Kang Kandar, Leres Teh Ully Sigar Rusyadi teh ageung pisan perhatosanna ka leuweung urang. Alhamdulillah sim kuring kantos tepang sareng anjeunna di bumina, di wewengkon Cibeureum-Cimahi, Bandung, tos ampir sataun kapengker. Malah harita teh Teh (emh mani nga-"eteh"- keun nya) Paramita Rusyadi (leres kitu nyeratna ieu teh? punten)si bentang sinetron sohor oge nuju aya di dinya. Kang Nana Munajat, ahli ngibing dosen SMKI, anu nepangkeun sareng ngajak nganjang ka anjeunna teh. Hanjakal Neng Mita teh teu kungsi ngelol ka ruang tamu...hehehe, namung sanes ku eta kaayaan simpe mah Kang (nyelang heula ngawalonan Teh Nia).
Kang Kandar, sayaktosna heuteu sakedik somah balarea atawa cacah kuricakan urang anu haat merhatoskeun leuweung. Nyakitu lah ari bentang mah apan sok jadi bahan beja anu haneut, heunteu siga somah. Dina pagempungan 2 minggon kapengker di BPLHD, hadir anggota- anggota masyarakat anu salami ieu kalintang ageung perhatosanna kana kaayaan leuweung urang kalawan prak-prakanna sakamampuna, sakadugana, sewang-sewangan. Sajabi ti Teh Ully, golongan anu kalebet "bentang" atawa inohong anu merhatoskeun leuweung teh diantarana: DPLKTS (diluluguan Kang Mubiar, caleg utusan daerah tea) sareng "KL45" (kelompok anu bajoang sangkan kawasan lindung di Tatar Sunda teh 45% tina legana lahan di tatar Sunda sagemblengna (diluluguan ku Kang Yus Ruslan (inohong anu ti payun mimpin midamel skenario Tatar Sunda 2010). Dina dua golongan eta, sakumaha kapireungeuh dina pagempungan kamari, nya barentes pisan sora-sora anggota masyarakat ti "pasisian" anu salami ieu icikibung miara leuweung kalawan kaayaan anu samporet bari jeung mindeng kahengker ku kawijakan pamarentah anu heunteu "kondusif". Sok sanaja kitu, ide-ide aranjeunna kalintang nyongcolangna, bengras, sareng "straight to the point". Maklum bijil tina sungapan anu heunteu kagiridig ku ririwa sabangsa kaproyekan, jsb. Kang Kandar, cag heula, keun Insya Aloh kapayun urang ngadadarkeun kaayaan leuweung urang, sabaraha jumlah lahan leuweung urang anu rusak, kamana kacondongan pamarentah jabar (gubernur) ayeuna dina urusan ngokolakeun leuweung, jeung naon bae ide-ide anu tegep ti masyarakat keur ngusahakeun sangkan "jati ulah kasilih ku junti" dina urusan ngokolakeun leuweung, kalebet usulan "Ngahejokeun Leuweung" ku mateakeun budaya ti Kang MGT, jsb. Baktosna, manAR --- In [EMAIL PROTECTED], "kumincir" <[EMAIL PROTECTED]> wrote: > Mama, perkawis "perleuweungan" tea, kuring jadi inget ka Ully Sigar. Salira > ge tangtos uninga, anjeunna teh salasawios aktivis nu seueur ketakna dina > masalah lingkungan, kalebet perleuweungan. Kumaha tah, kantos teu kontak > sareng anjeunna? > > isk > > ------------------------ Yahoo! Groups Sponsor --------------------~--> $9.95 domain names from Yahoo!. Register anything. http://us.click.yahoo.com/J8kdrA/y20IAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
