[UrangSunda] Memeh Baharata Yudha - 17

[Abbas Amin]

Ieu ngintun teh tetap di na posisi noemail . Kang Eko , kang Yaya , upami katampi enggal ngawartosan .   Arjuna enggalna ngandika :"Rama Bargawa , ayeuna meunang Kaula ngaliwat ?"   Rama Bargawa nimbalan :"Eeh , kacida teu ngartina andika , Arjuna ! Lamun Kaula can pejah mah , moal bisa sampeyan ngaliwat ka ieu jalan !"   "Memang sampeyan can lastarai , Rama Bargawa . Tapi sampeyan geus eleh di na tarung panah jeung diri Kaula ."   "Hahahahaha , pedah kaula ka panah ku andika ? Tuh tenjo digibrigkeun oge clak clik !" Nyariosna kitu teh Rama Bargawa bari ngagibrigkeun salirana , atuh panah nu narancep teh lalesot , murak ka na lemah .   "Hahahahaha , Rama Bargawa , Rama Bargawa , naha sampeyan teu ningali , eta Suyudhana tos ngaliwat , ku andika teu yasa kahalangan , hartina sampeyan geus eleh di na ieu perang , nu matak ayeuna mah Kaula rek ngaliwat , poma ulah ngahalangan , sabab bisa bae engke aya deui nu ngaliwat ka dieu , hayoh bae megatan Kaula mah , mana kaasilan sampeyan ?"   Ku cariosan Arjuna sakitu teh , Rama Bargawa teu sasauran , ngan melengek bae , nya akhirna mah Arjuna diidinan liwat .   Bingaaaaah Amarwata suuuta ............. bingah na ka Giri giri .......... Oooooooo ............... Arjuna kaaaton .   Samemeh Arjuna neraskeun lampahna , anjeunna ngahormat heula ka ang Resi , lajeng wae Sng Resi Rama Bargawa ngandika :" Arjuna , deudeuh hidep teh sinatriya Utama , teu weleh aya di na tata titi kasopanan , heug ku Kaula diduakeun mudah mudahan sing Jaya dina satiap peperangan . Kahade engke mun panggih jeung murid Kaula Ki Aradea , kudu ati ati ."   "Nuhun pisan Rama Bargawa ." saparantos nyarios kitu enggalna Arjuna miwarang ka kusir neraskeun perjalanan , kitu deui kusir karetana Duryodhana nuturkeun pandeuri .   Masing leres oge ka na Kareta , tapi Duryodhana tos ti payun , bari mapatkeun ajian , atuh Arjuna teh masih geseh saeutik ti Duryodhana , nu tos melesat nuju ka karaton Prabu Bhatara Kresna ; teu aya nu wantun ngahalangan , ku margi sadaya Senapati Dwarawati tos tererangeun ka Duryodhana , sareng Arjuna ; atuh gampil pisan ieu dua sinatriya teh lebet ka Kamer pribadi Kresna , ti payun Duryodhana , Arjuna mah nuturkeun wae pandeuri .   arang lebet ka ieu kamer , nyata Raja Dwarawati teh nuju kulem , pameunteuna katingal hegar marahmay , lambey semu imut ; enggal wae Duryodhana rerrencepan nempatkeun anjeunna disapungkureun mastakana Kresna . Ari Arjuna , ngelehan maneh di na caket sampeyan Kresna .    Lami ieu nu kulem teu gugah gugah , enggalna wae Arjuna sareng Duryodhana mapatkeun ajian , kanggo ngagugahkeun Kresna .   Enggalna wae Kresna gugah . Barang nguliat katingal Arjuna caket sampeyana , enggal wae ngandika :"Heheheheh , bagea Arjuna , iraha kadieu ?" Samemeh Arjuna ngawaleran , Suyudhana enggal motong :"Ieu Kaula oge Suyudhana , aya didieu , ti tatadi nunguan sampeyan lugay ."   "Eeeladalah , kutan aya Prabu Anom Suyudhana ? Alah ieu teh aya bagja naon ? nepi ka dua gegedug Pandawa lan Kurawa kadarieu ?"   Suyudhana teu masihan kasempetan ka Arjuna , enggal wae mayunan ngandika :Kieu ieu teh Kresna , sampeyan jeung Kaula teh geus lila aya hubungan , sampeyan teh keur diri Kaula mah estu sarua jeung dulur pet ku hinis wee ; lain nu sejen . Tah ku sabab ayeuna Kurawa arek Perang gede ngalawan Pandawa , mangka ayeuna Kaula ngabutuhkeun pisan pang rojong ti andika . Jadi Kaula ka dieu teh taya lian rek minang sraya , supaya sampean daek mantuan Kurawa keur ngalawan urang Pandawa .Kitu maksud Kaula teh ."   "Eueueuh kaharti ari kitu mah . Tah ari ieu Arjuna rek naon sameyan datang ka dieu ?"   "Nya kaula oge sami sareng kakang Duryodhana , neda pitulung sareng pangrojong ti sampeyan ."   "Hahahahahaha , aya ku kataji ku omongan Arjuna . Kapan sampeyan rek perang ngalawan Kurawa nu diluluguan ku Duryodhana ? Naha masih ngaakangkeun keneh geuning ? Atuh perang jeung dulur nya ?"   "Sadaya daya , da sanes Pandawa anu menta , eta mah kumaha Kakang Duryodhana bae ."   "Eeh ! Kurang ajar maneh Arjuna ! naha make nyalahkeun ka kami ? kapan kulantaran hayang ngarebut Astina kalawan maksa , maneh jadi nangtang perang ka kami ? Naha make diputer balik ?" Suyudhana nambalang mani sewot .   Samemeh Arjuna ngawaleran , tos dipotong ku Kresna ..........   Hanca   Abbas Amien Komunitas UrangSunda --> http://www.UrangSunda.or.id Yahoo! Groups Sponsor ADVERTISEMENT Yahoo! Groups Links To visit your group on the web, go to: http://groups.yahoo.com/group/urangsunda/   To unsubscribe from this group, send an email to: [EMAIL PROTECTED]   Your use of Yahoo! Groups is subject to the Yahoo! Terms of Service.