Malem Minggu nu anyar kaliwat, budak teh sarena rada leuir da lalajo TV karesepna, kuring lalajo digigireunana, bari ngobrol jeung manehna, ngobrol teh make basa Indonesia, kuring asa kaingetan di imah asa loba buku basa Sunda, atuh kuring ge kacida nyaahna kana basa Sunda, da sasatna kuring digedekeun teh ku basa Sunda, ku indung sapopoe dipuji, digeunggeureuhkeun, dihulag, diwejang kabeh ge ku basa Sunda. Sedengkeun kuring jeung budak naha bet gorgar ku basa Indonesia, harita kuring nyieun hiji perjanjian jeung budak yen lamun ngomong jeung kuring, Bapana, kudu make basa Sunda, lamun henteu didengda kudu nyanyi sabisana (budak teh sigana teu bakat kana nyanyi, jadi didengda teh ku pagawean anu pang teudipikaresepna), kitu deui kuring ge kudu hangaleuang (sarua kuring ge teu bisa nyanyi, mending keneh dititah lumpat ngurilingan ember tibatan dititah nyanyi). Budak nyatujuan kana ieu perjanjian. Ti mimiti poe minggu geus make basa Sunda, boh kuring boh budak, sok ati-ati, da sieun didenda, ti harita nepi ka poe ayeuna can aya kasalahan make basa Indonesia. Ari jeung indungna mah bebas naha rek make basa Indonesia naha basa Sunda kuma karepna we.
MSasmita ------------------------ Yahoo! Groups Sponsor --------------------~--> Yahoo! Domains - Claim yours for only $14.70 http://us.click.yahoo.com/Z1wmxD/DREIAA/yQLSAA/0EHolB/TM --------------------------------------------------------------------~-> Komunitas UrangSunda --> http://www.UrangSunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
