[Urang Sunda] Sajak Sonten

[Wawan Setyawan]

KUDU KUMAHA   Mimitina tina simpe Ngalempreh dina tungtung hate Mepende... ngaharewos meuni jentre..   Lumantungna anjeun dina hate kuring Ngajolelat kawas kilat tengah peuting Mo bisa dihalangan Sanaos ngan sakedapan   Mimitina tina sora... Anjeun anu mokaha... Mawa sirep ajen wiwaha... Nepika kuring teu walakaya..   Geulis... Seredetna hate kuring Nalika anjeun ngaharewos Muringkakna punduk kula... Nalika anjeun medarkeun wakca kacinta... Geterna jajantung nu ratug tutunggulan Nalika anjeun jentre mere hate...   Katresna anjeun... Katresna kuring... Kereteg anjeun... Kereteg kuring... Hate anjeun.. Hate kuring..   Tapi  geulis... naha kieu teh bet kakara ayeuna..?   Tujuh taun kalangkung... Waktu kuring nyorangan lalagasan.. Biheung anjeun daek dideukeutan..   Tujuh taun kalangkung... Waktu kuring can rimbitan... Biheung anjeun aya rasa kawas ayeuna   Geulis... jungjunan hate... Hampura... kuring teu walakaya... nandang kanyaah jeung asih kasalira... tapi palias sanes kedahna... lantaran ayeuna kuring tos aya nuboga...   Geulis... Bogoh mah keukeuh Nyaah mah lunggah dina hate... kawas caah Tapi naha anjeun teh teu tibaheula...   Nyerina karaos ngurihit dina ati... Nyelekit ngancik mawa kasakit.. Tapi teu kendat cumarita... Waktos emut kana carita baheula...   Jungjunan katresna... nu baheula kantos jadi rasa Nu lumpat tina udagan kanyaah wanci harita.. Tujuh taun kangkung...   Kiwari ngajirim jadi hiji wanoja sakti.. Nu baris babakti kasalaki... Tapi kedah kumaha... Kapan kuring tos aya nuboga... Hiji wanoja nu ti saprak harita kersa diajak malarat rosa.. Sanajan wanci eta lain cinta nu cumarita... Tapi kaasih anjeuna mepende hate nu simpe Rakacakna rasa harita...diubaran kuanjeuna...   Hampura geulis... hampura... Kuring teu walakaya...     Wa1, Bogor 27 July 2004 Komunitas Urang Sunda --> http://www.Urang-Sunda.or.id Yahoo! Groups Sponsor ADVERTISEMENT Yahoo! Groups Links To visit your group on the web, go to: http://groups.yahoo.com/group/urangsunda/   To unsubscribe from this group, send an email to: [EMAIL PROTECTED]   Your use of Yahoo! Groups is subject to the Yahoo! Terms of Service.