RE: [Urang Sunda] Balantik buku

Wed, 06 Oct 2004 21:30:06 -0700

Haturan Ua.....
Ani resep maosan dongen Ua nu bade balantik buku, mugi-mugi we atuh rencana teh dilancarkeun ku Alloh teu aya halangan nanaon, oge Ua teu ngaraos senggah ngemutan kumaha pangeusi toko teh. Dupi pasar buku suci teh anu di PHH mustafa tea sanes nya ?
Panginten toko buku Ua mah benten sareng toko buku nu sanesna, kumargi eusina sakumplit kahoyong Ua, nu rada unik biasana pangawisna sok arawis, ditambih deui di tempat sanes teu aya, janten mugia untungna rada mucekil sanaos kuantiti kaicalna teu sabaraha, kumargi langkina barang teh apanan biasana langkung awis ngagaleuhna. Da ari numutkeun kana rumus hukum dagang nyaeta nyayogikeun naon anu dipikaresep ku pembaca mah apanan toko buku kitu teh tos pabalatax.
 

neng an..

-----Original Message-----
From: MSasmita [mailto:[EMAIL PROTECTED]
Sent: Wednesday, October 06, 2004 9:51 PM
To: [EMAIL PROTECTED]
Subject: [Urang Sunda] Balantik buku

Insya Alloh tinekanan, taun hareup kuring hayang muka kios buku, Alhamdulillah ari kiosna mah geus aya, nyewa tilu tauneun, tempatna di pasar buku Suci.
Nu bingung teh eusina,... kumaha..?
Minggu kamari kuring ngahaja ulin ka unggal toko buku, nu diteangan teh lain bukuna wungkul tapi sabaraha kortingna, geus puguh ari ditoko gede mah euweuh pisan korting, sanggeus ngabanding-banding nya kuring teh balanja ka toko Ultimus di Karapitan, buku anu dipilih teh buku-buku humaniora, aya kana 40 judulna, sanggeus diitung hargana sanggeus dikorting, meh kana 800 rebuna.
Kuring ngahuleng, 40 buku teh lamun dijejerkeun ngan ukur 40 cm, kios teh panjangna 3 meter lebarna 2 m, erak buku disusun lima, susun kaluhur, diitung teh panjangna rak buku aya kana 17 meter, 17m dibagi 40 cm = 42.5 ,dikali 800 rebu,...beu atuh kudu boga duit 38 jutaan kakara kios teh rada pepek (ceuk pun bojo mah cara ngitung kieu teh rada aneh)
 
Kuduna meuli buku keur jualeun deui mah nu jadi itungan teh kira kira buku naon anu dipikaresep ku anu rek meuli, tapi basa balanja kamari mah lain kitu, neangan buku teh anu dipikaresep ku kuring (nu rek balantik), kieu kalakuan teh geus salah ceuk elmu dagang mah, kajeun ah.....buku insya alloh payu deui, tapi kuring ge seubeuh maca.
Aya buku anu alus ceuk kuring mah nyaeta bukuna Pa Saini KM, anu judulna Krisis Kebudayaan (10 esai pilihan), aya artikel anu judulna Agama Dan Kebudayaan jeung Menjadi Sunda Menjadi Manusia.
Sigana ieu buku teh lecek manten samemeh payu, da hayeuh we dibulak balik, malum maca nu daria mah teu beunang ngan ukur sabalikan.
 
Poe ieu aya beja, neangan buku jualeun deui mah lain ka toko buku atuh....(enya kuring ge nyaho eta teh) tapi ka agen...!!
di Bandung loba...anu kajojo mah di Jl Karapitan toko buku Lucu ....!
Kuring naghuleng, ngadenge ngarana ge kakara.....mindeng ulin di Karapitan asa tara ningali toko buku nu ngaranna Lucu...eta teh cenah mah agen nu pang komplitna. Baruk..?
Sugan we beuki lila mah beuki kapanggih elmuna balantik buku teh..!!
 
MSasmita
 
 
 
 


Komunitas Urang Sunda --> http://www.Urang-Sunda.or.id





Komunitas Urang Sunda --> http://www.Urang-Sunda.or.id


Yahoo! Groups Sponsor
ADVERTISEMENT
click here

Yahoo! Groups Links

Kirim email ke