Re: [Urang Sunda] nepangan baraya .kang Eman

[Eman Abdurahman]

Nuhun teh Lies, sim kuring ge teu tiasa unggal dinten ngalongokan bakus teh da namina ge nyambi ...   Abdi di France mung dua taun satengah antawis taun 91-94. Satengah taun diajar bahasa di Nancy (caket Strassbourg, wates Jerman), sataun di Orsay (Paris kidul) teras sataun panungtung di Marseille, disakolakeun ku BPPT nu kapungkur mah bosna masih pak Habibie.   Ayeuna mah tos di pakulian deui, di Cilegon, Banten, caket Selat Sunda kl. Upami ti Jakarta mah sajam satengah ngangge kendaraan darat. Upami ti Sumatera (Lampung) kl. sajam satengah ngangge kendaraan laut. Punten kantos ngangkat janten 'jubir', heureuy eta mah teh, pedah dikawitan ku kang Murdi.   Leres pisan teh Lies seueur pisan gogodana saum di nagara nu muslimna minoritas mah karaos pisan ku pribados. Sajabi ti lingkungan non muslim teh gogoda alam deuih sapertos waktos nu panjang sareng panas. Mugi-mugi teh Lilies dipasihan kakiatan kanggo mayunanana. Amin.   Didinya oge seueur urang Arab francophone ? (leres ejaanna?)   Wassalam, Eman   ----- Original Message ----- From: LILIS lilies To: [EMAIL PROTECTED] Sent: Friday, October 15, 2004 9:34 AM Subject: Re: [Urang Sunda] nepangan baraya .kang Eman Aya kang Eman, kumaha damang kang? tos lami tara kapendak. Abdi nembe wangsul ti ibu kota,nembe tiasa noongan deui lembur ayeuna,wilujeng ngajalankeun ibadah saum kanggo kang Eman oge kasadayana baraya babakan kusnet. Kanggo kang Murdi abdi ngabantun oleh-oleh jadwal puasa ti Asociation Musulman upami kang Murdi peryogi ku abdi dijaprikeun.Kang Eman sasih saum didieumah kedah kiat pisan gogodana soalna nagarana nagara non muslim anu umat Islamna tiasa kaetang ku jari .Masjid ngan aya hiji-hijina di ibu kota anu jarakna ti abdi 45 menit nganggo pesawat.Kajabi tiap-tiap sasih saum pasti nincak dina musim panas, siangna panjang sareng panas pisan. Kang Eman ari saleresna linggih dimana ayeuna kang Eman teh da ari manawi abdi mah kang Eman linggih di France?   Wassalam, lilis   Komunitas Urang Sunda --> http://www.Urang-Sunda.or.id Yahoo! Groups Sponsor ADVERTISEMENT Yahoo! Groups Links To visit your group on the web, go to: http://groups.yahoo.com/group/urangsunda/   To unsubscribe from this group, send an email to: [EMAIL PROTECTED]   Your use of Yahoo! Groups is subject to the Yahoo! Terms of Service.