerina MUG
__________________________________________________ Använder du Yahoo!? Är du trött på spam? Yahoo! E-post har det bästa spamskyddet som finns http://se.mail.yahoo.com
