|
Sinigeug nu nuju milampah mepek balad , Duryodhana
, masing haroream oge kapaksa angkat nyalira ka Dwarawati , bade ngangkir Kresna
tea , anu engkena bade teras ka Mandura ngulem Baladewa atanapai Balarama .Teu
kanggo pangawal kantenan ari pasukan mah .
Duryodhana nganggo kareta , bari samakta ku
pakarang , lantaran perjalanan ka Dwarawati teh sanes caket , ber wae eta kareta
teh mani laju , dikusiran ku kusir nu memang kapercayaan ti Prabu Anom
Duryodhana .
Cag tunda nu nuju milampah perjalanan , kocapkeun
di hiji leuweung antara Astina sareng Dwarawati teh aya Begal kalawan koncodna
aya ka na 50 urang mah . Saha wae nu ngaliwat ka eta leuweung , pasti dipegat ku
eta Begal , menta dunya brana , mun teu mikeun ulah sambat kanuaya tangtu
ditelasan . Biasana ari ka Para Pangeran mah tara wanieun ieu begal teh ,
lantaran kapan Pangran mah sok mamawa Prajurit nu samakta ku pakarang ,
maranehanan nyumput di nu buni .
Tah waktu harita Prabu Anom Suyudhana ngalankung ka
eta leuweung , para begal caruringhak ; ti kajauhan maranehanan awas aya kareta
kacida agrengna , tangtu jelema beunghar , loba dunya brana yeuh cek pikir eta
begal teh ; tah atuh barang Pangeran Duryodhana ngalangkung ka eta tempat , bruk
wae aya kai ngahalangan jalan pisan , kudana mani ngajerete ; enggal wae Prabu
Anom Suyudhana luncat ti na kareta . Teras nmbalan ka begal nu harita maraju
ngaronom bari ngamang ngamang pedang :"Heh andika sakabehna ! Naon sababna
andika megat jalan Kami ?!"
"Hahahahaahha , ieu jelema sigana geus bosen hirup
, wawanian nanya ka Kaula ! yeuh dengekeun ku sampeyan .
Ieu Kaula Jugala Kapala Begal di ieu leuweung ,
sing saha wae nu wani ngaliwat ka ieu leuweung kudu masrahkan sagala banda nu
dibawa , jeung karetana sakalian !"
Jaya Bang Winga winga , Prabu Anom Suyudhana
kalintang benduna , saliana ngagidir , enggal nyarios mani tarik pisan :" Eh
para begal ! Bisi maraneh kasamaran , nya Kaula ieu Prabu Anom Duryodhana !
Geuwat maraneh menta ampun , mungkin ku Kaula bakal ditimbang , ti na hukuman
pati !"
Rada kaget oge Ki Jugala , tapi di na pikirna moal
enya wae Prabu Anom Duryodhana anu sakitu dihormat ku sa Hindustan , bakal indit
sosoranganan ; ah ieu mah aku aku angga we nyingsieunan meureun , Kitu pikiran
eta kapala Begal , terus males nyentak :"Maneh Duryodhana , atawa Suyudhana ,
kuring teu paduli , nu penting tinggalkeun kareta , jeung dunya brana , jung wae
maneh salamet ."
Ngadangu kasuran nu kasar kitu , teu tata pasini
deui Prabu Anom Duryodhana nyandak gadana ngan sakilat ki Jugala teu bisa nakis
nakis acan , langsung paragat nyawana sapada harita , polona moncrot kaluar
!
Para begal nu sejenna kageteun , teu tata pasini
deui rob wae ngahurup ; tapi Duryodhana teu gimir , teras cangcut tali wanda ;
barang heak heak gada diteunggeuelkeun ; lima begal maot sapisan ; anu sejenna
lalumpat ; terus ti kajauhan mentangkeun panah ; atuh rikat Duryodhana oge
nyandak gondewa ; ngan sakilat sakilat eta rampok diperenan ' sesana nu 5 deui
bari wer wer kiih ceurik ampun ampunan , yen ayeuna mah percaya yen maranehanana
teh nuju mayunan Pangeran Duryodhana ; akhirna Duryodhana leler napsuna teras
miwarang eta nu lima begal ngaberesihan jalan ; nya ku margi gurung gusuh dius
wae Duryodhana majeng deui nuju ka Dwarawati .
Hanca
Komunitas UrangSunda --> http://www.UrangSunda.or.id
Yahoo! Groups Links
|
