Waktu nungguan pesawat, di ruang tunggu Bandara El Tari Kupang, pangangguran kuring jeung babaturan lungak-longok ka toko souvenir. Lain rek meuli, hayang nyaho we, jeung tamba kesel deuih. Lolobana nu dipajang di toko teh songket hasil tenun urang NTT nu memang loba motifna. Keur alak-ilik we, waktu babaturan noel ka kuring bari nunjuk ka barang nu bentukna ....hehehe...diteges-teges teh, patung "kagungan lalaki nu nuju tandang", ageungna saageung luludek (mutu kanggo ngarendos) didamelna tina keramik. Aya sababarha hiji, warnana rupa-rupa. Kuring bati hookeun, da asa acan kantos ningali barang nu bentukna kitu dijual sacara "terbuka" di Tempat umum di Indonesia. Babaturan kuring mah sonagar, eta patung teh dicokot, terus ngagorowok ka nu jaga toko: "Embak, ini barang buat apa?", cenah bari terus diusapan. "Tempat lada, Pak, kerajinan dari Bali", ceuk si "Embak" teh bari gancangan ngajauhan, terus nyempod di juru jiga nu sieuneun ditanya kateterusan. Nempo kalakuan nu ngajual, kuring jadi surti, nu ngajualna wae ngarasa "risih" ku eta barang. Karunya puguh oge ka si "embak" nu dipaksa ku "boss"na kudu ngajual barang nu teu "dipikaresep" ku manehna ....hehehe. "Seni yah Embak?", ceuk kuring teh, si Embak teu nembalan, jiga nu bingung keneh, "Berapa harganya?" "Tujuh puluh lima ribu pak, satu!" Mahal geuning, jeung kacida teuing kudu meuli "tempat pedes" nu bentukna jiga kitu mah. Ngan ras jadi inget waktu keur mahasiswa keneh, dongeng dosen agama Islam nu nyaritakeun kumaha riweuhna dosen Etika Agama (kristen), ngayakinkeun mahasiswina ti jurusan Seni rupa (Jurusanana MJ ...hehehehe) supaya ulah ngotot ngilu mamerkeun karyana, nyaeta patung "kagungan lalaki nuju tandang" di acara pameran patung di kampus. Si Mahasiswi nyebut eta lain pornografi, tapi seni!, si dosen nyebut seni oge kudu disaluyukeun jeung etika /kasopanan, ulah sangeunahna. Duanana pada ngotot, duka mana nu meunang, hilap deui dongengna. Tapi di Bandara Kupang katingalina mah pamandegan si Mahasiswi nu meunang!
WALUYA ------------------------ Yahoo! Groups Sponsor --------------------~--> Make a clean sweep of pop-up ads. Yahoo! Companion Toolbar. Now with Pop-Up Blocker. Get it for free! http://us.click.yahoo.com/L5YrjA/eSIIAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
