Para wargi sadaya,
Ngimeutan guaran ngeunaan "Saha Munir Teh" dina sababaraha posting di milist ieu ku matak kataji. Mataholangna "repostasi" ringkes ngeunaan sikep hirup Muni rupina tiasa diringkeskeun yen Munir anu tiasa diistrenan salaku "Pejuang HAM Indonesia", parantos nyepeng sareng ngalakukeun dimensi sosial salaku dimensi pang pengtingna dina sikep hirup nyepeng agama (B. Ind: sikep menjalankan kehidupan beragama). Ngeunaan dimensi sosial salaku dimensi pangpentingna, mindeng aya anu netelakeun di ieu milist. Diantara katerangan dimaksud, yen Al- Qur'an kabuktian, 90% kandungan ayat-ayatna teh estuning madungdengkeun atawa ngatur urusan sosial. Ku cara ngajalankeun agama sarupi kitu atawa naon anu disebut sikep ngagem agama anu inklusif, mangka heunteu aya lolongkrang pikeun pacogregan pamadegan atawa laku hirup sapopoe jero masyarakat. Karana anu atra jeung nembrak jero paningal masyarakat mah tetep bae laku lampah hirup urang ka papada manusa jeung lingkunganna, naom bae pamadegan atawa cecekelan hirup urang. Lebet ka sasih saum sareng pakait kana dimensi sosial salaku dimensi pang pentingna dina agama Islam, ritual ibadah puasa oge sajatina ngarojong pisan kana pamadegan di luhur. Geus lir ari ngalakonan nahan hanaang jeung lapar salaku ngarasakeun naon anu mindeng karandapan ku dulur urang anu fakir tur miskin mah, dalah do'a-do'a (anu ngarupikeun "aspirasi" urang jero kahirupan) oge leubeut ku cita-cita, paniatan sareng bajoang manusa dina urusan sosial. Salah sahiji do'a anu dimaksud tiasa diparios ku para wargi sadaya dina alamat do'a-do'a khusus sasih Ramadhan ieu: http://www.duas.org/, khususna do'a saba'da rengse nyumponan sholat fardlu salami sasih shaum: http://www.duas.org/rameverysalaat.htm. Kagigirkeun soal ti mana asal muasal eta do'a jalaran dina tataran do'a mah tos teu aya deui bebedaan madzhab. Anapon tarjamahan eta do'a (http://www.duas.org/rameverysalaat.htm) anu kahiji, kirang langkung kieu: "Nun Gusti, mugi Gusti ngalebetkeun rasa kabagjaan ka satiap ahli (pangeusi) kubur" "Nun Gusti, mugi Gusti ngabeungharkeun ka satiap anu fakir" "Nun Gusti, mugi Gusti ngawaregkeun ka satiap anu kalaparan" "Nun Gusti, mugi Gusti ngaraksukan ka sadaya anu ditaranjang" "Nun Gusti, mugi Gusti mayarkeun (munahkeun) hutang satiap anu ngagaduhan hutang" "Nun Gusti, mugi Gusti masihan jalan kaluar ka satiap anu kenging karerepet (kasusah)" "Nun Gusti, mugi Gusti mulangkeun satiap anu sasar (anu salah jalan atawa anu kadungsang-dungsang)" "Nun Gusti, mugi Gusti ngabebaskeun ka satiap tandonan (tawanan)" "Nun Gusti, mugi Gusti ngaluskeun kana satiap anu awon/goreng tina urusan kaum Muslimin (golongan anu sumerah diri)" "Nun Gusti, mugi Gusti nyageurkeun ka satiap anu teu damang" "Nun Gusti, mugi Gusti ngaganti kafakiran abdi sadaya ku kabeugharan Gusti" "Nun Gusti, mugi Gusti ngabagilirkeun kagorengan kaayaan abdi sadaya ku kasaean Gusti" "Nun Gusti, mugi Gusti mayarkeun/munahkeun hutang-hutang abdi sadaya, sareng ngabeungharkeun abdi saya tina kafakiran" "Satemenna Gusti eta anu Maha Kawasa kana satiap perkara". Mangga diilo do'a anu nembe, kumaha ngantengna tali urusan sosial sareng ibadah shaum. Kukituna, kahartos upama perang Badr-anu minangka simbol merangan kadholiman- kajadianna teh dina sasih Ramadhan. Oge, sok sanaos jalmi-jalmi diwajibkeun shaum dina sasih Ramadhan, namung sasih Ramadhan heunteu kalebet sasih tina opat sasih anu diharamkeun peperangan dina Islam. Sadayana nunjukkeun yen ngabeberes urusan sosial malah sakedahna dironjatkeun dina sasih Ramadhan. Wallohu 'alamu bi al-showab. Baktosna, manAR ------------------------ Yahoo! Groups Sponsor --------------------~--> Make a clean sweep of pop-up ads. Yahoo! Companion Toolbar. Now with Pop-Up Blocker. Get it for free! http://us.click.yahoo.com/L5YrjA/eSIIAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
