[Ugnet] The anatomy of the GF caper in Luganda vernacular

[musamize]

Apologies to non-Luganda speakers on the forum. This news article spells out clearly and explicit the way in which PMU officials and associates used to to swiddle the GF money meant to fight TB, Malaria and HIV/AIDS  -- a growth or cottage industry of sorts involving persons in the highest levels of government. (Apparently such persons might have been left "out of the loop" on this particular caper, hence the abundance of info about it, but that is another story).

 

Anyway the method was to simply setup sham NGOs -- in some cases brifcase entities without so much as a physical address --, and then fill them with their relatives, concubines friends and other associates; end then direct millions towards them. If you think those fancy houses and limos you see in Kampala come from clean money in the midst of a non-functioning economy, you have another think coming!

 

Always ask the question that was posed to Muhwezi during his parliamentary censure: Mulwana has a factory that manufactures this and that, but where do you get the money to buy all these properties?

 

Per Deep Throat: Just follow the money! Hopefully sceptics like Mr. WBK will also be able to see what the entire sees.

 

 

Abanene abaalya eza siriimu babaanise

 

Bya Ahmed Mukiibi ne Angel Lubowa

 

KKAMPUNI z’abanene mu gavumenti abaalya obuwumbi 80 ezaali ez’eddagala ly’abalwadde ba siriimu zaanikiddwa.

 

Abagezigezi bano basoose kutondawo bibiina by’obwannakyewa eby’ekimpatiiira ne babissaamu ab’enganda ne mikwano gyabwe oluvannyuma ne babisemba mu gavumenti okufuna ssente okulwanyisa siriimu, omusujja gw’ensiri n’akafuba.

 

Abalala bo tebaamaze biseera kutondawo bibiina wabula ssente baaziridde butereevu nga bayita mu kuginga lisiiti ez’enjawulo omuli eza wooteri, ez’amakampuni agapangisa mmotoka gattako emikono, n’ebiwandiiko ebirala ne bafunirako ssente ez’obwereere.

 

Bino biri mu lipoota ey’emiko 121 ababazi b’ebitabo abali ku mutindo gw’ensi yonna aba Pricewaterhouse Coopers kye baakoze oluvannyuma lw’okulondoola ensimbi ddoola obukadde 45 (eza Uganda 80,000,000,000/-) ezibadde zaakaweebwa Uganda okuva mu nsawo y’ensi yonna eya Global Fund okulwanyisa siriimu, omusujja n’akafuba.

 

Ssente endala 210,651,550 aba Pricewaterhouse Coopers baazudde zaasaasaanyizibwa ku bintu ebitalina kakwate na kulwanyisa Siriimu, mussujja oba kafuba .

 

Okugeza waliwo ezisoba mu bukadde 39 ezaaweebwa akulira ebyobujjanjabi mu ggwanga Polof. Omaswa okwetaba mu nkung’aana e Norway, Amerika, Bufaransa, Switzerland ne Rochester. Endala obukadde 12 zaaweebwa Muky. Catherine Omaswa okugenda mu musomo mu Amerika.

 

Waliwo obukadde 120 ezaasasulwa ensako y’abakungu mukaaga ba Minisitule ey’ebyobulamu ate obukadde 19 zaabwe omuwandiisi ow’enkalakkalira owa Minisitule ey’ebyobulamu okulambula emirimu gya Minisitule eno.

 

Obukadde bubiri zaweebwa abakozi b’ekitongokle kya Project Monitoring Unit (PMU) ng’ensako ya Ssekukulu, ate 4,873, 392 aba PMU baazeeyambisa okupangisa ennyonyi okutambuza abagenyi baabwe mu Arua. Ssente endala 949,500 zeeyambisibwa okukyaza abakungu ba Minisitule ey’ebyobulamu eya Rwanda are 8,459,200 zeeyambisibwa okukyaza abakugu mu by’obulamu okuva mu Thailand.

 

Ebibiina by’obwannakyewa 23 bye byatondeddwawo mu ngeri ey’ekimpatiira era Pricewaterhouse Coopers baagambye byamu kikapu kubanga tebirina biwandiiko bibyogerako.

 

Ebimu ku bibiina bino mulimu Kifamba Zukuka HIV Prevention Project , Buruli Anti Aids Crusade, Kira Youth Action, Kitimbwa Medico Society, Ngabo Development Association, African Families Support Organization, Association of Wakiso Women, Campus Alliance to wipe out Aids n’ebirala.

 

Ebibiina ebirala mwenda byo byewandiisizza nga bimaze kuweebwa ku ssente ez’okulwanyisa siriimu. Mu bino mulimu Kyengera Women Against Aids, Bunyole Women’s Association , Youth Talkie Magazine n’ebirala.

 

Essomero ly’abakungu b’e Mmengo erya Data Mine lipoota egamba nti baalemwa okulaga ensaasaanya y’obukadde 32 ku nsimbi zino ezaabaweebwa okusomesa abalwadde ba siriimu.

 

Wabula Matthias Mpuga alikulira yategeezezza nti abaakoze okunoonyereza tebaatunuulidde biwandiiko byonna.

“Ssente zonna twazikoleredde bwe twatabadde mu Kisenyi, Mulago, Katanga n’ewalala. Ekibi bannaffe abanoonyereza tebalinze kwebuuza ku bakungu ba minisitule be baabadde babuulirizako abandibadde babalaga ebiwandiiko kwe twakolera era kino si bwe kikolebwa mu kunoonyereza,” bwe yategeezezza.

 

Lipoota egamba nti kkampuni z’emmotoka abakungu ba gavumenti ze bategeezezza nti zabamazeko ssente mpitirivu teziriiyo.

“Essimu ya maneja nnanyini mmotoka ze bapangisa obuwanana bwe yakubiddwa ate yagambye nti mwana wa ssomero atagulanga yadde akagaali ka maanyi ga kifuba era ne wooteeri ez’ebbeeyi ze bagamba nti bazisulamu e Luweero ne Kiboga za mpewo,” ekiwandiiko bwe kisoma.

 

Bukedde: Wednesday, 31st August, 2005

__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com

_______________________________________________
Ugandanet mailing list
Ugandanet@kym.net
http://kym.net/mailman/listinfo/ugandanet
% UGANDANET is generously hosted by INFOCOM http://www.infocom.co.ug/