Haturan Baraya........ Nuju sikuring mulang kasarakan di lembur Parung - Subang, ngariung jeung kulawarga katut tatangga saba'da shalat Ashar. Lar liwat lalaki nu make baju pangsi hideung bari nanggung boboko, ayakan, hihid jsb. Teras di calukan ku Pun Uyut teh, "Kang....Aya Hihid ?!!", barang eta lalaki ngalieuk leketey hate kuring ninggal anjeuna mani tos sepuh pisan komo pas gok nendeun rancatan hareupeun kuring pisan mah eces eta lalaki tos aki-aki, (beda jeung aki uing nu di Kusnet).
Sabada pun uyut ngagaleuh hihid, teras sikuring naros ka pun biang, "mah, ayakan na sae nya ?" saur pun biang teh "kanggo naon atuh teh, apanan tos aya itu ge ?" ku abdi pun biang teh ditangkep bari ngaharewos "Upami bapa eteh icalan nu karitu heg tos sonten barangna seueur keneh, mulang ka lembur tebih keneh biheung kenging kanggo ongkos, dalah tuang ge artosna duka aya duka henteu, mangkaning pangaos barang-barangna teu sabaraha." Alhamdulillah pun biang teh ngartos kana maksad kuring, teras ngagaleuh hihid hiji hargina Rp. 2000, teras ayakan hiji Rp. 5000 jumlah Rp. 7000, rada reuwas oge pas ngadangu pun biang nawis "Genep rebu we nya , Ki !". Si Aki ngahuleng teu lami teras nyanggeman "mangga atuh....." Nuju Pun biang nyandak artos ku kuring dituturkeun, "mah, pirah ge sarebu mani ditawis sagala boa untungna si aki teh teu sabaraha " Pun biang teras istighfar "Astagfirullah, enya teh aduh dasar ibu-ibu hayang murah wae balanja teh !" (padahal sarebu ge kanggo abdi+kulawargi mah ageung pisan, abdi ngartos maksad pun biang teh.) Teras di asongkeun artos Rp. 7000 ka si Aki tukang dagang, abdi reuwas tapi reueus nalika ninggal si aki ngetang artos sababaraha kali bari jeung teras ngahuleng, teu lami naros ka pun biang, "neng, ari hihidna nyandak sabaraha hiji ?" saur pun biang ngawaler "hiji", sikap si Aki nu jujur nu mentak reueus " atuh ieu langkung Rp.1000, apan tadi abdi tos masihkeun hargi Rp. 6000" Subhanallah.....pikir kuring asa jarang mendakan tukang dagang jujur sapertos kieu, saur anjeuna "moal berkah neng, upami aki nuang eta artos" kapincut kusikep si aki nu jualan nepi ka kiwari ringkig jeung guratan kariput dinu taar sareng pipina katinggal keneh, bral aki geura papag rizki Alloh nu tos disebar kanggo MahlukNa. Bari muji jeung ngadu'akeun si aki ras kuring inget ka jembatan nu aya di hareupeun MM Bekasi sok mindeng amprok jeung aki-aki nu teu beda umurna jeung si aki nu ieu, ngan beda pisan pakasaban na. Bari ngangkat rancatanna si aki nyapu panon kuring bari nyarita " neng cik pilih mending mana antara KUKURUMUYAN sareng KOKOROMOYAN ??" kituna teh bari ngekeh jiga nu surti jeung tiasa maca pikiran kuring, teras si aki ngangkat rancatan ngingkig neruskeun lengkahna bari teu ngalieuk deui, ka kuring. Harita panon peo tos nyalindung disatukangeun gunung sakedap deui adzan maghrib bakal nyalukan Mahlkuk Alloh keur Sujud ka mantenNa. Sabaraha lilana kuring ngahuleng ngalenyepan kecap si Aki, kakara jentre saatos pun Uyut ngajelaskeun bari ngabaheuhay diteras payuneun bumina, saleresna ieu ge Uyut batur nu nganggap incu ka kuring (kaleresan anjeuna teu gaduh putra ), kitu deui kuring nganggap Uyut ka anjeuna kumargi Aki ti pun biang sareng Aki ti pun bapa mah tos parupus. Nu nuju nineung ka si Aki tukang Hihid. Neng an.... * Iraha kuring boga panti jompo nya ?? ------------------------ Yahoo! Groups Sponsor --------------------~--> $9.95 domain names from Yahoo!. Register anything. http://us.click.yahoo.com/J8kdrA/y20IAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
