 |
|
Misanvu mutale kitaawe wa maj. Kakooza Mutale
yeezinga ku kabulangiti akalimu ebituli ate wansi, akayumba Mzee
Misanvu Mutale mw�asula. |
Bya Tom Mutebi
ONO ye Brazito Misanvu Mutale, kitaawe wa Maj.
Roland Kakooza Mutale omuwabuzi wa Pulezidenti ku byobufuzi!!
Bw�ebaayo akyayimba nti �okuzaala kujaagaana� genda weebuuzeeko ku
muzeeyi Misanvu ajja kukuttottolera ggeyeena y�okuzaala.
Mwavu
nnyo ne bw�omusuulira embwa temulya, asula ku kafaliso akasembayo okubeera
akatono k�assa ku katanda ak�ekyuma ak�abaana abato! Bwe nnamukyalidde e
Buloba ku luguudo lw�e Mityana nnamusanze ayambaddeko ssaati yokka,
yeezinze ku buliri ng�eggongolo, yeekamirira ekikopo kya caayi omukalu
ataliiimu ssukaali n�ebiwayi bya muwogo ng�amansddeko omunnyu.
Ggwe muzeeyi Misanvu?, bwe nnamubuuzizza n�anziramu nti, � Ye nze
ssebo!� Ko nze nti, �Nedda, ntegeeza muzeeyi Misanvu, kitaawe wa Kakooza
Mutale�
Yasoose n�antunuulira enkakaba ng�alagirira omusota n�anyeenya
omutwe, olwo n�asekamu amanakunaku n�ang�amba nti, �Huu, nze mmuzaala era
ye mutabani wange omukulu. Mwana wange bwoya, wa mu ntumbwe...�
Muzeeyi Misanvu mumanyifu nnyo e Buloba. Ku myaka 83 gy�alina
y�omu ku bataka baakwo. Era buli gwe nnabuuzizza okundagirira w�abeera
ng�ambuuza nti �ogamba ono kitaawe wa Kakooza Mutale?�
Wabula
bw�obuuza ebisingako awo n�embeera gy�alimu bonna beemulula nga musota ne
bamalamu omusulo! Kino nnakikoze ku bantu nga mukaaga okutuusa owa
bodaboda omu bwe yang�ambye nti �Ho, oyagala omusajja atugajambule
ng�ategedde nti ffe twayogedde ku mpisa ze?�
Misanvu abeera mu
nnyumba ya busitoowa, ya bisenge bisatu. Ewuwe waliwo emimwanyi mingi era
bw�oba oli muyise oyinza okulowooza nti ennyumba ye kifulukwa. Awaka
wazise, asula na minya era singa bakubikira nti ekiwuka kyamulumye
teweewuunya.
Mwavu lunkupe, gwe bayita empongabyoya! Talina
yadde akakoko akatakula. Ekibanja kye yakitundako ebiseera ebyo, era
eyagula azimba ennyumba tennaggwa. Mulirwana we amwesudde mita nga 500 .
�Nnoonya baguzi bajje ntunde ku kibanja kyange nnerongoose naye
buli omu bw�akimanya nti nze nzaala Kakooza Mutale tadda. Balowooza nti
ajja kubakuba kibooko n�ekibanja akibaggyeko. Ndabye kuba nja kufa bubi
nga nneezinze. Waakiri singa bantutte mu nkambi z�abanoonya obubudamu ne
nfiira eyo tekisingako?� bwe yambuuzizza.
Embeera ya muzeeyi
Misanvu aginyumya bwati: Nasomako okutuuka mu Junior II ensimbi ne zibula
ne ng�enda mu Bazungu ne banjigiriza okuddaabiriza minzaani .
Nakolerako mu kitongole kya minzaani n�ebipimo okumala emyaka
mwenda. Eno gye nnava ne ng�enda e Nakasero mu Bazungu abalala ne
banjigiriza okutabula n�okusiiga langi.
Omulimu guno ngukoze
ekiseera ky�obulamu bwange ekisinga obunene . Kyokka mu kiseera kino
kyonna emirimu nnagigattangako okulima. Nnalina ssamba y�emwanyi nnene
nnyo, era muno mwe nnaggyanga ensimbi enzimbeezaawo wamu n�abomu maka
gange .
Amaanyi bwe gaagenda gakeewa ne ntandika okukolera ku
ttendekero ly�abasomesa e Buloba .
Nnakoleranga ku kontulakita,
nga nsiiga langi ebizimbe by�essomero ate nga mu biseera byange
eby�eddembe abantu b�oku kyalo mbasiigira amayumba gaabwe.
Olutalo
lw�ekiyeekera bwe lwaggwa mutabani wange Kakooza Mutale yajja n�angamba
nti yali amaze okufuna ensimbi ezigenda okunnyimirizaawo .
Yandagira eby�okukola mbiveeko, n�angamba emmwanyi zonna tuzisaawe
kubanga zaali zigudde akatale tusimbe olusuku kubanga amatooke gaali ku
ttunzi.
Nneesunga nange okwesiimako, eby�okukola ne mbivaako
kyokka nga mmaze n�okusaawa emmwanyi zange laba embeera by�ekyuka.
Omwana yagaana okundabirira.
Ensonga nnazitwala mu kakiiko
k�ekyalo, kyokka Kakooza Mutale olwamuyita olukiiko yaluleetera
ab�emmundu. Ab�akakiiko ensonga baazivaako nga batya okufiira obwemage. Bo
balowooza nti buli alina emmundu atta bantu!Nze ssaamuloopa lwa kugaana
kundabirira.
Nnamuloopa lwa kugaana omukulu w�ettendekero ly�e
Buloba okuddamu okunsasula ng�amumatizza nti ye alina ssente ezindabirira.
Ekirala nnamuloopa lwa kundyekadyeka n�ansaayisa emmwanyi zange ezaali
zimbeezaawo.
Bino by�ebiseera ebyali wakati wa 1993 ne 1994.
Olukiiko lwa LCI bwe lwalemwa ne nsalawo ensonga nzitwale mu kkooti kyokka
nalaba nti omwana wange kijja kumuyisa bubi olw�obuvunanyizibwa bw�alina
mu ggwanga.Nnalowooza nti bbwa ddene ligambwako nnyiniryo.
Nneesitula ne ng�enda ewa Pulezidenti Museveni ne ndooba omulenzi
oyo. Yambuuza nti, �ggwe ozaala Kakooza Mutale?�. Bwe nnakkiriza omukulu
yagaana okukakasa kino n�ang�amba nzireyo ndeete obujulizi,
Kakooza
olwamanya nti mmuloopye ewa mukama we, era nti ng�enda kuddayo ewa
Museveni nga ndi ne nnyina yatuyungulira abajaasi abayitirivu obungi
n�angamba nti singa nsala ekubbo okugenda ewa Museveni nnali nja kwejjusa.
Nze nnakiwakanya, kyokka mukyala wange bwe tuzaal omwana oyo gwe
twalina okugendayo okuwaayo obujulizi mukazi wattu yatya. Yang�amba nti �
Nedda, nze sijja kugendayo.
Omwana ayinza okunkola ekizibu.
Sifaayo ka nfiire mu bunaku...!�
Pulezidenti nnamulaba, n�ampaayo ku
ssente (tazoogera muwendo) era embeera yange yalongookamu.
Yang�aana okuddayo okwogera ku Kakooza Mutale, nti ye ajja
kumukolako. Oluvannyuma ng�ansiibula yankwasa minisita Muluuri Mukasa
n�amulagira anzimbire ennyumba eno. Yamugamba era ampenga ebintu bye
nneetaaga mu bulamu . Kyokka minisita olwamala okunzimbira akayumba kano
ensonga zange yazikwasa musajja we ayitibwa Kamya akola ku by�ensimbi.
Kale bwe ng�endayo oluusi ampaayo 10,000/- oba emitwalo esatu.
Kati mmaze kumpi mwaka mulamba nga n�ekikumi sikiraba.
Omulundi
ogwasembayo Kamya okujja wano yandagira nteekeko abapakasi bannimire wano
wonna.
Baapatana okukolera emitwalo ena n�okutuusa kati siddangayo
kumulaba. Luli bwe nnagengayo ng�angamba nti mukama we yagaana okuddamu
okumpa ensimbi kyokka teyambuulira nsonga. Nze muli ndowooza nti omulenzi
oyo Kakooza Mutale ye yabagaana okunnyamba.
Ku Ssande nnalabye
olumbe lunjiisizza kwe kusalawo okwekolera ekirango. Nze nnabikidde mukulu
wange Kaziro ne Kaayabula mutabani waffe.
Kyokka ssanduuke bwe
baagireese ate bazze mu kunvuma nti nnebise! Maj. Mutale yagambye ng�ayita
mu mwogezi we Mw. Kyeswa nti ebya kitaawe
tebimukwatako! |
