Mejuah Juah Kila Situhuna labo lupa sibiak permen, rikut pe sibiak si erlaki, si ermama bagekape si erpabapa kila, tapi enda kap ken nina sibiasa tersinget ibas kuan-kuan arah kutanta adah, emekapken lupa taren ngingetsa nina kila. he..he..he
Rigut pe salam sukses kila ibas runggu-runggu ndu si ilaksanaken ras pe kade-kadenta kerina si tergabung ibas Karo Amerika. Mbelin arapenta gelahna arah runggu enda pepagi erdalan salu mehuli lalit alang abatna rikut pe hasilna baci ka bali bagi siniarapken. Salam Mejuah Juah Karo Cyber Community --- On Sat, 5/29/10, Pa Canggah <[email protected]> wrote: From: Pa Canggah <[email protected]> Subject: [komunitaskaro] Taren ercormin, nahe lalap la jingkang… To: [email protected], [email protected], [email protected] Date: Saturday, May 29, 2010, 2:55 PM Mejuah-juah, La igejap, menam sada bulan la menggep bas jambur milis, menam sada bulan la naldok keyboard computer. Melala tulisen merandal mentasen bage-bage saja alu la ter oge bas katikana. Lit kerna erga sinuan-sinuan la mbera mehuli, dalan erlubang, pilkade-kade, sarjana nganggor, ras bagepe berita-berita nasional, dunia rsd, rsd. Ah..melala ka kin tuhu siman cakapenken, man orat-oratenken de muat simehuli ate ari? Ku germetti sada-sadai tulisen simentas, terarap bas pusuh, lit me kari sinulu-nulu aku ateku, ndarami bapana sierbapa, ndarami mamana siermama, ndarami lakina si erlaki, ndarami bengkilana si erbengkila. Ea’ah sada kel keppe lolit si tersungkun nulu-nulu kecibalen parang mbelin la galang enda. Bage kin de tua-tua lanai ripen la metempas nina senembas ukur la tengka. Piah la kugejap, ercormin aku natap-natap ayo ndaram-ndarami cumik daging. Eh.., bagi sigel-gel denga keppe, la metempas, melala rengget-renget bas ayo ras kerahong, balosam lolit si ermediate me?. Ercormin, natap-natap ayo nibaba, ndaram-ndarami cumik daging, kepeken la saja kesemalen singuda-nguda mbaru mberkat, tapi pe enggo ngelangketi jelma sinterem. Anak sekolah, kalak pantas, kalak pentar, S1, S2, kerinana enggo ilangketi kesemalen ercormin. De S3 uga? La terturiken, melalasa S3 nganggor, ma piah ercormin ka me ia rusur? Egia ula silap, S3 ningku e balirasna me ras Sd, Slp, Sla, ma enterem dage singanggor? Sentabi ma’ap man kam sitergelar S3. Dung ercormin, erbanding-banding mbandingken ras kade-kade sebaleng. Kalak me rusur si mejilena, kalak me rusur sipantasna. De kalak ah jago ka kin, melala kalak erpangkatna, bage me rusur terbegi sora-sora lepas. Lang setuhuna kalak siapai kin enda lit si sempurna babo doni kibul enda. Kalak mbentar jago ningen, tapi melala kang ia jadi tukang mindo-mindo, gelandangen rsd, rsd. Teman sebalengta tuhu enterem jago, tapi ula silap kalak enda pe enterem kang singemo-ngemo ngenca dahinna i jumanta. Penggaya ercormin natap ayo nibaba, teridah me tuhu kerina cumik-cumik daging ras kekurangenta. Kekurangen-kekurang en si nimai nahe perjuangen ertingkah lako pehulisa, ula sempat taren ercormin piah gumeling wari nahe perjuangen lalap jingkang. Puji Dibata, nahe perjuangen kepeken enggo njingkangken bana. Mari runggu kita gia runggu primitif ndarami langkah pejore kutanta nina bebere kami Kikin. Mari sipersada pirak ras benggolta lako nongkut-nongkut rumah adat sienggo male nina Sanggar Seni Tinuang erkelangken anak kami Juara. Rikut pe langlah-langah strategy pejoreken Karo sendapuren enggo melala ibelasken permilis. Kerinana saling melengkapi, sipentar beloh rukur nganalisa ras ngerumusken strategy, si meliar bas lapangen ndalanken langkah perjuangen, lalit sijulu-julun, kerinana sada tujun. Io’oh surung me jore makmur Karo Sendapuren ndai me…. “Eah laki!, kai dage siman runggunken nindu ndai, ngerana dage kam, ula kam ercromin silalap” Eh, oe me, bujur pu… Bulan sireh lit perjumpaen rutin Karo Amerika irumah bere-bere kami Michael Sembiring i Lakewood Los Angeles California, ije pagi adi lit kesempaten ibenaken me ate runggu, ndaram2i dalan kujore, pesalang-salang rungga-rungga la tengka, man pejoreken kalakta. Mbera ula cakap ngenca me? De runggu ercakap kin, ma bage… Payo ningkena min. Mejuah-kuah kita kerina
