|
Satyaki teh sareng Burisrawa estu musuh bubuyutan
pisan . Ari alatan pangna ieu dua Raja mumusuhan , lantaran masalah Putri . Eta
Putri teh tos dijodokeun ku ramana ka Ramana Burisrawa , tapi ku margi ieu Putri
teh saleresna mah tos kagungan kikindeuwan , nya eta Satyajid ti Lesanpura ;
atuh der wae ieu Putri teh kakaburan , ampir dipergasa paksa pirusa ku para
Denawa di hiji leuweung , untungna bae Satyajid kabujeng sumping , nya atuh
tarung ragot pisan , dugi ka para rota Denawa teh dibasmi sadayana ku ieu
Satyajid , nya dicandak ka Lesanpura . Atuh guyur , dugi ka perang pisan antawis
Ramana Burisrawa sareng Satyajid . Akhirna ieu Putri teh disatujuan oge ku ibu
ramana , nikah ka Satyajid . Nya ti harita Kulawarga Burisrawa neuteuli ka
kulawarga Satyajid .NYa nikah ka Putri sanes deui , kagungan putra , Burisrawa
.
Saparantos Burisrawa janten Raja , di na yuswa 20
taunan , kakara Satyajid kagungan Putra istri , nya eta Satyaboma , nu engkena
ditikah ku Kresna ti Dwaraka . Sataun ti harita kagungan deui putra , kakasihna
Satyaki tea .
Waktos Satyaki janten Prabu Anom , Aria Satyaki ,
sering ditangtang gelut patutunggalan sareng Burisrawa . Di na perang panah
Satyaki rada unggul , kitu deui dina gelut teu nganggo pakarang , lantaran
Satyaki kesit pisan . Tapi di na ngulinkeun pedang , Satyaki ampir ampiran
lastari ku Burisrawa . Akhirna ieu mumusuhan teh , ampir ngajadikeun perang
nagara lawan nagara . Ku margi Yudhistira tos diangkat janten Raja di Raja ,
sedengkeun Satyaki kacida nyobat dalitna ka Arjuna , atuh Burisrawa teh , ti
harita mah pes wae teu wani wani nyisikudi ka Lesanpura . Tapi saparantosna
Pandawa dihukum kedah leuleuweungan , ti harita sering pisan Lesanpura diganggu
ku pasukan Burisrawa , lantaran Burisrawa teh nyobat dalit pisan sareng Prabu
Duryodhana , jadi wani pisan ayeuna mah . Satyaki ampir ampiran ngerahkeun
balatentara Lesanpura keur males pati ka na kalakuan nu ngahina ti Burisrawa ,
untung dipeper ku Kresna , lantaran upami tea mah Satyaki nekad , tangtos ajurna
, lantaran kapan Burisrawa mah dibela ku Astina , Nagara anu sakitu gedena ,
balatentara pang samaktana ; teu acan deuih dibela ku Balarama rakana Kresna ti
Madura . Atuh Satyaki teh najan keuheul jeung mentegeg oge kapaksa ari ka Kresna
mah nurut . Keun cenah engke mun aya perang gede , tah didinya Sayaki bakal bisa
males pati .
Tah kitu riwayatna , nu mawi Satyaki sanget nya
palay pisan ningali ayana Perang BharataYudha teh .
Atuh di na waktosna aya uleman mepek balad , Satyki
pisan anu pang payunna nuju ka Matswapati kalawan jigrah , ku seneng senengna
Peperangan bakal ngajadi .
Hanca
Abbas Amien
Komunitas UrangSunda --> http://www.UrangSunda.or.id
Yahoo! Groups Links
|
