[Urang Sunda] Melang

[syam ridwan]

Ceu Odah teu genah hate basa aya beja di Batawi keur usum bom deui. Ngarasa melang ka salakina lantaran geus tilu bulan teu beja teu carita. Biasana unggal malem saptu sok nguruyung kalembur bari jeung rarebo kukasono rangkibung ku rasa rindu. Keur baluweng kitu ras manehna inget ka si Abah Burahol anu kasohor weruh sadurung winarah saciduh metu saucap nyata. Sugan we cenah si abah bisa dipuntangan tulung ceuk pamikirna.   " Naon pamaksadan salira bet nepungan ka abah ?" tanya si abah, biwirna semu kumetap  ningali pangawakan ceu Odah anu  sakitu seksina. " Numawi abah....tebih tebih kadieu sanes jabung tambuh laku sanes tanpa seja, nanging bade  nyuhunkeun pitulung,mananawian,da abah mah tos kaceluk weruh sadurung winarah !" ceuk ceu Odah, mimiti ngabejakeun pamaksudanana. " Sok bejer beaskeun ulah ringrang ulah hariwang,ulah era era ka abah mah !" " Numawi abah..abdi teh gaduh pameget tapi tos tilu sasih teu aya emol emol...teu aya beja teu carita,sanes nanaon hariwang ma'lum ayeuna teh dipanyabaanana nuju usum bom !" " Oh kitu...ke atuh wang tarekahan  ku abah!" Tembal si abah bari terus nyadiakeun cai  dina baskom, sungutna kunyam kunyem mapatkeun jampe pamake, kumisna anu baplang milu unggut unggutan kawas hurang kasaatan. " Ke..ke...ari salaki nyai teh kumisan kitu ?" tanya si abah " Leres abah...leres kumisan..duh waas ku kumisna we..tos lami teu kuruyad kereyed kana pipi abdi !" " Coba geura tingali ku nyai naha bener ieu teh salaki nyai ?" ceuk si abah bari ngasongkeun baskom anu dieusian cai herang. " Euleuh etah si nurustunjung ngeunah-ngeunah we...make lelendean sagala..saha eta teh nu gigireunana abah ?"  tanya ceu Odah bari ngeupeul ngeupeul leungeuna. " Mun percaya mah eta teh maru nyai !" " Baruk...maru !? paingan atuh ari maru mah dipelong dina baskom bet ngajebian !" " Terus ayeuna nek kumaha?" " Matak kitu ge salaki abdi teh geus teu cinta deui,teu sudi ari kudu dicandung mah. Ayeuna mah kieu we bah, raheut ku lalaki cenah ubarna kulalaki deui,cik atuh pangtoongkeun sugan we aya gantina kanggo abdi...!" " Heug atuh ari kitu mah..wang tarekahan deui !" ceuk si abah bari kunyam kunyem deui,terus melong kana baskom. " Nyi tinggali geura tos ngelemeng dina cai raray pijodoeun nyai !" " Mana bah... kawas Adam Jordan atawa kawas Jeremy Thomas ?" " Tingali we !" si abah bari tetep manco kana baskom. " Geuning ...eta mah siga kalangkang raray abah !" " Ceuk abah ge tong tebih tebih teuing milari gantina nyi....abah ge puguh keur neangan gantina si ambu ieu teh !" (SR) Komunitas Urang Sunda --> http://www.Urang-Sunda.or.id Yahoo! Groups Sponsor ADVERTISEMENT Yahoo! Groups Links To visit your group on the web, go to: http://groups.yahoo.com/group/urangsunda/   To unsubscribe from this group, send an email to: [EMAIL PROTECTED]   Your use of Yahoo! Groups is subject to the Yahoo! Terms of Service.