enya, baheula, basa samingguan deui rek sidang sarjana,1994, si kuring mulang heula ka lembur. menta du'a ti indung bapa. tapi masih keneh geumpeur. padahal sidangna oge samingguan deui. sugan kudu ditambahan du'ana ku para bibi jeung mamang. nya leumpang ka lemburna di suku gunung syawal.
leumpang ti lembur ngaler. ka lembur aki-nini ti bapa, terus ngaler deui, dibaturan ku adi sorangan jeung adi anak bibi, terus ngaler deui, beuki lila beuki nanjak. teu bebekelan ilaharna nu rek naek gunung. leumpang mapay-mapay lamping (kaki gunung). aya lamping lewang, ngan ukur sameteran titincakan teh, mun aya angin ngagelebug, komo mun make telebugna, lamping teh eundeur. suku ki adi mah pinuh ku lentah, atuh leumpang teh teu bisa tereh, da nyabutan heula lentah nu napel na suku manehna.rada lila nepi ka puncak gunung syawal teh, da bari nenjo pamandangan nu endah pisan jeung kakakara kaalaman. ari gunung syawal, dempet jeung gunung bongkok, teh lebahna di tengah kabupaten ciamis. beh kidul, cikoneng, kidul ngetan, ciamis, wetan, kawali, kaler panjalu. turun pasosore, nepi ka pangrumasan, lembur pangtonggohna ti arah desa sukajaya-gunungcupu. nepi ka imah deui peuting. basa mandi, leungeun karasa pareurih, urut kakeset ku eurih jeung dangdaunan sejenna nu kaliwatan muka jalan ka puncak gunung syawal. isukna, balik ka bandung bari mawa hate teuneung ludeung siap sidang! enyaan, jadi teu geumpeur deui. geocities.com/mangjamal ------------------------ Yahoo! Groups Sponsor --------------------~--> $9.95 domain names from Yahoo!. Register anything. http://us.click.yahoo.com/J8kdrA/y20IAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
